1 Samuel 25:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' so Samuel ileu. Ca' sá'ogue so llaalqaipi so Israel lapoỹata', ca' noỹenteguelec so'maxare. Ca' qaishinñi quiyí'maq lalamaxaret na'laua quiyi Ramá. Ca co'na' ime, ca' so David quepegue' yi 'laua qaica qom, leenaxat Parán.

1 Samuel 25:1 Iomraidhean Croise

Génesis 14:6

Chaqai so horeo laseripi qaiuagaxatac hua'ñi yi qoỹoqoshi'megue 'laua leenaxat Seir, chaqai qaỹocantac qaỹoviraqta'a yi 'laua leenaxat Parán, huaqate'e' yi 'laua qaica qom.

Génesis 23:2

Ca' ileu quiyi Quiriat-arba, yí'maq nagui na'a' leenaxat Hebrón, huaugui yi 'laua Canaán. Ca' so Abraham noỹen na' ileu aso Sara, ca ỹadenaxachichigui da no'ueenataxac ná'maq 'ue ca lasauaxanec.

Génesis 50:11

Ca co'na' so Canaán laseripi naalec yijo 'laua iuane'ta dajo, ca 'naaco': Na Egipto laseripi 'uo' ca lasouaxac lodegaxat. Ca' vichiguiño' qaỹamata'gue leenaxat Egipto laseripi no'ueenaxa. Yijo 'laua pa'ỹa'gue da lqodoigue caso lachiugue Jordán.

Isaías 14:18

Ná'ogue na lashillipi na qomyipi quena 'laua queeta'ñi' da lemaqachic, quiñi 'óna hueeta'ñigui acá'maq chi lahi';

Números 13:26

pila yi Cades yí'maq huaugui yi 'laua qaica qom quiyi 'laua Parán. Ma' hueeta'ño'yi so Moisés, Aarón chaqai sá'ogue so liỹaripi Israel llaalqaipi. Ca co'na' ỹoviro queso'maxare, ca' ra'qaataxane' ỹa'xate' ná'ogue ná'maq iuanchirigui chaqai ỹachaxansac ana la ana nanecse huaalec yijo 'laua.

Números 13:3

Ca' so Moisés ipaquichigui nqai'en da lelaataxanaxac ñi qara'gaxala'. Ca' ilate' saua'maxare chicqochiri'ñi yi 'laua qaica qom, leenaxat Parán. Ca sá'ogue na'gaxalateripi só'maq ila'.

Números 20:29

Ca co'na' retan so Israel llaalqaipi quiyim so Aarón ileu, ca' qanoỹenteguelec quesaua treinta na'xata'.

Hechos 8:2

Ca 'vio' saua ỹale' ỹaatqajam 'maxataxaraqa, queesalec ñi qota'olec, chaqaisaua sauá'maq ishiñiñi so Esteban, noỹenseguelec so'maxare.

Deuteronomio 34:8

Ca' so llaalqaipi so Israel noỹenteguelec so Moisés quesaua treinta na'xata' hua'ñi yi 'laua qaica qom quiyi Moab, ca' qaipacqajanchiguilo saua na'xata' quiyim nasouaxaqui' queso'maxare.

1 Samuel 1:19

Ca' queso liỹa nete'e, ca' no'teesashiguim. Ca co'na' ime nqouagaxainsacot ñi qara'gaxala', ca' pile' queca la'aate' quiyi Ramá. Co'na' ime, ca' so Elcana lot lapa'ñi' aso loua Ana, ca' ñi qara'gaxala' no'uenta'gue dá'maq lashiilaxanaxac aso'maxare.

1 Samuel 28:3

Ca' queco'na'le, ca' so Samuel shi'co' ileu, ca sá'oco' so llaalqaipi so Israel noỹenteguelco' so'maxare. Ca co'na' ime, ca' qaishinñi quiyi Ramá yí'maq na'a' chi ne'xaỹoqsoqo'. Qam so Saúl ỹo'daauco' na'le quiyi na'laua ná'maq richaauec nqai'en da 'ueenataxac chaqai na ima'guit quiyim retaxaỹa'pegue' na nqui'i.

1 Samuel 7:17

Co'quena' ime, ca' pila yi Ramá yí'maq na'ñi ca la'a'. Ca chaqaiyi neeta'ñi, reloqota'a yi Israel. Chaqai qai'neeta no'xonshiguim aso ncopatoxonaxalate, qaiyi qanqouagaxainot ñi qara'gaxala'.