1 Samuel 18:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' queso liỹa nete'e, ca' so ne'ec lecmaxaic chicqo'ot ñi qota'olec ỹoiquentac so Saúl. Ca' so'maxare mashic 'ec lecmaxaic neetaugui so lauo'. Ca' so David iviiquetapigui aso liviigue, ma' chaqai 'neetari'o' quen, qam so Saúl lo'qoota'a aso laqui.

1 Samuel 18:10 Iomraidhean Croise

1 Reyes 18:29

Qam chi ỹovireta'a quiyim napacalec so na'xa'a lavinñi, qam so qomyipi ñaqai queeta ỹaualqatagui, chaqai nenotetashiguim 'ec hualoxonyipi, chi ỹovireto'o' ca laloqo'o' quen quena' qoỹaano, ca' qaỹavigaxat ca nachitaxanataxanaxat. Qam ¡qaica ca qara'xaỹaque quiyim saachiguit so qomyipi!

1 Reyes 22:12

Ca sá'ogue so netaxaỹaxaquiripi dá'ogue dá'maq ỹa'xatetac 'naaco' quen queso nashi: —Oquira'a yi na'a' Ramot huaugui yi 'laua Galaad, ca huegaxañi' ma'le, ma' ñi qara'gaxala' ỹaanec ma'le quiyim qadoxonqui'.

Jeremías 28:11

Ca chaqa'ma' 'ue da ỹa'xat, 'qaatac nqai'en sá'ogue so qomyipi: —Ca 'naac 'neetasa' da la'qaatec ñi qara'gaxala': Ca' chaqaida shine'tegue quenauajo dos ñaxari, ca' ñaqat quena lqosot quená'ogue na ỹoreta'oguit qomyipi so lauegaxanaxaqui ñi nashi Nabucodonosor quiyi Babilonia, ca' saqaguichigui. Ca' so Jeremías eec.

Hechos 16:16

Ca 'uo' so liỹa na'xa'a na' qolaqpegue' yi qouagaxainqa', ca ñatenqa'chiguit aso nequetegaxai 'uo' so le'ec idaanau'alo naua 'ueenataxaco. Chaqaso' aso rauegaxantapigui so na'cororipi, ma' na'á aso'maxare, rauegaxañigui quiyim ra'ỹaauec nanchaqaina.

2 Tesalonicenses 2:11

Vichiguiño' ñi qota'a ỹaxanegue da lo'maxac, ca' ỹo'uet quiyim huelec da na'maachic,

Jueces 16:20

Ca ỹaualaxalec, 'naaco': —¡Sansón, ñaqai 'ajñi' na filisteoipi nacpegue' qami' quiyim nalauate'e'! Ca' nelouec so Sansón, ca 'neetapego' quiyim qohit 'neete'm saua 'auaxaqa na'xata', ma' se ỹa'den quiyim ñi qara'gaxala' shi'gue ca'e so'maxare.

1 Samuel 16:23

Ca' chaqaida 'neeta, ca co'quena' so ne'ec lecmaxaic chicqo'ot ñi qota'olec tot ỹa'maxatac so Saúl, ca' so David lotqai icona aso liviigue, ca riviigaxan. Ca co'quena'le, ca' so Saúl lotqai nachinñi, ma' noỹooteco' quen so ne'ec lecmaxaic.

1 Samuel 18:9

Ca queco'na'le, ca' so Saúl 'ue da na'xaỹaxa queso David.