1 Samuel 20:41 - La'qaatqa ñi qota'olec Qota'olec & Qota'olec Novita Na Qomyipi

⁴¹ Ca co'na' mashic ỹoxogue so nelaatec, ca' so David nenoxonec, chicqo'tegue da lahi so lapootañi qaripi. Ca' tres ỹa'chi'iñi naua le'cootal ỹoviraqta'guit na latap na 'laua queso Jonatán. Ime, ca' nqo'goxata' chaqai noỹenta'ta', chi ỹovire'ta quiyim nimishiguim da 'neeta so David.

1 Samuel 20:41 Iomraidhean Croise

Génesis 29:11

Ime, ca' iquin chaqai nqo'goq, ca' noỹentac.

Génesis 29:13

Ca' so Labán co'na' 'xaỹaque qaỹa'xat so Jacob só'maq llaalec aso lqaỹa, ca' ne'guenta ca'guit, ca nqa'aalliguit, iquin, ca' nqo'goq, ca' ỹauego queca la'a'. Ca na' ime, ca' so Jacob ỹa'xat dá'ogue dá'maq 'neeto' na'le.

Génesis 33:4

Qam so Esaú ni'guinshiguim, queeta'guit. Ca na' ỹovichiguit, ca' qa'aalegue na lqosot, ca' nqo'goq, ca' saua'que noỹene'.

Génesis 42:6

Ca' so José só'maq idaanteguelec yijo 'laua, ca' chaqaiso só'maq imeentac na trigo quena qomyipi chicqote'ogalo ỹoviretapego. Ca co'na' ỹoviro so lqaỹaripi, ca' ỹa'dooto naua le'cootal, ỹoviraqta'guita naua lataapi' na 'laua.

Génesis 43:28

Ca' saua'maxare liỹa ỹa'chi'iñi naua le'cootal, ca 'neraco': —Ñi qareta'a ñí'maq relaachiqui' ỹa'maqachiguiñi, ñaqa 'ue.

Génesis 45:15

Na' ime, ca' so José nqo'goq so lqaỹaripi, ca' noỹen quena' qa'aalgue. Ca na' ime dajo, ca saua lqaỹa' qaigueme ishite' retaxaira'pegue'.

2 Samuel 1:2

Qam queso liỹa na'xa'a, ca noviro so ỹale chicqa'oga yi nco'matqa' so Saúl. Ca' sojo ỹale ỹaatqajam nasectaqta'ahi saua loho, chaqai no'qaachigui na lqahic quena 'laua queda nqui'ic. Ca co'na' ỹovita so David, ca' ỹa'dooto naua le'cootal.

2 Samuel 1:26

¡Ỹaatqajam 'ue da i'xoric caqami' ỹaqaỹoolec Jonatán! ¡Ỹaatqajam ỹim rauochaxachi' na'le! Ca quedá'maq rauochaxa'e' na'le caỹim ỹaatqajam napacalec ca lqo'iichi na 'aallipi.

2 Samuel 19:39

Ca co'na'le, ca' sá'ogue so qomyipi ỹapacta aso lachiugue Jordán. Ca co'na' mashic ỹapacta so nashi, ca nqo'goq so Barzilai, ca' niquine'e'. Ca co'na'le, ca' so Barzilai pila ca na'ñi ca la'a'.

1 Reyes 1:16

Ca' aso Betsabé ỹa'dooto naua le'cootal so nashi ỹoviraqta'guit na latap na 'laua. Ca' so nashi inato' aso'maxare, 'naaco': —¿Negue' ca 'ñi'sa'pegue?

1 Reyes 1:23

Ca' qaỹa'ue la'xaỹaxac so nashi co'na' ỹoviro so letaxaỹaxaqui ñi qota'olec, ca' ỹa'dooto naua le'cootal ỹoviraqta'guit na latap na 'laua.

1 Reyes 1:31

Ca' aso Betsabé ỹa'dooto naua le'cootal so nashi ỹaatqajam ỹoviraqta'guit na latap na 'laua. Ca' ỹaualaq, 'naaco': —¡Ỹaatqajam se neme quiyim qami' ỹa'gaxala', qami' ỹashi David!

Hechos 20:37

Sá'ogue noỹentagui, chaqai qa'aalegue so Pablo, chaqai nqo'goq.

1 Samuel 10:1

Co'na'le, ca' so Samuel icona aso locoraxanqate aceite lahi', ca' ỹocorelec na lqahic so Saúl. Ca 'naaco': —Ñi qara'gaxala' ỹoỹoote'oga qami' nagui, qaiyi loqoira'a na llaalqaipi so Israel ná'maq lalamaxareteripi ñi'maxare. Ca' qami' ná'maq loqoira'a ma'le, na'maxare chaqai 'ootaxañirelec chaqai nca'laxachirec ma'le quena npa'guenaxauaripi sqoỹoqaque quena la'a'. Ca' 'eda dá'maq letanec ñí'maq qara'gaxala' quiyim ỹano qami' quiyim qami' lashi ma'le ná'maq lalamaxareteripi ñi'maxare.

1 Samuel 18:3

Ca' so Jonatán chaqai so David ỹaandec da la'qaategue' quiyim se neme quiyim ỹaatqajam nauochaxaua', ma' so Jonatán ỹaatqajam lauochaxat so David 'ec nqai'en dá'maq chi nachaalataxac.

1 Samuel 20:40

Ca co'na' ime, ca' so Jonatán ỹaanema saua lovioqo so lelaatec. Ca 'naapega quiyim ỹodooro queca na'a' lodegaxat.

1 Samuel 24:9

Ca 'naaco': —Qami' ỹashi, ¿chi'neco' ma' vi'relco' ná'maq 'naac quiyim ỹim sahotaque 'ue ca shine'tegue qami'?

1 Samuel 25:23

Ca co'na' aso Abigail iuañi'chiguit so David, ca' renotec queso lañaxala' 'ashin, ca' ỹa'chi'iñi naua le'cootal, ỹoviraqta'guit na latap na 'laua.