1 Samuel 3:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ma' shi'gue shintapega ñi'maxare quiyim sa'ue ma'le ca nouaxanaxaset quedá'maq ỹo'ueetesac se no'uen naua llaalqa, ca ñi'maxare shi'gue ỹa'den. Ma' naua llaalqa se no'uen da ỹa'xate' taalec nqai'ne' aỹim, qam ñi'maxare se quepaxate' quiyim nelaxalo.

1 Samuel 3:13 Iomraidhean Croise

1 Reyes 1:6

Qam so leta'a se ỹauanapega quiyim 'ue ca ỹa'xat queso'maxare chaqai se inat quiyim chi'negue ma' 'ne'tegue dajo. Ca' so Adonías lopiichi so leenaxat Absalón, ca so'maxare ỹaatqajam lo'yaxanec.

Ezequiel 18:30

Ỹim semit quiñi 'óna caqamiri Israel laseripi, taachigui nqaishin cá'maq ỹo'ueetetac. Ỹim na'gaxala', se'taxajñi da ỹa'qaatec. 'Maxaraic quiyim chaqa'ma' 'xañiñi dá'maq se no'uen 'viichitac, qaiyi sqai soviỹalec, ca' chicqochigui ca re'xoriguii.

Mateo 10:37

Cá'maq ỹapacqajnauec ca lqo'iichi queca leta'a, loqo'm caca late'e caỹim, ca'maxare sqa taiguit quiyim ỹalamaxaret. Chaqai cá'maq ỹapacqajnauec ca lqo'iichi queca llaalec, loqo'm caca llaale caỹim, ca ca'maxare sqa taiguit quiyim ỹalamaxaret.

Deuteronomio 21:18

No'm 'ue ca qom 'ue ca llaalec se na'xaỹaxan chaqai taxaỹaxai quiyim ỹaatqajam se na'xaỹaxanalo caua leta'al, ỹovire'ta quiyim qaỹouaxan, qam qaiyiita se na'xaỹaxan,

1 Juan 3:20

Ma' no'm añi qare'taxanata re'oq nqai'en quiyim 'ue ca qarasauaxaset, ca' ñi qota'a paguec lecaic cañi qare'taxanata, chaqai ñi'maxare ỹa'den ná'ogue.

1 Samuel 2:12

Ca' saua llaalqa so Elí ỹaatqajam hualoxona', qaica ca ỹahoraque ñi qara'gaxala',

1 Samuel 2:17

Ca' chaqaida 'neeta, ca' da lasauaxaset na ne'naqaipi quiñi qara'gaxala' ỹaatqajam chalego lecaic, ma' se ỹa'maxata'gue aná'maq nachitaxanataxanqate lalamaxarete ñi qara'gaxala'.