1 Samuel 2:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' da nqouagaxainaxac aso Ana 'neetasa': Qami' ỹa'gaxala', somato'ot qami' añi i'taxanata queda ñitoonaxac, ma' qami' vite da dalaxaic ña'ñaaqataxac. Ca' ỹim nagui seshit setaxaỹa na ñpa'guenaxauaripi, ma' qami' yotauañi'. Ca' ¡ỹim nagui 'ue da iuagaxa!

1 Samuel 2:1 Iomraidhean Croise

Salmos 118:14

Ỹim so'uen ñi qara'gaxala', ma' ñi'maxare ỹo'uet da iquesaxanaxa. ¡Chaqai chaqaiñi ñí'maq ica'laxaqui!

Salmos 148:14

¡Ñi'maxare ỹaanem da lquesaxanaxa na lalamaxareteripi qomyipi! ¡'Ue da lemaqajnataxanaxa ná'ogue na qamaxaraiquipi quená'maq llaalqaipi so Israel, lalamaxareteripi sqoỹoqaque! ¡Qaimaqachin ñi qara'gaxala' qota'olec!

Salmos 51:15

Qami' ỹa'gaxala' ñaqai huachigui nqai'ñi' na ỹap, qaiyi so'ueenaxan, semaqachiñi'sac.

Salmos 71:8

Yá'ogue yi na'xa'a semaqachintac da recaiqui';

Éxodo 15:1

Co'na'le, ca' so Moisés chaqai so Israel llaalqaipi ỹo'ueeno' da lo'ueenec, imaqachin ñi qara'gaxala': So'ueenaxano', semaqachintac ñi qara'gaxala', ma' 'ue da ne'laxa na' rauegaxan na' iyinñi nqai'en caso huaaxai so shipiguiripi qoyintalec.

Éxodo 15:21

Ca na' ñaq ro'ueenaxantalec so liỹa 'aallipi: 'Ueenaxañii, maqachiñitac ñi qara'gaxala', ma' ñi'maxare chalego lecaic da lauegaxanaxac na' iyinñi nqai'en so shipiguiripi qoyintalec. (15.22-27 'Ue so nanataxat huaxaỹaq, qam chim.)

Lucas 1:69

Ñi'maxare ỹaanema qomi' só'maq ỹaatqajam 'ñaaxaic nca'laxaqui, chicqotougui nqai'en na llaalqaipi só'maq lelaatec David.

Romanos 5:11

Qam mesqaidaata dajo, ma' qai'neeta 'ue da qanetoonaxac quiñi qota'a chicqochigui so qara'gaxala' Jesucristo. Ma' so'maxare chicqochigui quiyim huaqui'chiguita qomi' nagui ñi qota'olec.

Filipenses 3:3

Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.

Filipenses 4:4

Naua'que naua na'xata' netooñita'gue so qara'gaxala'. Liỹa sopilalec shinac: ¡netooñitac!

Filipenses 4:6

Chaqai qaica ca ỹachicoqochite' qamiri. Ta'ta'a quiyim ná'ogue 'ỹaañitacot ñi qota'a quena' nqouagaxaiñii. Shiilaitac, chaqai 'ỹaañitacot da na'aachiguii qai'neeta.

1 Pedro 1:8

Ma' qamiri 'xoriñii so Jesucristo, 'eno'm sqai huañiỹa; chaqai quiyim viilec so'maxare nagui quiyim sqai huañiỹa, ca' ỹaatqajam chalego da netoonaxaguii chaqai da lemaqachic, ca da'maxare se ishit qaichoxochichigui,

Apocalipsis 18:20

Qam qami' piguim, chaqai qamiri lelaatqa so Jesús, chaqai ná'maq letaxaỹaxaquiripi ñi qota'a, chaqai ná'ogue ná'maq lalamaxareteripi ñi'maxare, netooñigue yijo na'a' lodegaxat, ma' ñi qota'a ỹo'uet da nouaxanaxaset yi'maxare, ma' sougui dá'maq 'ne'teguelo qamiri.

1 Samuel 1:6

Ca' vichiguiño' aso Penina, ma' lasaxaua, ỹaatqajam se ỹala'gue i'neetac, chi ỹahotaque da layiloxo aso'maxare, ma' ñi qara'gaxala' se co'o nqai'en aso'maxare.

1 Samuel 1:7

Ca quena' ỹovirec yi ñaaxa, co'quena' que' querepegue' saua'maxare añi no'ueenaxanaxaqui quiyim qanqouagaxainot ñi qara'gaxala', ca' aso Penina ỹaatqajam se ỹaqamaxat aso liỹa. Ca noỹentaco' quen aso Ana chaqai se que'e.