1 Samuel 18:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' quedajo, ca' se ỹa'maxagui lauel nqai'en so Saúl. Ca co'na' ro'o, ca 'naaco': —So David imaalec nqohin quiyim ỹalauat so diez mil qomyipi, qam caỹim, ca qaisauate' saua mil. Ca ¡saqa'leca cocho'qui', ca' qoỹano nashi!

1 Samuel 18:8 Iomraidhean Croise

Génesis 37:11

Ca' saua lqaỹa' ỹaatqajam 'ue da lpa'guenaxanqa'. Qam so leta'a ỹaatqajam 'xoic da 'neeta ỹa'deentapega cá'maq 'neeto' dajo.

Génesis 37:8

Ca' saua lqaỹa' 'neraco': —¡Ca' quedajo, ca 'ñirac quiyim qami' qarashi ma'le, ca' 'viiquiñisa'pe qomi' ma'le! Ca co'na'le, ca' paguec qanoquii'a queso le'guemataxac chaqai quedá'maq 'neeto' na' ỹa'xat.

Ester 3:5

Ca co'na' so Amán ỹaatqajam ỹa'deenta quiyim so Mardoqueo se ỹa'dooto naua le'cootal so'maxare chaqai se nanaxañi nqai'en na lqahic, ca so Amán ỹaatqajam ro'o.

Eclesiastés 4:4

Seuana qai'neeta quiyim 'xoic ca no'ueenataxanaxac chaqai quiyim nqo'neuec ca no'ueenataxanaxac chicqochigui quiyim 'ue ca npa'guenta'ta', ca' dajo qai'neeta qaica quet cá'maq 'negue, chaqai 'ec qaỹahotaque neconecsec ca nonot.

Números 22:34

Ca' so Balaam 'naaco' queso lelaatec ñi qara'gaxala': —'Uo' ca ỹasauaxaset, ca' se sa'den quiyim viisa'ñi yi'maxare qachisa'ñigui na nayic. Ca no'm sqai 'maxariñi' quiyim shic, ca' sopil.

Santiago 4:5

'Uo' ca 'neeta, vichiguiño' yaua naneresañi na'qaatqa 'nerac: “So Espíritu Santo só'maq ñi qota'a ỹanauguilo qomi', so'maxare nqo'talo chaqai ỹauoteguelo qomi'.”

1 Samuel 15:28

Ca' so Samuel 'naaco' queso Saúl: —Dajo 'ñitetegue nagui, ca chaqaida 'ne'tegue qami' nagui ñi qara'gaxala' rouootaxana'gue nagui da ro'ueenataxanaxaqui' quiyim qami' lashi na Israel llaalqaipi. Ca' dajo ro'ueenataxanaxaqui' ỹahotaque ỹaanem ca qauochi' le'ec cá'maq ỹaatqajam qamaxaraic ma'le, sqai 'nejem qami'.

1 Samuel 16:13

Ca' so Samuel chaqa'ma' icona aso lahi' na locoraxanaxat aceite, ca' iuanchigui so lqaỹaripi quiyim ỹano nashi so ne'nec, leenaxat David. Ca chaqa'ma' so ne'espíritu ñi qara'gaxala' novita so'maxare, ca' ỹo'uet da lquesaxanaxa. Ca co'na' ime, ca' so Samuel niquine'e' so qomyipi, ca' eec taigue da Ramá.

1 Samuel 18:9

Ca queco'na'le, ca' so Saúl 'ue da na'xaỹaxa queso David.

1 Samuel 20:31

Ma' quiyim so'maxare ñaq nca'leetauec quena 'laua, ca' qami' chaqai dá'maq ro'ueenataxanaxaqui' quiyim qami' nashi qaica ca la'maqa'. Vichiguiño' nagui laataxañire'oga, ca naviquiro, ma' ca'maxare 'maxaraic quiyim ileu.