1 Samuel 2:24 - La'qaatqa ñi qota'olec Qota'olec & Qota'olec Novita Na Qomyipi

²⁴ 'E', qamiri ỹaalqolqa, ỹaatqajam qaica ca la'maxa ná'maq sa'den na'xatetapigui na qomyipi caqamiri.

1 Samuel 2:24 Iomraidhean Croise

Éxodo 32:21

Ime, ca 'naaco' queso Aarón: —¿Nega'ỹo' cá'maq 'ne'tegue qami' najo qomyipi? ¿Chi'neco' ma' ỹo'uet nqai'ñi' da chalego lecaic lasauaxaset?

Mateo 18:7

Ca' ¡chalego la'aaxa quena qomyipi quiyim 'ue ca ỹo'uet quiyim chicqochigui ca lasauaxaset na qom quena 'laua! Qam dajo chaqai'eno' quen 'ue. Qam ¡'xoraicolec cá'maq qom chicqochigui dajo!

Hechos 6:3

Vichiguiño' qamiri qarqaỹa', michiỹaque caqamiri caua siete ỹale' cauá'maq qaipi'ỹa'alo quiyim ỹo'ueete' dajo, chaqai 'ue na ỹa'deene' chaqai no'qaachiguilo queca Espíritu Santo, ca chaqaicaua ma'le caua ỹa'ajandac da no'ueenataxanaxac.

2 Corintios 6:8

'Ue quen yi na'xa'a qaimaqachinta'pe qomi', chaqai 'ue quen yi na'xa'a se qaichira'pe qomi', chaqai 'ue quen yi na'xa'a 'maxaraic da qana'qaataxac, chaqai 'ue quen yi na'xa'a se no'uen da qohinac coqomi'. 'Ue quen 'ec qomi' 'maatqaqa nqohine', chaqai 'ue quen quiyim 'ec lliqueta nqohin dá'maq sa'xatqatac.

1 Timoteo 3:7

Qai'neeta quiyim no'uen da na'qaataxac 'maxaraic quená'maq saqa' icoñiguit da na'qaatec, qaiyi ỹaatqajam 'ue nqai 'negue nqohin, qaiyi se ilamqa'ñigui aca loqoinaxanaxaqui so na'ỹaapec.

2 Pedro 2:18

Ma' nemaqajnaxai quena' retaqa, qam qaica ca 'netegue naua la'qaatqa. Ma' ỹachigoxochichigui da lamaanaxanqachic quenanchaqaina chaqai na se no'uen lamaanec na qom loshicmaxa, ca' ỹashaxanec ná'maq mashic qohitauec quená'maq ñaqai hueetaugui da no'maxac.

3 Juan 1:12

Ná'ogue ỹaatqajam lo'yaxanec da la'qaataxanaxac quena' ỹa'xatetac ca Demetrio, chaqai qai'neeta dá'maq na'qaatec ỹaatqajam llic ỹa'xat dá'maq no'uen no'ueenataxac ca'maxare. Chaqai qomi' qai'neeta sa'xatqatac dajo, chaqai qamiri 'yiiñita quiyim llic dá'maq sa'xatqatac.

Apocalipsis 2:20

Qam 'ue dá'maq se sa'maxaren caqami'. Ma' qami' 'xañisac añi 'aalo leenaxat Jezabel ma' 'naac letaxaỹaxanqajna ñi qota'a. Qam ỹayintac na ilaatqaipi queda lapaxaguinataxanaxac, ma' que'uegue nqai'en da nedequenaxac, chaqai quiyim ỹa'ic ná'maq nachitaxanataxanaxat mashic qoỹaanot ca nashiilec nqolac.

1 Samuel 2:17

Ca' chaqaida 'neeta, ca' da lasauaxaset na ne'naqaipi quiñi qara'gaxala' ỹaatqajam chalego lecaic, ma' se ỹa'maxata'gue aná'maq nachitaxanataxanqate lalamaxarete ñi qara'gaxala'.

1 Samuel 2:22

Ca' so Elí mashic qo'xoỹom, qam so'maxare ỹa'deentari' ná'ogue ná'maq ỹo'ueetesac saua llaalqa quena Israel laseripi, chaqai saua'maxare vire'ta quiyim lapaasapi'ñi' na 'aallipi reloqota'a ñi lasom ñi na'daañi 'imec quiyim qoyicpegue' ñi qota'olec.

1 Samuel 2:23

Co'na'le, ca 'naaco' quesaua llaalqa: —Ná'ogue na qomyipi ra'xachitac quená'maq se no'uen 'viichitac. ¿Chi'neco' 'ñiitari'o' dajo qamiri?