1 Samuel 20:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' vichiguiño' qouaquiric, ma' mashic ỹim relaachiqui', chaqai mashic saanaxauec da qara'qaatec quiñi qara'gaxala'. Ca' vichiguiño' nagui, no'm chaqaỹim ỹasauaxaset, ca' qami' yalauachi', se yipaquetaque yaviquira'a ca qataa'i'.

1 Samuel 20:8 Iomraidhean Croise

Génesis 24:49

Ca' nagui 'ñiỹapiguiỹa' quiyim qamiri qamaxaraqa chaqai huagaxaraqa queca ña'co'. Ca no'm sqaida, ca' qai'neeta 'ñiỹapiguiỹa', qaiyi sa'deenta cá'maq so'uet ma'le.

Génesis 47:29

Ca 'uo' so na'xa'a so Israel nauata'guito' quiyim tot qaỹaloq ileu. Ca roỹaxane'oga so llaalec José, ma' ỹahotaque 'naapega: —No'm llic vi'saque qouaquiric, ca' shichitot na rqai'laxachi' na ỹoteleta'. Ca 'ỹaañitot ca ra'qaachiqui' ñi qota'olec, quiyim shichi' 'viichi' cá'maq sashiilaxanaque. ¡Qouaquiric, se yishiñiriño' ma'le quena Egipto!

Hechos 25:11

Qam no'm 'ue ca ỹaatqajam 'chichiguiñi ỹasauaxaset ñigui ca nelauaxa, ca qaica 'negue quiyim qayalauat. Qam no'm qaica quet cá'maq llic quená'ogue ná'maq qaimaqatapiguilec, ca' qaica quet cá'maq ishit quiyim yayaanougui na judioipi. Vichiguiño' 'ue da ỹashiilaxanaxac quiyim chaqaica ca nashi quiyi Roma yimit quiyim ỹaatqajam 'uo' ca ỹasauaxaset.

Josué 2:14

Ca saua'maxare 'neraco': —Saanaxauec dá'maq chi qanachaalataxac ma'le, qaiyi se qaỹalauate' qamiri, qam no'm sqaica ca 'xachim dajo. Ca ma' ñi qara'gaxala' ỹaanema qomi' najo 'laua, ca' qomi' sa'maxatqa'teguelo qamiri chaqai ipaquichigui nqaishinaq da qara'qaatec.

Rut 1:8

Qam co'na' mashic queesa'gue so nayic, ca 'naaco' quesaua latel: —Mohi, pilliu'alo caua la'aate' caua qachi'illii. Ca' ñi qara'gaxala' ñaqai queeta da lqouagaxa caqamiri, 'nejem dá'maq 'ñiita'guelo qomi' qare'xoriñii chaqai yaua ỹaalqa,

1 Samuel 18:1

Ca co'na' ime quiyim so David retaqata'pegue' so Saúl. Ca' so Jonatán 'ec ỹaatqajam lqaỹa so David chaqai ỹaatqajam ỹauotegue, chi ỹovireta'a quiyim 'ec chaqaiso nauotalta'.

1 Samuel 18:3

Ca' so Jonatán chaqai so David ỹaandec da la'qaategue' quiyim se neme quiyim ỹaatqajam nauochaxaua', ma' so Jonatán ỹaatqajam lauochaxat so David 'ec nqai'en dá'maq chi nachaalataxac.

1 Samuel 20:9

Qam so Jonatán 'naaco': —¡Sqaica huapigui qavilli'! Ma' no'm sa'den quiyim ñi ita'a ỹahotaque ỹo'uet ca se no'uen caqami', ca' sa'ue ra'xaỹaxaqui'.