1 Samuel 2:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' saua llaalqa so Elí ỹaatqajam hualoxona', qaica ca ỹahoraque ñi qara'gaxala',

1 Samuel 2:12 Iomraidhean Croise

1 Reyes 21:10

Ime, ca nqa'xañiñi nqai'ñii' caua dos ỹale' reloqoso'ot nqai'ñii. Ca' caua'maxare chaqai 'nerac nqai'ñii quiyim so Nabot noquiaatapega na'le ñi qota'olec chaqai ñi nashi Acab. Ime, ca viguiuec, ca lauachii, naxaita, dohita'a na qa'.

1 Reyes 21:13

Ime, ca ỹovirero nqohine' saua dos ỹale' quiyim chi ỹo'ueete' ca ỹa'xate' se no'uen queso Nabot, 'qaatac nqohin sá'ogue so qomyipi, quiyim so Nabot noquiaatapega na'le ñi qota'olec chaqai so nashi Acab. Ime, ca' qaỹauegue'uegue da lahi yi na'a', ca qainaqatac quena qa' chi qaỹalauatetañi.

Jeremías 2:8

Na netaxaỹaxanqajanqaipi quena' qaretaxaỹa'pegue' aỹim se idaanaque aỹim, na napaxaguinataxanaripi quena ỹalamaxareteripi qaica ca ỹauaaque aỹim, na lashillipi npa'guene'e' aỹim, na itaxaỹaxaquiripi ỹa'xat da leenaxat so nashiilec Baal, chaqai quegue na nadenqatec nqolac qaica ca 'negue.

Jeremías 22:16

Chaqai ro'ootaxanlec quen na 'xoraiquipi chaqai ná'maq chi qoỹoiquentac, ca' chaqaida 'neeta vichiguiño' ỹa'maqachiguiñi na'le ná'maq ỹo'uet. Ca chaqaida dá'maq lo'ueenataxanaxac cá'maq iuañiua'. Ỹim na'gaxala', se'taxajñi dajo ỹa'qaatec.

Juan 16:3

Dajo qohine'teguelo qamiri ma'le, ma' se qaiuanapega ñí'maq qota'a chaqai aỹim.

Juan 17:3

Ca' dajo nca'laxa sqaica lqodoc chicqochigui quiyim qaiuañiraxaua', quiyim ỹaatqajam qaqamite' qami' qota'olec, chaqai na qachaalqui' Jesucristo ná'maq qami' nelachi'.

Juan 8:55

Qam qamiri sqa huañiỹapega ñi'maxare; qam ỹim maxasa' seuana. Qam queta' shinac se seuanapega, ca' ỹaatqajam ỹim quet 'maatqaic, shinta quet maqamiri. Qam ỹaatqajam llic seuana, chaqai ña'xaỹaxana cá'maq 'naac ñi'maxare.

Romanos 1:21

Ma' na'maxare mashic ỹa'den ñi qota'a, qam sqai 'neeta'gue quiyim chaqaiñi ñi qota'olec, chaqai sqai ỹaantacot da na'aachicyaxac. Ta'ta'a quiyim ỹa'deentapega ná'maq sqaica ca 'negue, chaqai añi le'taxanata ỹo'meetam, hueetagui na 'eco' napalaxa.

2 Corintios 6:15

Chaqai ¿negue' cá'maq 'neeta quet quiyim neuojne'ejta' quet so Cristo queso na'ỹaapec? chaqai ¿negue' quet cá'maq 'neeta quiyim huaque'ejta' quet cá'maq saqa' icoñiguita yaua na'qaatqa quecá'maq mashic icoñiguita yaua na'qaatqa?

Deuteronomio 13:14

ca' qamiri ỹaatqajam nataxañii'tegue cá'maq 'neeta dajo. Ca no'm ỹaatqajam 'yiiñita quiyim llic dá'maq qaỹo'ueetetac se no'uen,

Jueces 2:10

Ca' qai'neeta ileu so llaalqaipi so Israel só'maq naloxouaripi so Josué. Ca' chaqaida 'neeto' na'le quiyim so dalaxaic ne'qaañi qomyipi qaica ca ỹa'den ñi qara'gaxala' chaqai ná'maq lqouagaxa queso Israel llaalqaipi.

1 Samuel 10:27

Qam sqoue ná'maq se no'viiñi naua la'qaatqa queso qomyipi. Ca 'naaco': —¿Ca chaqaido' dajo dá'maq qarca'laxatec ma'le? Ca' qaỹañijintac chaqai se qaimaqachin. Qam so Saúl se na'xaỹaxana dajo queso qomyipi.

1 Samuel 25:17

Qam só'maq roua'e' ma' la'axaic lqahic, ca' qaica ca ishit retaxaỹa. 'Deenataxañirac qami', ca' vite cá'maq chi ro'ueenataxanaxaqui', ma' qami' 'yiiñite' quiyim 'ue ma'le ca lo'maxaset so roua'e' chaqai quená'ogue na qachaalaxai'ipi.

1 Samuel 3:13

Ma' shi'gue shintapega ñi'maxare quiyim sa'ue ma'le ca nouaxanaxaset quedá'maq ỹo'ueetesac se no'uen naua llaalqa, ca ñi'maxare shi'gue ỹa'den. Ma' naua llaalqa se no'uen da ỹa'xate' taalec nqai'ne' aỹim, qam ñi'maxare se quepaxate' quiyim nelaxalo.

1 Samuel 3:7

Ca' so Samuel saqa' ỹa'den da lavillaxac ñi qara'gaxala', ma' ñi'maxare saqa'leca ca ỹachaxanem so'maxare.