1 Samuel 2:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ñi qara'gaxala' ishit rouootaxana'gue da chaalataxac chaqai ishit ỹa'ue; ñi'maxare ỹo'uet quiyim qareleu, chaqai ñi'maxare ishit quiyim qarca'laxatec.

1 Samuel 2:6 Iomraidhean Croise

1 Reyes 17:22

Ca' ñi qara'gaxala' na'xaỹaxana da ne'xoresenaxac so Elías, ca chaqaida 'neeta, ca chicqochigui quiyim liỹa nca'leuec so noctoqui'.

2 Reyes 5:7

Ca co'na' so nashi quiyi Israel retaqalec aso nelaata, ca nasectaqta'ahi saua loho queda nqui'ic. Ca 'naaco': —Ca ¿ỹimo' ná'maq ỹim qota'olec quiyim ỹaanec da nca'laxa chaqai quiyim ỹacona da chaalataxac quiyim cajo nelata ỹim na ỹale quiyim ñataren na le'ne' na loshicmaxa? ¡Ỹaatqajam 'ajñita, ca' 'yiiñii ma'le quiyim ỹahotaque ca lligo queca ño'ueenataxac quiyim yiloquin!

Job 5:18

Ma' no'm ñi'maxare ỹo'uet ca ncoñiraxa, qam nataren chaqai ỹaxajlec; chaqai no'm da lqai'laxat da rouaxanaxana, qam qai'neeta ỹa'ue da na'maxa.

Salmos 71:20

'Eno'm 'xoic na yoviraxachirau'a se no'uen chaqai na ne'xoric, qam qaiyiita liỹa yca'laxachirec; 'eno'm qoỹoqochi'ña ca seueta'ñi, qam naqachirishiguim aỹim quena 'laua,

Eclesiastés 3:3

'Ue yí'maq laloqo' quiyim nalauataxanaxac, chaqai ca laloqo' quiyim natarenataxanaxac. 'Ue yí'maq laloqo' quiyim 'ue ca qaỹosogui, chaqai ca laloqo' quiyim qano'xonshiguim.

Ezequiel 37:12

Hua', cha'regue 'ñirapega quiichigui nqai'ñi' da ỹeenaxat, ca 'ñirapega: Dajo 'naac ñi qara'gaxala': Qami' ỹalamaxaret, sauachi'ña qamiri quena viita'ñi; ca ñaqajshiguim qamiri quena'maxare, ca' sopilaxatalo qamiri yi 'laua quiyi Israel.

Ezequiel 37:3

Ca na'le, ca 'naapiguiỹa': ¿Qami' vi'relec quiyim najo lpi'naqaipi ishit quiyim liỹa nca'leuec? Ca' ỹim shinac: Qami' ỹa'gaxala', qaqamite' 'yiiñi'.

Mateo 12:40

Ma' dá'maq 'neeto' na'le so Jonás co'na' hueetagui na lauel so nallin lodegaxat tres na'xata' chaqai tres piri, ca' chaqaida 'neeta ma'le najo ỹale llaalec hueetaugui ma'le na lauel na 'laua tres na'xata' chaqai tres piri.

Juan 11:25

Ca' so Jesús 'naaco' caso'maxare: —Chaqaỹim ná'maq ñca'laxatec na leuaxaiquipi, chaqai chaqaỹim ná'maq ỹim nca'laxa. Cá'maq huelec aỹim, 'eno'm ileu, qam nca'leuec.

Apocalipsis 1:18

Ỹim ná'maq yca'leetauec. Ma' yileu na'le, qam nagui, ca' sqaica lqodoc quiyim yca'leetauec. Ỹim llo'qoota'alo soiquenta'pe naua lauaatqate da nelauaxa chaqai quecá'maq lapooqo' na lqui'i na leuaxaiquipi.

1 Samuel 20:3

Qam so David lotqai liỹa pilalec da la'qaatec, 'naaco': —Ñi qataa'i' ỹaatqajam ỹa'deenta quiyim ỹim rqo'itaxachi', ca' peeta'a se ỹa'deenaxanaxanegue dajo qami', ma' sqoue quiyim sqa 'maxariñi'. Qam saanem qami' da ỹa'qaatec, 'qaachigui ñi qara'gaxala', quiyim sqaỹaloq yime.