1 Samuel 4:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca co'na'le, ca' so filisteoipi nalauate'e', ca loxonec so Israel llaalqaipi. Ca so'maxare 'eet, i'guena'a yi nco'matqa'. Ca' ỹaatqajam qanalauajñi so qomyipi, ma' so co'ỹaaxaiquipi queso nalliripi so Israel llaalqaipi treinta mil so qomyipi ileu.

1 Samuel 4:10 Iomraidhean Croise

2 Samuel 18:17

Co'na'le, ca' qaiconot so Absalón, ca' qainaxa'ñigui aso tema late'ogue' naugui yi 'oochi. Co'na'le, ca' qalapoonlec so 'xoic qa'. Ca na' ime, ca' so llaalqaipi so Israel 'eet, i'guena'alo naua la'aate'.

2 Samuel 18:7

Ca' so llaalqaipi so Israel noxonec queso nalliripi so David, ỹaatqajam 'xoic so qanalauajñi queso na'xa'a. Ca ỹovi' veinte mil so qomyipi nimiguiñi.

2 Samuel 19:8

Ca co'na'le, ca' so nashi ne'laxashiguim, ca' nqa'xanñi quiñi lasom yi na'a'. Ca co'na' qaỹa'den quesá'ogue só'maq neetaugui yi na'a' quiyim so nashi nqa'xantañi quiñi lasom, ca sá'ogue so qomyipi quepegue' lapoỹau'a. Qam mashic ime quiyim sá'ogue so llaalqaipi so Israel pila'alo naua la'aate'.

1 Reyes 12:16

Ca co'na' sá'ogue so ỹalliripi quesó'maq llaalqaipi so Israel, co'na' ỹa'den quiyim so nashi se na'xaỹaxan quedá'maq qohinta'pegue, ca' so qomyipi 'naaco': ¡Qomi' sqa saaqapegueu'a so David! ¡Se salecqau'a dá'maq lesallaxa qano'ueenaqta'guit só'maq llaalec so Isaí! ¡Qomi' llaalqaipi so Israel qolaxauo quenaua qara'aate'! ¡Ca' so David chi cochiỹa ná'maq chaqai llaalqaipi! Ca co'na'le, ca' so Israel llaalqaipi quepegueto nauá'maq chi la'aate'.

1 Reyes 22:36

Ca co'na' mashic sham inoxonñi aca ra'aasa, ca qaỹa'ue la'xaỹaxac so nalliripi, qohinaco': —¡Quiñi 'óna pila'a ca la'a' quecá'maq chi na'laua,

Jeremías 7:12

Quiipegue' yí'maq senta'ñi na'le quiyi Silo, yí'maq 'auaxaic ica'acsec quiyim sena'ñi, ca 'ajñii dá'maq shine'tegue yi'maxare sauaxat dá'maq se no'uen ỹo'ueetetac yi ỹalamaxaret Israel.

1 Samuel 3:11

Ca' ñi qara'gaxala' 'naaco': —Ỹim 'ue ca so'uet ma'le quena Israel llaalqaipi, ca ná'ogue ná'maq 'xaỹa da'maxare ỹaatqajam 'xoic lqui'ic nqai'en da'maxare.

1 Samuel 4:2

ca' naloqojonñi quiyim nalauate'e' na Israel llaalqaipi. Ca ỹalauat so cuatro mil qomyipi so filisteoipi, co'na' nalauajta', illiitalec yi nalauatqa' so Israel llaalqaipi.