1 Samuel 4:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca co'na' qaỹoviraqte'oga cá'maq qoyinta'ñi aso lahi' saua laqataxaco ñi qara'gaxala', ca' só'maq llaalqaipi so Israel ỹaatqajam ỹaualqatagui, mashic paguec da netoonaxac. Ca' ỹaatqajam rillimi'ñot nqai'en na 'laua.

1 Samuel 4:5 Iomraidhean Croise

2 Samuel 15:24

So Sadoc qai'neeta eec, liỹaatac sá'ogue so lotauaripi llaalqaipi so Leví i'xateta aso lahi' saua laqataxaco ñi qota'olec, qam aso'maxare qano'ueenaxatañi qoỹana'ñi yi la'a' so Abiatar. Ca' qanauaanta'a quiyim sá'ogue so qomyipi nenoxonec quiyi na'a' lodegaxat.

1 Reyes 1:40

Ime, ca' qaicoỹaretalec so'maxare, qaipe'teetapigui ana npe'te. Ca' ỹaatqajam 'xoic da netoonaxac so qomyipi. Ca ỹaatqajam paguec da naỹaac. Ca' mashic 'ec sham conaqta'gue na 'laua paguec da lelamaxa na qom.

Jeremías 7:4

Totaxan viilec ná'maq rayiñitac quena' 'naac: ¡Najo ná'maq na'ñi na lo'ueenaxanaxaqui ñi qara'gaxala', najo na'ñi na lo'ueenaxanaxaqui ñi qara'gaxala'!

Amós 6:3

Qamiri sqai 'maxariñii 'yiiñitaque ca na'xa'a se no'uen, qam naviguiho dá'maq quiyim se qaỹa'maxata'guelo qamiri.

Miqueas 2:11

No'm 'ue ca ỹo'uet ca la'maachic, ca' 'naac: “Ỹim sa'xateta'guit ca lataxa chaqai ca 'taxat,” ca' chaqaica cá'maq ỹaatqajam na'qaataxanqajnec qaimaqachin quenajo qomyipi. (2.12-13 Ñi qota'olec 'naac ro'ootaxanlec ma'le so lalamaxareteripi.)

Josué 6:20

Ca' so qomyipi co'na' ỹaualaq chaqai so netaxaỹaxanqajanqaipi pi'chigui so lpe'tellipi. Ca co'na' 'qaa so Israel llaalqaipi queso lelamaxa so npe'tellipi, ca' ỹaatqajam netenegue da laualaxac, ca' so lapoxonaxat yi na'a' 'guiñi. Ca' qaỹalamaxatau'a yi'maxare, ca' noxonec.

Josué 6:5

Ca ma' qamiri 'xaiỹaque cá'maq ỹaatqajam no'uen npe'taxanaxac, ca' qamiri ỹaatqajam nichiñigue ca raualaxaguii, ca' na nquepaqataxanaxat 'guiñi ma'le. Ca' ma'le, ca' quiñi 'óna caqamiri ỹalamaxateta'a yi na'a'.

1 Samuel 4:6

Ca' so filisteoipi co'na' 'xaỹaque da naualaxac, ca' renataxano': —¿Chi'negue ma' 'xoic na naualaxac quiyi nco'matqa' so hebreoipi? Qam na' ỹa'den quiyim aso lahi' saua laqataxaco ñi qara'gaxala' qanoviraqte'oga yi co'matqa',