1 Samuel 20:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' so David 'eet, chicqochi'ñi yi Naiot quiyi Ramá, quepegue' ca neeta'ñi so Jonatán, ma' ỹahotaque 'naapega: —¿Nega'ỹo' ca se ỹa'maxañi so'uet? ¿Nega'ỹo' cá'maq sasauaxat? ¿Nega'ỹo' cá'maq ỹasauaxaset quiñi qataa'i' quiyim ñi'maxare ỹahotaque yalauat?

1 Samuel 20:1 Iomraidhean Croise

2 Corintios 1:12

Ca dá'maq ỹo'uet da qanetoonaxac 'neetasa': quiyim queda chi qano'ueenataxac sa'deenqata quiyim ña'maxatqata qolqatalec dá'maq ỹaatqajam leloxoỹaxac da na'qaatec na' ñaq salecqataugui ná'ogue na qomyipi quena 'laua, qam paguec na' salecqatauguilo qamiri. Ca' quedá'maq lqouagaxa ñi qota'a, ca qarotauantac quiyim shinqatari' dajo, qam dajo mesqai chicqaugui da chi qara'deenaxanaxa.

2 Pedro 2:9

Ca' chaqaida dá'maq 'neeta ñi qara'gaxala' quiyim ishit nca'laxatec queca ne'guenaxac cá'maq ỹaatqajam nañaanot ñi'maxare, chaqai ná'maq hualoxonyipi tai'a nqai'en da nouaxanaxaset ma' qaimit ná'ogue najo.

1 Juan 3:21

Ca' vichiguiño' qamiri ñauochaxaua' ỹaqaỹa', no'm añi qare'taxanata qaica ca re'oq nqai'en qarasauaxaset, ca' ỹaatqajam qaica ca huapigui qouel quiñi qota'a.

1 Samuel 20:2

Ca' so Jonatán 'naaco': —¡Ñi qota'olec se ỹa'maxaren ma'le dajo! Ca' ¡se ralauachi'! Qam 'yiiñisari' quiyim ñi ita'a sqaica ca ỹo'uet quiyim qaica ca ỹa'xaỹaxac, lodegaxat loqo'm cocho'qui'. Ca ¿negue' cá'maq 'neeta quiyim se ichoxochim quet dajo? ¡Qaica quet cá'maq la'maqa'!

1 Samuel 20:32

Ca' so Jonatán 'naaco' queso'maxare: —Qam ¿chi'negue queta' qaỹalauat? ¿Nega'ỹo' cá'maq se no'uen ỹo'uet?

1 Samuel 24:11

Ca' nagui, qami' qarashi, ñaqai 'ajñite' na llo'qoota'a: Najo lahi ana qapooto'e' ñichaxauec. Ca' shi'gue quet salauachi'. Ca vichiguiño' nagui, ca 'yiiñite' quiyim aỹim se sahotaque sa'ue ca shine'tegue qami', se spa'guiñi'sac chaqai se ñapaquiraxalec. Qam qami' yocañi'sac, vi'saque yalauachi'.

1 Samuel 24:12

¡Ca' ñi qara'gaxala' imite' qomi' ma'le, ca ñi'maxare ỹo'uet ca nouaxanaxashichi' sauaxat aỹim! Ca quena' ỹim qaica ma' sahotaque quet quiyim 'ue ca shine'tegue qami', ma' qami' qarashi.

1 Samuel 24:17

Ca 'naaco': —Ỹaatqajam llic ná'ogue ná'maq 'xachi'sac, ma' ỹim pilaxachirelec ná'ogue na ỹa'maqachiguiñi, ma' ỹim ná'maq so'ueetetac da se no'uen caqami'.

1 Samuel 24:9

Ca 'naaco': —Qami' ỹashi, ¿chi'neco' ma' vi'relco' ná'maq 'naac quiyim ỹim sahotaque 'ue ca shine'tegue qami'?