1 Samuel 2:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Qamiri 'yiiñita quiyim no'm 'ue ca qom nasauaxate'e' ca liỹa, ca' ñi qara'gaxala' 'ue ca qoshiilec. Qam ca qom quiyim chaqaiñi ñi qota'olec hueeto'ot ca lasauaxaset, ca ¿negue' cá'maq qoshiilec ca'maxare? Qam saua'maxare se na'xaỹaxanta dá'maq 'naac so leta'a, ma' ñi qara'gaxala' chaqai 'negue, ma' ỹahotaque naqat da nachaalataxague' saua'maxare.

1 Samuel 2:25 Iomraidhean Croise

Génesis 38:10

Ca' ñi qara'gaxala' se nqo'ta qai'neeta dá'maq 'neetari' so Onán, ca' qai'neeta icona da nachaalataxac.

Génesis 38:7

Qam ñi qara'gaxala' se nqo'to' dá'maq no'ueenataxac so Er, ca' icona da nachaalataxac.

Salmos 51:16

Ma' qami' sqai 'maxariñi' aca chi nachitaxanataxanqate loqo'm aca qaỹavigaxat; ỹim seshit saanem quet qami', qam qami' sqai 'maxariñi' aca'maxare.

Salmos 51:4

'Ue da ỹasauaxaset caqami', da'maxare qaqamite' hueeto'ot, na' so'uet na se no'uen, ná'maq se rqo'chita qami'. Vichiguiño' ỹa'maqachiguiñi da ra'xalenataxanaxaqui'; chaqai sqaica imaqa'guita naua ra'qaataxahi'.

Eclesiastés 3:3

'Ue yí'maq laloqo' quiyim nalauataxanaxac, chaqai ca laloqo' quiyim natarenataxanaxac. 'Ue yí'maq laloqo' quiyim 'ue ca qaỹosogui, chaqai ca laloqo' quiyim qano'xonshiguim.

1 Timoteo 2:5

Ma' 'oonoqui' ñi qota'a, chaqai 'ue so 'oonoqui' qom ishit quiyim nemanachite'tot nqai'en na qomyipi ñi'maxare. So'maxare leenaxat Jesucristo.

Hebreos 10:26

Ma' no'm chaqai shinaxague qolqatalec dá'maq qarasauaxaset, quiyim ma' ime sa'deenaq dá'maq lliqueta, ca tot ishit quet quiyim 'ue quet ca qoỹaano quiyim qaỹapalaxat ca nasauaxaset.

Hebreos 10:27

Chaqaidaata quiyim chalego lecaic da qana'xalenataxac ma' qaimit ná'ogue najo, chaqai ca chalego lauaq norec cá'maq ỹavigaxat, quiguiñi nqai'en ma'le ná'maq npa'guenaxauaripi ñi qota'a.

Hebreos 7:25

Vichiguiño' ishit quiyim qaica lqodoc nqai'en da lca'laxa ná'maq ỹachigoxochichigui so'maxare quiyim nqo'neu'a ñi qota'a, ma' so'maxare tot ileu, ca rashiilaxanlec quiñi qota'a na'maxare.

1 Samuel 3:14

Ma' mashic saanec da ỹa'qaatec taatougui nqaishin na llaalqaipi ñi Elí quiyim dá'ogue da se no'uen ỹo'ueetetac sqai pal, 'eno'm qaỹavigaxat ca nachitaxanataxanaxat quiyim qoỹaanot aỹim.