1 Samuel 20:13 - La'qaatqa ñi qota'olec Qota'olec & Qota'olec Novita Na Qomyipi

¹³ Qam no'm ñi ita'a ỹahotaque ỹo'uet ca se no'uen, ca' ñi qara'gaxala' ỹaatqajam ỹo'uet ca ñouaxanaxaset, no'm se sa'ue ca ra'xaỹaxaqui', chaqai sotauañi' quiyim qarayichi'. Chaqai ¡rotauañi' ñi qara'gaxala', 'nejem nqai'en da lotaanaxanaxac quiñi ita'a!

1 Samuel 20:13 Iomraidhean Croise

2 Samuel 19:13

Chaqai selaataxan quiyim qohinapega ca Amasa quiyim ỹim shinac qami' ỹaatqajam qami' idamshaxaua. Ca' vichiguiño' nagui chaqa'ma' sano qami' quiyim qami' lashi na ñalliripi, sana'ñi qami' yi loma' na'le so Joab. Ca no'm se ipaguigui nqaishin da ỹa'qaatec, ca' ñi qara'gaxala' ỹa'ue ma'le ca ñouaxanaxaset.

2 Samuel 7:15

Qam se lloỹoote'oga da ỹoqouagaxa ma'le queca'maxare, mesqai shine'tegue na'le queso Saúl na' ñaqat, ca' sanagui qami' da lo'ueenataxanaxac.

1 Reyes 1:37

Ca chaqaida dá'maq 'neetari' na'le ñi qara'gaxala' ro'ootaxanteguelec qami', ca' chaqaida 'neetari' quiñi Salomón, ca ỹo'uet quiyim paguec lecaic ma'le ca lo'ueenataxanaxac caqami', qami' qarashi David.

1 Reyes 19:2

Ca' aso Jezabel ỹa'uo' so lelaatec quiyim 'naapega so Elías: —¡No'm qami' Elías, qam ỹim, ỹim Jezabel! Ca' na qarashiilqaipi nqolaquipi ỹa'ue ca ñouaxanaxaset lodegaxat, no'm nete'e ma' 'nejem nagui sqai shi'ntegue qami' dá'maq 'ñitetegue so lauachi' netaxaỹaxaquiripi.

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Filipenses 4:9

Chaqai ỹaatqajam 'viichii ná'ogue ná'maq sapaxaguinque qamiri, chaqai ná'maq ỹaqataxaquipi saanema qamiri, quená'maq 'xaichigui caỹim, chaqai ná'maq huañichigui so'uet; ca 'viichii. Ca' ñi qota'a ñí'maq chicqo'ot da na'maxa ỹalequetauguilo qamiri ma'le.

Josué 1:5

Qaica ca ishit quiyim loxonec qami' quiyim ñaq rca'lli'sauec, ca ỹim iỹaatac qami' ma'le dá'maq shinta'gue na'le queso Moisés. Se salachi'sac chaqai qaica ma' shique'e quet qami'.

Rut 1:17

Yileua'ño' cá'maq relauqachi', ca' chaqaica cá'maq sahotaque qayishina'ñi. ¡Ca' ñi qara'gaxala' ỹaatqajam se ỹala'gue quiyim ỹa'ue ca ñouaxanaxaset quiyim shique'e qami', ca' chi ñoỹooteteco' caqami' ma' chi yileu!

1 Samuel 10:7

Ca ma' 'ue dajo caqami', ca 'viichi' cá'maq piichira'a 'maxaraic. Ca' ñi qota'olec rotauañi' ma'le.

1 Samuel 17:37

Ca ñí'maq qara'gaxala' ñí'maq ro'ootaxanlec aỹim quenaua lenachi' ca sauaxaic leta'a chaqai caca layoraxai late'e, ca qai'neeta ro'ootaxanlec aỹim quedajo filisteo. Co'na'le, ca' so Saúl 'naaco' queso'maxare: —Cha'regue mo'e', ca quepaqataxanlec qami' ñi qara'gaxala'.

1 Samuel 18:12

Ca' so Saúl no'cha'a so David, ma' ñi qara'gaxala' ỹotauantac so David, qam ñi qara'gaxala' tot ỹotauan so Saúl.

1 Samuel 20:12

Ca co'na'le, ca' so Jonatán 'naaco' queso David: —Saanec da ỹa'qaatec quiñi qara'gaxala' qota'olec quena Israel, quiyim nete'e chaqai nete'e liỹa chaqaiyi ñiichi'ñi añi ra'aasa sedaanaque ca la'maqa' quiyim sa'den cá'maq 'neeta'pegue ñi ita'a. No'm 'maxaraic, ca' sa'ue ca ra'xaỹaxaqui' ma'le.

1 Samuel 20:14

Ca no'm ñaq yca'leetauec, ca' ỹaatqajam yi'xoriñi' ma'le, 'nejem dá'maq lqouagaxa ñi qara'gaxala' caqami'. Chaqai no'm yileu,

1 Samuel 25:22

Ca' so'maxare nallitalto'o' quiyim ỹaanec da la'qaatec, 'naaco': —Ñi qota'olec ỹa'ue ca ñouaxanaxaset lodegaxat, no'm sqai nagui loqo'm nete'e quiyim se ñomachichiguiñi cá'ogue ca ỹalliripi lauo' laseripi ñi Nabal.

1 Samuel 3:17

Ca' so Elí inato' so'maxare, 'naaco': —¿Negue' cá'maq 'neeta ca la'qaatec ñi qara'gaxala' caqami'? Ñi'xoresene'tot qami' quiyim cá'ogue 'xachi', qaica ca 'xochiriñi. ¡Ca' ñi qota'olec rouaxañi', no'm 'ue ca 'xochiriñi quecá'ogue cá'maq ỹa'xat caqami' ñi qara'gaxala'!