1 Samuel 28:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca' so filisteoipi lapoonta' so nalliripi, ca' quepegue' yi Sunem, ca na'ñi. Chaqai so Saúl qai'neeta lapoonta' sá'ogue so Israel llaalqaipi. Ca' na'maxajñi, quepegue' aso quemaralec ladocai quiyi Gilboa.

1 Samuel 28:4 Iomraidhean Croise

2 Samuel 1:21

¡Qaiyi totqai taalgoto qamiri ca ỹaxat chaqai aca 'ỹa', qamiri qa' ladocaipi quiyi Gilboa, ma' yi hua'ñi da nelauaxa! Chaqai hua'ñi na' qaico'viguilo aso lquepaqataxanqate cana lotogue na nalauataxairipi. Chaqaiyi hua'ñi na' pal so lqashilegaxa aso lquepaqataxanqate so Saúl.

2 Samuel 1:6

Ca so'maxare 'naaco': —Ỹaatqajam chi nachinchiquio' seuetalec ada quemaralec qa' ladocai Gilboa, ca seuañi'chiguit so Saúl ỹashiltalec aso laqui, ca' aso lauataxaqui nahoglenaipi chaqai ná'maq neetalec na shipiguiripi quená'maq nalauateta'pegue' ipalatalec so'maxare.

1 Reyes 1:3

Ca' qaimitaque aca nequetegaxai ỹaatqajam lo'yaxana. Ca' qaidaanaque quiyá'ogue yi 'laua neetalec na Israel llaalqaipi, vire'ta na' 'ue aso nanatqate leenaxat Abisag. So'maxare na'ñi yi na'a' leenaxat Sunem, ca' qaỹauegueu'a so nashi.

2 Reyes 4:8

Ca 'uo' so na'xa'a quiyim so Eliseo quejlec yi Sunem, ca 'uo' aso 'aalo nesallaxana na'ñi yi Sunem ỹaatqajam 'xoic da lepagaxallic quiyim lqui'ỹaaqa' yi la'a'. Ca co'quena' que'tegueyi so Eliseo, ca lotqai lqui'ỹaaqa' yi la'a' aso'maxare.

1 Samuel 28:5

Qam co'na' iuana so nalliripi so filisteoipi, ca' no'chi, ma' ỹaatqajam 'ue da lichic.

1 Samuel 31:1

Ca' so filisteoipi queu'a quiyim nalauate'e' so nalliripi so Israel. Ca' so nalliripi so Israel 'eet, ma' ỹaatqajam 'xoic so qaỹalauat hua'ñi aso quemaralec qa' ladocai leenaxat Gilboa.

1 Samuel 31:8

Ca co'na' queso liỹa na'xa'a co'na' so filisteoipi naqat na louenec na leuaxaiquipi, ca qaiuanejlec so Saúl chaqai saua tres llaalqa ileue' hueesa'ñi aso quemaralec qa' ladocai leenaxat Gilboa.