1 Samuel 18:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' quiyi, ca' re'oq quiyim so David qaica ca lqalanec quená'ogue ná'maq qailarelec queso Saúl, vichiguiño' so Saúl ỹano quiyim la'gaxala' so liỹa nalliripi nalauataxairipi. Ca' dajo ỹaatqajam qaỹa'maxarenta queso nalauataxairipi chaqai so nashillipi queso Saúl.

1 Samuel 18:5 Iomraidhean Croise

Génesis 39:23

Ca só'maq lashi añi ncoñiitaxanaxaqui tot ỹouen quiyim liỹa ỹa'ajan ná'maq mashic leloxoiqateguesec so José. Ma' ñi qara'gaxala' na'deeta'guit so'maxare, ca ỹa'ue quiyim ỹa'maqachiguiñi ná'ogue ná'maq ỹo'uet so'maxare.

2 Samuel 5:10

Ca' da lquesaxanaxa so David nqo'neetauec, chaqai liỹaatac so'maxare ñi qara'gaxala' qota'olec ñí'maq qaica ca lqalanec.

2 Samuel 5:2

Ma' llic quiyim so Saúl só'maq qarashi na'le, qam qami' ná'maq la'gaxala' na llaalqaipi so Israel quena' 'ue na lauataq. Chaqai ñi qara'gaxala' ỹachaxantac qami' quesom quiyim qami' la'gaxala' na llaalqaipi so Israel.

Salmos 1:3

Cajo qom 'ec aca qo'paq neeto'ot na lahi aca lachiugue, ca' se napacalec yi laloqo' quiyim 'ue aca la chaqai se ỹaso ana laue. ¡Chaqai quená'ogue ná'maq ỹo'uet ỹaatqajam ỹa'maqachiguiñi!

Mateo 10:16

¡Ñaqai 'ajñii! Ỹim selate' qamiri, 'nejme' aqamiri aca qagreta, quiichicñigui nqohin na lavinñi ca iseripi toxonaxairipi. Qam na'deenaxanqachiñii, 'ñiitari' ca nanaic, qam sqa vii ca rovirii, 'ñiitari' ca coviguiñic.

Hechos 7:10

Ca' quepaqataxanteguelec quená'ogue na ne'guenaxaquipi, chaqai ỹaanem da la'deenaxanaxa, ca vire'ta qanqo'ta queso nashi quiyi Egipto, leenaxat Faraón. Ca' chaqaiso só'maq nashi Faraón ỹana'ñi quiyim so José lpa'axaua nashi, chaqai idaanlec cá'maq la'a' so nashi.

Efesios 5:17

Ca 'neeto' lotqai qaica ca ra'deenataxanaxaguii; ta'ta'a quiyim reuogoxoỹa'pegue' quiyim 'yiiñii cá'maq ỹahotaque so qara'gaxala'.

Colosenses 4:5

Ỹaatqajam na'deenaxanqachiñii quena' taxaiỹa'pegue' ná'maq saqa' icoñiguit da na'qaatec. Nquipichita'pegueto nauá'maq no'viiñi na'xata' quiyim 'ue ca redaaqari.

Jueces 1:19

Ca 'eno'm ñi qara'gaxala' liỹaatac so llaalqaipi so Judá, ca so'maxare ishit rouootaxanegue yi hua'ñi ana 'xoic ana quemaralec qa' ladocai. Qam se ishit ỹo'daauec só'maq neetalec so quemarelec, ma' 'ue ana lahoglena fierro lauataxaqui.

1 Samuel 18:16

Qam quiyi Israel chaqai quiyi Judá ỹaatqajam nqo'ta so David, ma' chaqaiso só'maq lashi quena' taauec chaqai quena' rapilo quena' nalauat. (18.17—19.24 So Saúl ỹo'naxañiguit so David aso llaale, ma' ỹahotaque ỹocanac.)

1 Samuel 18:4

Chaqai so Jonatán naqate'e so napoxoqui chaqai so lachiimec ỹantañi, ca' ỹaanem so David, chaqai so lecat, chaqai aso lo'xoshic, chaqai so nosaataxaqui.

1 Samuel 18:6

Qam co'na' rapil so nalauataxairipi co'na' ime quiyim so David ỹalauat so filisteo, ca so 'aallipi quena na'aateripi quiyi Israel ca'guit so nashi Saúl, ro'ueenaxantagui chaqai rasotetac, ỹaatqajam 'ue da netoonaxac, ỹahote'e ana lasaquinata chaqai ana latoina.

1 Samuel 3:19

Ca' so Samuel noquiiquetashiguim da ladogaxa, ca' ñi qara'gaxala' ỹaatqajam ỹotauan so'maxare, chaqai ipaquichiguilo nqai'ne' naua la'qaatqa.