1 Samuel 3:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca' so Samuel noquiiquetashiguim da ladogaxa, ca' ñi qara'gaxala' ỹaatqajam ỹotauan so'maxare, chaqai ipaquichiguilo nqai'ne' naua la'qaatqa.

1 Samuel 3:19 Iomraidhean Croise

Génesis 21:22

Ca' quesauajo na'xata', na' so Abimelec quepegue' ỹahotaque quiyim retaxaỹa'pegue' so Abraham, liỹaatac so Ficol, lashi so nalliripi. Ca' so Abimelec 'naaco' queso Abraham: —Qomi' seuanaxa quiyim ñi qota'olec ỹotauantac qami' quená'ogue ná'maq 'viichi'sac.

Génesis 28:15

Ca' ỹim iỹaatac qami' scochi'sapegaxaua' quecanchaqai 'itegue, chaqai yapilaxata qami' ma'le najo 'laua. Se salachi'sac chaqai somachichigui dá'maq sachaxantac quiyim saanem qami'.

Génesis 39:2

Qam ñi qara'gaxala' liỹaatac so José, ca' sqaica canchaqaica na' ñaqai hueeta'ñi yi la'a' so na'co' Egipto le'ec.

Génesis 39:3

So na'co' retan quiyim so José na'deeta'guit ñi qara'gaxala', vichiguiño' quecá'maq ỹo'uet so José, qam ỹa'maqachiguiñi.

1 Reyes 8:56

—¡Ỹaatqajam qaimaqachin ñi qara'gaxala' ma' ỹaanem da leuagaxa na lalamqateripi llaalqaipi so Israel, ipaquichigui nqai'en dá'ogue dá'maq ỹachaxantac na'le! Ma' sqaica ma' se ipaguigui quet ná'maq no'uen ỹachaxantac na'le queso lelaatec Moisés.

2 Reyes 22:16

ca' ỹim na'gaxala' shinac: Ỹim selata ma'le da chalego lichic najo 'laua chaqai quená'ogue ná'maq neetalec, quiyim sepacqajanchigui ma'le sá'ogue so ỹa'qaatqaipi hueetalec asojo lere, só'maq retaqateguelec ñi nashi na'ñi yi Judá.

Isaías 43:2

No'm quiriñigui ca huaxaỹaq, ỹim iỹaatac qami', loqo'm quiyim paquira'ta aca lachiugue, sqai homirac; loqo'm quiyim quiichiriñigui ca norec, qam se raviqui', qaica ca 'negue na lauaq caqami'.

Isaías 44:26

Qam so'uet quiyim ipaquichiguilo naua la'qaatqa na ilaatqaipi chaqai 'maxaraic nqaishin cá'maq ỹo'ueetetac. Ỹim sa'xat quiyim yi Jerusalén liỹa pilchigui quiyim na'a' lodegaxat chaqai na na'aateripi quiyi 'laua Judá liỹa qano'xonshiguim. Ỹim so'uet quiyim qano'viishiguim ná'maq mashic ropoqota.

Mateo 1:23

Aca nequetegaxai saqa' 'on, qam 'manaxai ma'le, ca' 'ue ca llaalec. Qam ca'maxare leenaxato' ma'le Emanuel. Ca' dajo 'naac: Ñi qota'olec ỹalequetauguilo qomi'.

Lucas 1:28

Ca' so chicqashiguim nelaatec inoxono queso 'imec quiñí'maq neetaugui aso'maxare. Ca' iquin, 'ne'tegue: —¡Qami' mashic qami' nqouaguegue ñi qara'gaxala' qota'olec! Ñi'maxare qami' ima'guit. Ñi'maxare ỹaanem qami' da lqouagaxa, ca' sqaca nqai 'nejem aqami' caná'ogue ana liỹa 'aalo.

Lucas 1:80

Ca' so noctoqui' noquiiquetashiguim da llaqtaxac chaqai da lquesaxanaxa da la'deenataxanaxac. Qam chaqai neetalec so 'laua sqaica qom, chi ỹovireto'o' ca na'xa'a co'na' nachaxana so Israel llaalqaipi.

Lucas 2:40

Hua'ñi, ca so noctoqui' noquiiquetashiguim da llaaxa, chaqai da lquesaxanaxa, chaqai da la'deenataxanaxac. Ca' ñi qota'a ỹaatqajam ỹaanem so'maxare da lqouagaxa.

Lucas 2:52

Ca' so Jesús noquiiquetashiguim da llaaxa chaqai da la'deenataxanaxac. Ca' ñi qota'a ỹaatqajam ỹa'maxarenta so'maxare, chaqai ná'ogue na qomyipi.

2 Corintios 13:11

Qamiri ỹaqaỹa', nagui, ca' qaidaata quiyim no'uen ca qayicyaxaguii. Ỹaatqajam daañiỹaque ca la'maxa da chaalataxac, ỹa'maqachigui nqai'ñii na qavillii, niñiiquishiñitecta' queda ra'maxahi. Ca ñi qota'a chicqo'ot da na'maxa chaqai da ne'xorenataxanaxa hueetauguilo ma'le qamiri.

2 Corintios 13:14

Chaqai coñiguit da lqouagaxa so qara'gaxala' Jesucristo, chaqai da le'xorenataxanaxa ñi qota'a, chaqai quiyim ỹalequetauguilo qamiri so Espíritu Santo. Ajá'a, ca' chaqaida 'neeta dajo.

Deuteronomio 18:22

No'm ca la'qaatec ca netaxaỹaxaqui 'naac quiyim la'qaatec ñi qara'gaxala', qam se ipaguigui cá'maq ỹa'xat, ca' chaqaida retañiguii quiyim ñi qara'gaxala' se ra'qaataxan nqai'en ca'maxare. Ca ca'maxare 'ue da nemaqajnaxac, ca' chi iconejlec quiyim ra'qaataxan. Ca' ca'maxare qamiri se ro'chiỹa. (19.1-21 Qaichoxote' naua na'aate' ne'guenqate'. Dá'maq 'neeta cá'maq qoshiilec ca sqai llic.)

2 Timoteo 4:22

Ñi qara'gaxala' Jesucristo ỹalequetauguilo qamiri, chaqai ñi qota'a ỹaanema qamiri da no'uen qayicyaxaguii. Ajá'a, ca' chaqaida 'neeta dajo.

Josué 21:45

Ca' qaica quet cá'maq la'qaatec se ipacqajñigui quená'maq no'uen la'qaatqaipi quená'maq ỹachaxantapeguem so Israel llaalqaipi, ỹaatqajam ná'ogue ipacqajanchigui ñi qara'gaxala'. (22.1—23.16 So ni'ic pa'aata'gue da lqodoigue pila yi na'laua. So Josué retaqaugui so qomyipi.)

Jueces 13:24

Ca co'na' ỹovita so laloqo', ca' aso 'aalo 'ue so llaalec, ca' ỹanegue leenaxat Sansón. Ca' ñi qara'gaxala' ỹaatqajam nqouaguegue so'maxare.

1 Samuel 10:7

Ca ma' 'ue dajo caqami', ca 'viichi' cá'maq piichira'a 'maxaraic. Ca' ñi qota'olec rotauañi' ma'le.

1 Samuel 16:18

Ca 'uo' so 'óna quesaua'maxare 'naaco': —'Ue ca seuana quecaua llaalqa ca Isaí na'ñi yi Belén ỹaatqajam ỹa'den ana liviigue, chaqai nalauataxai 'ñaaxaic lauel, chaqai ỹa'den da letaxaỹaxac, chaqai 'maxaraic da no'ueenataxac, chaqai qaỹotauantac quiñi qara'gaxala'.

1 Samuel 18:12

Ca' so Saúl no'cha'a so David, ma' ñi qara'gaxala' ỹotauantac so David, qam ñi qara'gaxala' tot ỹotauan so Saúl.

1 Samuel 18:14

Ca ma' qaỹotauantac so David quiñi qara'gaxala', ca' ỹaatqajam 'ue nqai 'negue quená'ogue ná'maq ỹo'uet.

1 Samuel 18:5

Ca' quiyi, ca' re'oq quiyim so David qaica ca lqalanec quená'ogue ná'maq qailarelec queso Saúl, vichiguiño' so Saúl ỹano quiyim la'gaxala' so liỹa nalliripi nalauataxairipi. Ca' dajo ỹaatqajam qaỹa'maxarenta queso nalauataxairipi chaqai so nashillipi queso Saúl.

1 Samuel 2:21

Ca' ñi qara'gaxala' ỹaanem da lqouagaxa aso Ana. Ca na'le, ca 'man. Ca' chaqaida, ca' aso Ana 'vii saua liỹa' tres llaalqa chaqai dos saua llaale. Ca so noctoqui' noquiiquetashiguim quiyim neeto'ot ñi qara'gaxala'.

1 Samuel 2:26

Qam so Samuel mashic ne'nec, noquiiquetashiguim da llaaxa. Ca' da no'ueenataxac so'maxare ỹaatqajam nqo'ta ñi qara'gaxala' chaqai na qomyipi. (2.27-36 Qaỹa'xateta'guit da 'neeta ma'le so llaalqaipi so Elí.)

1 Samuel 9:6

Ca só'maq lelaatec 'naaco': —Quenajo na'a' lodegaxat 'ue ñi ỹale na'qaataxanaq. Ca ná'ogue na qomyipi ỹaatqajam 'ue nqai 'negue nqai'en, ma' ná'ogue ná'maq ỹa'xat ñi'maxare ỹaatqajam lliqueta. Sha'apiguito' ỹachaxan cá'maq nayic qolqa'tegue ma'le.