1 Samuel 20:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' so David 'naaco': —'Ajñi', ma' nete'e nemaqachic, ma' dalaxaic ñi shiraigo. Ca' ỹim ñqa'xañi'ñi' ñi qarashi Saúl ma' squi'ỹaq. Qam yayaxañirac quiyim ñañoxojñi quiyi no'ueenaxa, toco' ma' nete'e liỹa ma' lavit.

1 Samuel 20:5 Iomraidhean Croise

2 Reyes 4:23

—¿Chi'negue ma' quirepegue' nagui? —renataxano' so loua—. Ma' sqai dalaxaic ñi shiraigo chaqai se co'mataxaqui najo na'xa'a. —Qaica huapigui qavilli' —'naaco' aso'maxare.

Amós 8:5

Qamiri nauá'maq 'ñiỹaiquen: ¿Laquio' chaqai ime'uegue na nemaqachic quena dalaxaic shiraigo, qaiyi liỹa semeenaq na trigo? ¿Laquio' chi ime na na'xa'a co'mataxaqui, qaiyi semeenaq na nanecsec ala, qoỹoqota'a nqaishinaq chaqai sahoqe ca shinqa'tegue ana qaresallaqataxanaxaqui, rocachi nqaishinaq?

Juan 8:59

Ca' quiyi, ca qaiconapego' na qa', ma' qaỹahotaque qainaq so Jesús. Qam so'maxare nañoxojñi, ca' ca'e añi no'ueenaxanaxaqui, queetougui so qomyipi, ca' eec.

Hechos 17:14

Qam so nqaỹaripi chaqa'ma' ila' so Pablo quiyim quepegue' ca lqodoc aso huaaxai. Qaisauate' saua Silas chaqai so Timoteo no'ueendañi quiyi Berea.

Colosenses 2:16

Ca' vichiguiño' caqamiri qaica quet cá'maq qoyiqueteguelec caqamiri quecá'maq qanoxohi chaqai quecá'maq ni'chiigui, loqo'm quecá'maq nemaqachic na'xa'a, loqo'm queca dalaxaic shiraigo, loqo'm queca na'xa'a co'mataxaqui.

1 Samuel 20:18

Ca co'na' ime, ca 'naaco': —Ma' nete'e, ca' ỹovire'oga ca nemaqachic quena' ỹovirec shiraigo. Ca negue' cá'maq 'neeto' cá'maq nqa'xanqachi' ma' co'chiichi'ñi, ca qaro'uaachi'.

1 Samuel 20:19

Ca ma' ỹovirerec caua tres na'xata', ca' paguec qaro'uaachi' ma'le. Ca' nagui nañoxochiriñi quiyi nañoqotqachi' queso, ca' viitetoto' yi lapoỹañi qa'.

1 Samuel 20:24

Ca' so David nqañoxojñi queso no'ueenaxa. Ca co'na' noviro so nemaqachic queso dalaxaic shiraigo, ca' so nashi nqa'xanñi quiyim que'e queso nqui'ỹaxala'.

1 Samuel 20:27

Qam na' nete'e queso liỹa na'xa'a queso nqui'ỹaxac, ca' aso nqa'xanaxaqui so David qaiyiita co'chiichi'ñigui. Ca' so Saúl inat so llaalec Jonatán, 'naaco': —¿Chi'negue ma' sqa nac scavit chaqai nagui quiyim que'e ca llaalec ca Isaí?

1 Samuel 20:4

Ca' so Jonatán inato' so'maxare, 'naaco': —Ca' nagui ¿negue' cá'maq vi'saque quiyim so'uet caqami'?

1 Samuel 20:6

Ca no'm ca qataa'i' renataxanaque aỹim, ca 'ñiraco' quiyim 'ue ca ỹashiilaxanaxac caqami' quiyim saigue da ỹa'a' Belén. Ma' cá'ogue ca iuo' laseripi ỹo'uet aca lachitaxanataxanqate, ca' ỹavigaxat quena' ỹovirec yi ñaaxa.