1 Samuel 4:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca' so ra'qaataxantac co'na' ỹa'xat aso lahi' saua laqataxaco ñi qota'olec, ca' so Elí reloxoỹashiguim, taachi'ñi na lahi ñi lasom. Ca ma' so'maxare mashic qo'xoỹom, ca se ỹolaavichi'ñigui, ca' qalagoxouec añi nque'dese, ca' ileu. Ca so'maxare ỹovi' cuarenta ñaxari quiyim la'gaxala' na Israel llaalqaipi. (4.19—7.14 Da lelauaxa aso pa'ỹe loua na'le so Finees. Aso lahite' naua laqataxaco ñi qota'olec hueeta'gue da na'laua so filisteoipi. Na' ncopa, ca' qaỹopilaxat. So Samuel renoto nashi quiyi Israel.)

1 Samuel 4:18 Iomraidhean Croise

Salmos 42:10

Ỹovire'talo naua ipi'naqa seuete' paguelec na la'qaatqaipi na ñpa'guenaxauaripi, chaqai quiyim se yayaxanac yinatetac: ¿Negue' ca hueeta'gue ca qota'olec caqami'?

Salmos 42:3

Quiyi na'xa'a chaqai quiyi pe 'ec sa'queeta'pe naua ỹachi', qam se neme quiyim qayinatetac: ¿Hueeta'gue ca qota'olec caqami'?

1 Samuel 4:13

Ca co'na' ỹoviro, ca' so Elí nqa'xantaño' caso nqa'xanaxaqui, ra'iita'ñigui so nayic, ma' ỹaatqajam 'xoic da 'neeta, sauaxat qai'xat aso lahi' saua laqataxaco ñi qota'a. Ca' sojo ỹale taugui yi na'a', ca ra'qaataxan quedá'maq qohintari'. Ca só'maq neeta'ñiyi chaqa'ma' ỹaualqatagui.

1 Samuel 4:17

Ca so'maxare 'naaco': —Na llaalqaipi so Israel neuagaxatac, 'eetapeguem so filisteoipi. Chaqai 'xoic na qaỹalauat qomyipi, chaqai qaỹalauate' qai'neeta yaua dos qachaalaxahi' Ofni chaqai yi Finees, chaqai aso lahi' naua laqataxaco ñi qota'olec rouootaxana'gue na filisteoipi.