1 Samuel 2:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ca' so Elí ỹaanem da lqouagaxa so Elcana chaqai aso Ana, 'naacsa': —Ñi qara'gaxala' ỹaanem qami' ma'le ca liỹa llaalqaipi dajo 'aalo, laseue' nqai'en da llaalec ỹaanot ñi'maxare quiyim ro'ueenataxanot. Ca co'na' ime dajo, ca' saua'maxare pile' queca la'aate'.

1 Samuel 2:20 Iomraidhean Croise

Génesis 14:19

Ime, ca' ỹaanem da no'uen llicyaxac so Abram, 'naaco': Ỹaanem qami' ca no'uen qayicyaxaqui' ñí'maq qaica 'nejem qota'olec, lo'ueenatec na piguim chaqai na 'laua;

Malaquías 2:15

Ca ¿mesqai qaiñiito' ñi qota'olec ñí'maq lo'ueenatec na roshicmaxa'e' chaqai na ra'alli'? Ca ñí'maq qota'olec ỹahotaque quiyim 'ỹaañitot ca qachaalquenaxanaxaqui'. Ca' ¡qamiri cochiiỹa dá'maq nachaalataxaguii, ca 'neeto' sqai pacqajñigui cá'maq ra'qaachiguii na' ñaqai qami' ne'nec caca roua'e'!

Lucas 2:34

Ca so Simeón ỹaanem da no'uen la'qaatec so noctoqui'. Ime, ca 'naapega aso María só'maq late'e so Jesús, 'naaco': —'Ajñi', ná'taq noctoqui' tai'a ma'le quiyim 'xoic ca huaañi nqai'en chaqai ca nachaalataxanñi quena Israel llaalqaipi. Na'maxare chaqaina na netanec quiyim ỹaatqajam 'xoic ma'le ca sqai huelec,

Rut 2:12

Ca' ¡ñi qota'olec ishiueten ma'le dá'maq 'ñiisari'! ¡Ñi qara'gaxala' ñí'maq qota'olec quena Israel llaalqaipi ñí'maq daañisaque quiyim huaqaitot, ishiueten ma'le dá'ogue dá'maq ro'ueenataxanaxaqui'!

Rut 4:11

So qo'xoiquipi chaqai sá'ogue só'maq ỹalequetaho 'naaco': —Ajá'a, qomi' seuanqachigui. Ca' ¡ñi qara'gaxala' quiyim ỹo'uet cacajo 'aalo inoxona'a ca ra'aachi', 'nejem nqai'en aso Raquel chaqai aso Lea sauá'maq sachigoxosoxouguilo qomá'ogue qomi' llaalqaipi so Israel! Chaqai qami' ỹaatqajam qami' choxoraic chaqai ỹaataxaraic quena qara'a' Efrata, da liỹa leenaxat Belén.

1 Samuel 1:11

Ca' ỹaanot da la'qaatec, 'naaco': —Qami' ỹa'gaxala', ma' qaica ca qalañirac: Ma' 'ajñisac da chalego le'xoric najo relaata'e', ca' o'lliinchira'a aỹim, ca 'viichi' ca ỹaalec. Ca ma'le, ca saanot qami' dá'ogue da nachaalataxac ca'maxare quiyim ro'ueenataxanot qami'. Ca dá'maq netanec ma'le ca'maxare quiyim saanot qami', ca' se qanepetec na lqahic laue.