1 Samuel 17:34 - La'qaatqa ñi qota'olec Qota'olec & Qota'olec Novita Na Qomyipi

³⁴ Ca' so David 'naaco': —Ỹim ma' chaqaỹim relaachiqui', qami' ỹashi, quena' seloqota'a ana lalo qagreta ca ita'a, quena' 'ue na sauaxaic leta'a loqo'm aca layoraxai late'e quiyim ỹa'guesop ca qagreta llaalec,

1 Samuel 17:34 Iomraidhean Croise

Génesis 31:39

Chaqai se ỹauanapega ñodouo aca qalo'e' quiyim neto. Ta'ta'a quiyim seshiueten aca na'laañi. No'm na'xa'a loqo'm pe qarocachigui ana qalo'e', ca o'laxañitegue caỹim.

2 Samuel 17:8

Ma' qami' 'yiiñite' quiyim so qataa'i' chaqai so nalliripi 'ñaaxaiquipi, ca' nagui peeta'a ỹaatqajam ro'ootari' 'ec aca layoraxai late'e hueuec quiyim qarouootaxana'gue ca llaalec. Chaqai qai'neeta so qataa'i' ỹaatqajam naỹa'gue da nalauataxac, ca' re'qoota quiyim se ỹalequetaugui ca liỹaripi quiyi pe.

Ezequiel 34:12

Shintari' cá'maq neloxoỹaq quelola aca leloxoiqateguese quena' neuagaxatetajlec, ca' chaqaida shintari' squelola ana ilo qagreta; yapilaxat quená'maq hueeta'ñi neuagaxatetac queso na'xa'a napalñi sauaxat so nonot quesaxanaxaic.

Amós 3:12

'Neetasa' da la'qaatec ñi qara'gaxala': Dá'maq 'neeta na neloxoỹaq quena' louootaxanqate' caua dos lapiaate' ca lalo qagreta loqo'm ca lo'lo aca lque'la, quena' sham qaiqo'oc queca sauaxaic leta'a, ca' chaqaida 'neeta quiyim nañit ma'le na llaalqaipi so Israel neeta'ñi na Samaria, ná'maq saqatalec ná'maq no'uen qa'xanaxala' ỹachigoxota'gue da Damasco. (3.13-15 Ñi qota'olec ỹa'xat quiyim nomachichiguiñi ná'ogue ma'le.)

Lucas 2:8

Ca' quiyi sqoỹoqaque quiyi Belén 'uo' so qomyipi reloqota'a ana lalo qagreta, hueetauec quiyi no'ueenaxa queso pe.

Juan 10:11

Ỹim ná'maq ỹim no'uen qagreta lo'o. Cá'maq no'uen qagreta lo'o ỹaanec da nachaalataxac cana qagretaipi.

Romanos 5:4

chaqai da qareualaxavic ỹo'uet quiyim qaỹa'maxarente' qomi'. Ca' quiyim qaỹa'maxarente' qomi', ca 'ue da qanaquitaxac.

Hebreos 11:33

Sá'ogue so'maxare chicqochigui da lpi'ỹaxac quiyim 'ue na loxonec naqajñi 'lauaripi, chaqai 'maxaraic da lo'ueenataxanaxac quiyim nashi, chaqai icoñiguit da ỹachaxantac lotaanaxanaxac ñi qota'a, ỹapogui na lap na sauaxaic leta'allipi,

Apocalipsis 13:2

Sojo isecỹac seuane'ta na'le 'ec na regat. Qam naua lapiaate' 'ec ana layoraxai late'e, chaqai na lap 'ec na sauaxaic leta'a lap. Ca' so isecỹac 'ec naanoc ỹaanem da lquesaxanaxa chaqai yi nqa'xanqa' quiyim nashi, chaqai ỹaanem da chalego lecaic lelaataxanaxac.

1 Samuel 17:15

So'maxare taatape'oga yi nco'matqa' so Saúl, ca' pilta'gue da Belén quiyim reloxoỹa'a aso lalo qagreta so leta'a.

1 Samuel 17:33

Ca' so Saúl 'naaco': —Se ỹa'maxañi quiyim qaqamite' nalauachire'e' dajo filisteo, ma' qami' ñaqai qami' ne'necoqui'. Ca da'maxare mashic naỹa'gue da nalauataxac shi'gue na' ñaqai ne'necoqui'.

1 Samuel 17:35

ca sco'uajlec, 'eno'm ỹa'queeta'a, qam souootaxana'gue. Chaqai no'm ro'iiua', ca secoñi'chiguita quen naua lasooqo, ca' souaxantalec, vire'ta quena' salauat.