1 Samuel 2:3 - La'qaatqa ñi qota'olec Qota'olec & Qota'olec Novita Na Qomyipi

³ Qaica ca nemaqajan quiyim retaqa, qaica ma' napacqajan quet ca qom, ma' ñi qara'gaxala' chaqaiñi ñí'maq qota'olec ñí'maq ỹa'den ná'ogue, chaqai ñi'maxare naloqochin chaqai imit cá'maq ỹo'uet ca qom.

1 Samuel 2:3 Iomraidhean Croise

Salmos 31:18

I'maxañi nqai'ñi' na 'maatqaiquipi ná'maq re'naxantac quenaua la'qaatqa chaqai naqaica'guit, ca' ỹo'ooqochit ca qom no'uen ca la'deenataxanaxac.

Proverbios 24:12

Ca 'eno'm 'taxachisegueñi quiyim sqa 'yiiñi', qam ñí'maq imitac na nasauaxaset qaiyijim retan qami'; qam ỹaatqajam ỹa'deenta ñí'maq ra'ajñisac qota'olec, ñí'maq ipaquichigui nqai'en ca re'xoriqui' cá'maq ro'ueenataxanaxaqui'.

Daniel 5:27

TEKEL: qami' ỹashi qaresallaxachi', qam pa'aachitem';

Hebreos 4:12

Ma' da la'qaatec ñi qota'a nca'leetauec chaqai 'ue da lquesaxanaxa. Chaqai paguec llaaxa quená'ogue na lecat dos llaaxa', chaqai ishit ỹovirau'a na pa'aauo se re'xogui quena qom chaqai quedá'maq hueetagui da nachaalataxac, vire'ta ná'maq paguec pa'aauo quena qom; chaqai ichoxot ca na'deenataxanaxac, chaqai quecá'maq 'ueenataxac hueetagui añi ne'taxanata.

Apocalipsis 2:23

Chaqai salauat ma'le ná'ogue na llaalqaipi, qaiyi ỹa'den ma'le ná'ogue ná'maq mashic icoñiguit da na'qaatec quiyim ỹim sa'den ná'maq qoỹoqochi'ña na'deenataxanaxac chaqai da namaanaxanqachic, chaqai quiñi 'óna caqamiri icoñiguit ma'le cá'maq laseue' cá'maq ỹo'ueetetac.

1 Samuel 16:7

Qam ñi qara'gaxala' 'naaco' queso'maxare: —Mese ra'irigui cá'maq qom chaqai cá'maq ladoqueta, ma' ỹim se secoñiguit. Ma' sqaida dá'maq ra'iitagui ca qom. Ma' na qom ra'iitagui da chi no'ueenataxac ca qom, qam ỹim ya'iitagui añi le'taxanata.