1 Samuel 25:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' sojo ỹale leenaxato' Nabal, so'maxare chigoxougui so llaalqaipi so Caleb. So'maxare ỹaatqajam hualoxonaq chaqai la'axaic lqahic. Qam aso loua Abigail ỹaatqajam lo'yaxana chaqai 'deenaxanqachaqai.

1 Samuel 25:3 Iomraidhean Croise

Génesis 12:11

Ca co'na' shim ỹovita yi Egipto, ca' so Abram 'naaco' caso loua Sarai: 'Ajñi', ỹim ỹaatqajam sa'deenta quiyim qami' ỹaatqajam lo'yaxana 'aalo.

Proverbios 30:22

ca nelaatec ỹovirau'a quiyim nashi, ca sqailligueme' nachinñi quiyim 'xoic ca loq,

Proverbios 31:10

Aca no'uen 'aalo 'xoic lqalaic quiyim qaỹanata; ¡paguec lesega'a queca qa' lo'yaxanec 'ueetaxat!

Proverbios 31:26

Quena' retaqa, qam ỹa'den dá'maq ỹa'xat, quiichigui nqai'en da le'xorenataxanaxa da lapaxaguinataxanaxac.

1 Samuel 25:17

Qam só'maq roua'e' ma' la'axaic lqahic, ca' qaica ca ishit retaxaỹa. 'Deenataxañirac qami', ca' vite cá'maq chi ro'ueenataxanaxaqui', ma' qami' 'yiiñite' quiyim 'ue ma'le ca lo'maxaset so roua'e' chaqai quená'ogue na qachaalaxai'ipi.

1 Samuel 25:25

Se na'xaỹaxañita ñi Nabal, ma' ñi'maxare hualoxonaq. Ma' ñi'maxare chi ỹo'ueetetac dá'maq chi leloxoỹaxac da leenaxat, ca ñi'maxare ỹaatqajam llic hualoxonaq. Ca' chaqai 'neetari' ỹo'ueetetac da neualoxonqaishic. Najo relaata'e' se iuañiguito' na'le caua relaataxahi'.

1 Samuel 25:4

Ca co'na' ñaqai hueete'e yi 'laua qaica qom so David, ca' la'xaỹaxac quiyim so Nabal hueete'e yi Carmel nepetquetac aso lalo qagreta. Ca ila' saua diez queso nalliripi quiyim ỹodo da liquinaxanaxac so'maxare,