1 Samuel 2:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' chaqaida 'neeta, ca' da lasauaxaset na ne'naqaipi quiñi qara'gaxala' ỹaatqajam chalego lecaic, ma' se ỹa'maxata'gue aná'maq nachitaxanataxanqate lalamaxarete ñi qara'gaxala'.

1 Samuel 2:17 Iomraidhean Croise

Génesis 10:9

Ca' so Nimrod ỹaatqajam ima'guit da leparaxanaxac, ma' chicqo'ot ñi qara'gaxala' ỹaatqajam paraxanaxai. Ca' chaqaida dá'maq chicqochigui da na'qaatec quen: 'Nejem ca Nimrod ima'guit da neparaxanaxac chicqo'ot ñi qara'gaxala'.

Génesis 13:13

yí'maq na'ñi ná'ogue na qom hualoxonyipi, chaqai ỹo'ueetetac ná'ogue na se no'uen quená'maq se nqo'ta ñi qara'gaxala'.

Génesis 6:11

Ca' quiñi qota'olec na 'laua no'qajlec quena se no'uen chaqai quena se ra'maqataxan,

2 Reyes 21:6

Chaqai qai'neeta ỹavigaxate' saua llaalqa quiyim ỹa'ue lachitaxanataxanqate', chaqai vire'ta napaxaguina quiyim ỹa'den na se re'xogui, ca ỹo'viijñi quiyim qaretaxaỹa'pegue' na nqui'illipi chaqai da ne'naxanaxac. Ca chalego la'aaxa dá'maq ỹo'uet quiñi qara'gaxala', ca' ỹovireta'a quiyim ro'o nqai'en quená'maq lo'ueenataxanaxaquipi.

Salmos 51:4

'Ue da ỹasauaxaset caqami', da'maxare qaqamite' hueeto'ot, na' so'uet na se no'uen, ná'maq se rqo'chita qami'. Vichiguiño' ỹa'maqachiguiñi da ra'xalenataxanaxaqui'; chaqai sqaica imaqa'guita naua ra'qaataxahi'.

Malaquías 2:13

Qam qamiri paguec lecaic dá'maq 'viichitac: ma' 'paxanaxachiijlec ada ncopatoxonaxalate quiñi qara'gaxala' quena rachiripi quena' noỹiñitac, ma' ñi qara'gaxala' tot netooñi'chiguit quena' 'ue ca rachitaxanataxanaxachii.

Mateo 18:7

Ca' ¡chalego la'aaxa quena qomyipi quiyim 'ue ca ỹo'uet quiyim chicqochigui ca lasauaxaset na qom quena 'laua! Qam dajo chaqai'eno' quen 'ue. Qam ¡'xoraicolec cá'maq qom chicqochigui dajo!

1 Samuel 2:16

Chaqai no'm ca qom 'naac: —Qam 'au savigaxataq ana lo'ỹo, ca' ma' ime, ca' 'viiquiñi'sac cá'maq coñira'a. Ca ná'maq lelaategue' 'naaco' quen: —¡'E', nagui nañaañirim! Noma'chi', ca' souootaxana'gue.

1 Samuel 3:13

Ma' shi'gue shintapega ñi'maxare quiyim sa'ue ma'le ca nouaxanaxaset quedá'maq ỹo'ueetesac se no'uen naua llaalqa, ca ñi'maxare shi'gue ỹa'den. Ma' naua llaalqa se no'uen da ỹa'xate' taalec nqai'ne' aỹim, qam ñi'maxare se quepaxate' quiyim nelaxalo.