1 Samuel 20:30 - La'qaatqa ñi qota'olec Qota'olec & Qota'olec Novita Na Qomyipi

³⁰ Co'na'le, ca' so Saúl ỹaatqajam ro'ỹa so Jonatán, ca 'naaco': —¡Ỹaatqajam 'eco' qami' llaalec aca nanatqa lo'o' 'aalo! ¿'Ñiisapego' quiyim se sa'den quiyim nauochaxaua'e' so llaalec ca Isaí? ¡So'maxare ỹo'uet quiyim ỹaatqajam qanpocoxolec qami' chaqai añi qachii'i'!

1 Samuel 20:30 Iomraidhean Croise

Job 5:2

Nañaañichiguit da nqui'ic loqo'm da ne'xoric, da'maxare ỹaatqajam qaica ca 'negue, qam ỹaueca'a qami' da nelauaxa.

Proverbios 25:28

'Xoic na lichic ca qom se ỹa'den nollaalta' queda no'ueenataxac, 'ec ca na'a' lodegaxat qaica ca lquepaqataxanaxat.

Mateo 5:22

Qam ỹim shinac caqamiri, canchaqaica quiyim ro'ỹa ca lqaỹa, ca' ca'maxare qaỹa'ue ca nouaxanaxaset. Chaqai cá'maq ishiuen ca lqaỹa, ca' qaỹauega'a ná'maq nashillipi ỹo'ueetegueñi na leloxoỹaxaquipi, ca' qaimit. Chaqai cá'maq 'naac sqaica ỹa'den ca lqaỹa, ca' ca'maxare hueetalec ca lichic quiyim taañigui nqohin ca norec, cá'maq hua'ñi quiyim ñi qota'a ỹo'uet ca nouaxanaxaset na hualoxonyipi.

Efesios 4:31

Ca 'xañiñi dá'ogue da roquiiaxahi queca riỹahi, ná'ogue na nonogoxonaxac, chaqai quiyim ỹaualqatalec ca liỹa, loqo'm rishiuenaxantac, chaqai quiyim queetapegueu'a ca liỹa, chaqai ná'ogue na se no'uen 'xañiñi.

Efesios 6:4

Chaqai qamiri ma' qamiri neta'al, sqai 'ooqochichii' caua qachaalaxahi. Ta'ta'a quiyim naquetashi'me' nqai'ñii da no'uen na'deenataxanaxac, paxaguiñita'gue quiyim huelec so qara'gaxala'.

1 Samuel 20:29

Ne'xoresene'tot aỹim quiyim sa'maxarenta taigue da'maxare, ma' ca lauo' ỹo'uet aca ỹavigaxat lachitaxanataxanqate hua'ñi nqai'en ca la'a', chaqai ca lqaỹaripi so'maxare noỹaxane ỹahotaque taiquera. Chaqai qai'neeta 'naapega aỹim quiyim yqouaguegue saxanec, ca' chaqai cocho'qui' ra'piicha ca lauo' laseripi. Vichiguiño' nagui se nqa'xanñi quiyim qami' lqui'ỹaxaua.

1 Samuel 20:31

Ma' quiyim so'maxare ñaq nca'leetauec quena 'laua, ca' qami' chaqai dá'maq ro'ueenataxanaxaqui' quiyim qami' nashi qaica ca la'maqa'. Vichiguiño' nagui laataxañire'oga, ca naviquiro, ma' ca'maxare 'maxaraic quiyim ileu.