1 Samuel 3:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca' so Samuel ỹaatqajam ỹa'xate'tem sá'ogue so na'qaatqaipi so Elí qaica ca ỹoxojñi. Ca' so Elí 'naaco': —¡Ỹaatqajam chaqaiñi ñi qara'gaxala'! ¡Ca' chaqaiñi ñi'maxare ỹo'uet cá'maq ỹaatqajam ỹa'maqachiguiñi!

1 Samuel 3:18 Iomraidhean Croise

Génesis 18:25

Ca' ¿shichi' lauachi' qai'neeta cá'maq sqaica ca lasauaxaset, queeta'ñi' cá'maq sauaqhuaic? ¡Sqai 'ñitetegue dajo quiyim caua'que sqaica ca qohineguelo! Qami' ma' qaica ca 'nejem aqami' quiyim michi' ca nasauaxaset quená'ogue na hueetalec ana 'laua. Ca' ¿sqai shichi'o' daañiraque ca la'maqa' dajo?

2 Samuel 15:26

Qam quiyim 'naapiguiỹa' quiyim tot yi'xoren, ca' ỹim nagui ñañaanot, ca' yatoiquentac quecá'maq shim 'neetahic.

2 Reyes 20:19

Ca ra'deenataxantac so Ezequías quiyim ma' ñaq nca'leetauec, ca' 'ue da neuagaxa chaqai qaicanqaida, ca 'naaco' queso Isaías: —Da la'qaatec ñi qara'gaxala' 'ñirac, da'maxare ỹa'maqachiguiñi.

Job 1:21

Ca 'naaco': —Sentauec na' ñovita na 'laua, ca' chaqaida shintari' ma' shique'e. Ñi qara'gaxala' nañaañim ná'ogue ná'maq ỹouenqaipi. Ca ñi'maxare icona liỹa ná'ogue. ¡Ca' da leenaxat ñi qara'gaxala' chaqaidaata 'neetari' qaimaqachintac!

Job 2:10

Ca' so Job 'naaco' caso'maxare: —¡'Aalo'e', se ỹa'maxañi quiyim se no'uen ca 'xachi'! Ma' qomi' seconaxaguit ná'maq lo'yaxanec nelatalo qomi' ñi qota'olec, ca ¿negue' quet cá'maq 'neeta quiyim se seconaxaguit ca se no'uen? Ca' quedá'ogue dajo so Job qaica ca lasauaxaset, chaqai vire'ta qaica ca ỹo'maauec la'qaatec.

Éxodo 34:5

Co'na'le, ca ñi qara'gaxala' renotec, naquichi'ñigui so naueguelec. Ca' reloqota'guit so Moisés, ca' ỹa'xat dá'maq chaqai leenaxat.

Jeremías 38:14

So nashi Sedequías relaataxane'oga quiyim qaỹauego so Jeremías quiñaua tres lasomi' ñi 'imec lodegaxat no'ueenaxanaxaqui. Ca' quiyi, ca' so nashi 'naac queso'maxare, 'naaco': —Sa'ue da inataxanaxac caqami', qam sahotaque quiyim qamaxachite' ca lopilaxaset nqai'ñi'.

Jeremías 42:4

Ca' so Jeremías 'naaco': —Ajá'a ỹa'maqachiguiñi, sashiilo' ñi qara'gaxala' ñí'maq qota'olec caqamiri, ma' chaqaida dá'maq shiilaxañitaque, ca' sa'xatema qamiri ma'le cá'ogue cá'maq 'naapiguiỹa', qaica ca soxojñi.

1 Pedro 5:6

Ca niñiiquishiñii, 'guiñiỹoto naua laua' ñi qota'olec maq sqaica lqalanec, qaiyi ñi'maxare ỹalamaxachiñi qamiri ma' ỹovita ca laloqo'.