1 Samuel 18:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca ma' qaỹotauantac so David quiñi qara'gaxala', ca' ỹaatqajam 'ue nqai 'negue quená'ogue ná'maq ỹo'uet.

1 Samuel 18:14 Iomraidhean Croise

Génesis 39:23

Ca só'maq lashi añi ncoñiitaxanaxaqui tot ỹouen quiyim liỹa ỹa'ajan ná'maq mashic leloxoiqateguesec so José. Ma' ñi qara'gaxala' na'deeta'guit so'maxare, ca ỹa'ue quiyim ỹa'maqachiguiñi ná'ogue ná'maq ỹo'uet so'maxare.

2 Samuel 5:10

Ca' da lquesaxanaxa so David nqo'neetauec, chaqai liỹaatac so'maxare ñi qara'gaxala' qota'olec ñí'maq qaica ca lqalanec.

2 Reyes 18:7

Ca' vichiguiño' ñi qara'gaxala' ỹaatqajam qoshiiteguelec so'maxare ỹotauantac, ca ipaquichiguilo nqai'en nauá'maq ỹo'ueete'. Ca' so Ezequías ca'e so lashi na Asiria laseripi, tot nomatalta' quiyim na'xaỹaxana so'maxare.

Mateo 1:23

Aca nequetegaxai saqa' 'on, qam 'manaxai ma'le, ca' 'ue ca llaalec. Qam ca'maxare leenaxato' ma'le Emanuel. Ca' dajo 'naac: Ñi qota'olec ỹalequetauguilo qomi'.

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Hechos 18:10

Ma' qami' iỹaatac, qaica rovichiraque quiyim 'ue ca qohiñiteraxaric. Ma' 'xoic na qomyipi ỹalamaxat quenajo na'a'.

Jueces 1:19

Ca 'eno'm ñi qara'gaxala' liỹaatac so llaalqaipi so Judá, ca so'maxare ishit rouootaxanegue yi hua'ñi ana 'xoic ana quemaralec qa' ladocai. Qam se ishit ỹo'daauec só'maq neetalec so quemarelec, ma' 'ue ana lahoglena fierro lauataxaqui.

1 Samuel 10:7

Ca ma' 'ue dajo caqami', ca 'viichi' cá'maq piichira'a 'maxaraic. Ca' ñi qota'olec rotauañi' ma'le.

1 Samuel 16:18

Ca 'uo' so 'óna quesaua'maxare 'naaco': —'Ue ca seuana quecaua llaalqa ca Isaí na'ñi yi Belén ỹaatqajam ỹa'den ana liviigue, chaqai nalauataxai 'ñaaxaic lauel, chaqai ỹa'den da letaxaỹaxac, chaqai 'maxaraic da no'ueenataxac, chaqai qaỹotauantac quiñi qara'gaxala'.

1 Samuel 18:15

Vichiguiño' so Saúl no'cha'a so'maxare, ma' ỹa'ajantac quiyim noquiiquetashiguim.

1 Samuel 3:19

Ca' so Samuel noquiiquetashiguim da ladogaxa, ca' ñi qara'gaxala' ỹaatqajam ỹotauan so'maxare, chaqai ipaquichiguilo nqai'ne' naua la'qaatqa.