1 Samuel 2:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ñi'maxare cochiỹalo caua lqauaxaqui' cá'maq qamaxaraic quiñi'maxare, qam na hualoxonyipi ileuaugui nqai'en na napalaxa, ma' qaica quet cá'maq doxonaxan chicqochigui cá'maq chi lquesaxanaxa.

1 Samuel 2:9 Iomraidhean Croise

Job 5:16

chaqaiñi ñí'maq lpe'eet ná'maq qaica ca lquesaxanaxa, ¡ñi'maxare ishit ỹapogui na lap na hualoxonyipi!

Salmos 1:6

Ma' ñi qara'gaxala' qota'olec netela'a da llicyaxac na 'maxataxaraiquipi, qam da llicyaxac na hualoxonyipi taata'a quiyim na'laañi.

Salmos 121:3

¡Sqai ỹaxanegue quiyim saulli'! ¡Sqaica ma' laq quet ñí'maq reloqota'a qami'!

Salmos 121:5

Ñi qara'gaxala' ñí'maq reloqota'a qami'; ñi qara'gaxala' ñí'maq ro'ootaxanteguelec qami', ñi'maxare mesqai ca'e qami', ma' ỹahotaque rotauañi'sac.

Salmos 121:8

Ñi qara'gaxala' cochiitapega qami' quenaua'que naua qayigohi', nagui chaqai se neme da lcochaxac.

Salmos 31:17

Yaualqatacot qami' ỹa'gaxala'; ¡se pataxañi nqai'ñi' aỹim da nayiloxo! ¡Da nayiloxo pataxañi nqai'ñi' na hualoxonyipi; ỹaatqajam ỹovira'ña nqai'ñi' ca hua'ñi na leuaxaiquipi!

Eclesiastés 5:17

Chaqai dá'maq liỹa paguec la'aaxa, quiyim dá'ogue da nachaalataxac hueetaugui na napalaxa, chaqai 'xoic da ledaxac, nqui'ic chaqai da lauelgaxanaxac.

Zacarías 4:6

Ca na'le, ca' so'maxare queetalec da letaxaỹaxac, 'naac: 'Neetasa' dá'maq letaxaỹaxac ñi qara'gaxala' taỹa'a so Zorobabel: Mesqai qaỹahote'e ca ỹalliripi nalauataxairipi chaqai da nquesaxanaxa, ta'ta'a quiyim qaỹahote'e so ñi'Espíritu, 'naac ñi qara'gaxala' sqaica lqalanec.

Números 6:24

Ñi qara'gaxala' ỹaanem qami' ca no'uen qayicyaxaqui' chaqai quepaqataxanlec qami';

Mateo 8:12

Qam ná'maq ỹalequetau'a quet da no'ueenataxanaxac hueeta'gue da piguim, na'maxare qaỹo'da'oga ma'le ca napalaxa pa'aauec. Ca quiyi ca hua'ñi, ca noỹentac iquishquinta' naua loue quena nqui'ic.

Romanos 3:19

Sa'deenaq quiyim dá'ogue dá'maq ỹa'xat so naqataxaquipi chicqo'ot so Moisés, ỹa'xat, qam 'naapega ná'maq hueeto'ot so naqataxaquipi, qaiyi ná'ogue i'maxañi, qaica retaqa, ca' qaiyi ná'ogue na qomyipi hueeto'ot quiyim 'ue ca 'neeta ma' ñi qota'a imit ná'ogue na nasauaxaset.

1 Pedro 1:5

Ma' qamiri 'ue da rpi'ỹaxaguii quiñi qota'a, ca ñi'maxare quepaqataxanlgoto qamiri queda lquesaxanaxa, qaiyi viriỹau'a da rca'laxahi ỹahotaque ỹachaxanema qamiri quecaua pa'aaterec na'xata'.

2 Pedro 2:17

Najo qomyipi 'ec aca ni'ỹa rashivigui tot qaica ca le'ec huaxaỹaq, chaqai 'ec ca naueguelec chi qaỹaỹoxonaxateta quena nonot. Chaqai taata'a nqohin quiyim qaillaugui cá'maq ỹaatqajam napalaxa sqaica lqodoc.

Judas 1:1

Ỹim Judas, ỹim la'ac so Jesucristo, chaqai ỹaqaỹa so Jacobo. Shiriñi anajo ilaata quená'maq loỹaxanqateripi chaqai ỹoỹoote'oga ñi qota'olec quiyim ỹauaaque lalamaxareteripi, ná'maq qaicochiitapega ma' na'deetau'a so Jesucristo.

Judas 1:13

Na'maxare 'nejem ca quesaxan lo'paxa aca huaaxai niñimlaxantecshiguim na lanatqaipi se no'uen 'ec ro'i, chalego la'aaxa nayiloxo lahi'. Chaqai na'maxare 'ec aca huaqajñi ỹit ca llicyaxac, ca' 'ue da nouaxanaxaset quiyim hueetaugui nqohin na qaica nqai 'nejem chaqai sqaica lqodoc napalaxa.

Judas 1:3

Qamiri ỹaqaỹarolqa, ỹaatqajam 'xoic da shinta quiyim shiriñi dajo caqamiri queda qarca'laxa hueeto'oto qomi'. Qam nagui, ca' seuana quiyim ỹouen shiriñi dajo caqamiri quiyim ñi'xoresentouguilo quiyim se neme loguilgoto daua qanapaxaguinataxaco dauá'maq mashic qoỹaanem ná'ogue ná'maq lalamaxareteripi ñi qota'a.

1 Samuel 25:26

Qam qaiyiita ỹaatqajam re'qoota quiyim ñi qara'gaxala' se ỹa'maxaren quiyim nanaqui', ca' coraqchira'pe caua neuo' quiyim viisaque ca rovichi'. ¡Saxanchi' ñi qara'gaxala' ỹo'uet quiyim ná'ogue ná'maq rpa'guiñi'sac chaqai ná'maq ỹahotaque ỹo'uet ca se no'uen caqami', ca 'nejem nqohin ca nouaxanaxaset ma'le ñi Nabal!