1 Samuel 17:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca co'na' reuanaxan so Israel llaalqaipi queso ỹale, ca' ỹaatqajam no'chi, ca' 'eetapeguem so'maxare.

1 Samuel 17:24 Iomraidhean Croise

Isaías 30:17

Mil ca 'eet ma' qaỹadeneguelec queca 'oonoqui' ỹale, chaqai ma' cincolqai' caua ỹadeneguelgoto qamiri, ca qamiá'ogue 'iichii, vire'to' ma' sqo vito'olqai' qamiri, 'ec ca qo'paq cana roto aca qa' ladocai, loqo'm quiyim netana qoỹanalec aca quemaralec ladocai. (30.18-33 Qaỹachaxantac quiyim qanqouaguegue so qomyipi. Qaỹa'ue ca nouaxanaxaset so na'ñi yi Asiria.)

Isaías 7:2

Ca queco'na'le, ca' qaỹodo da la'xaỹaxac so nashi Acaz chaqai so llaalqaipi, qohinaco': —So sirioipi na'deene'e' so na'ñi yi Efraín. Ca' so nashi chaqai so qomyipi i'loxol, 'ec na 'oochi i'loxol quena' 'ue na nonot.

Números 13:33

Qai'neeta seuanaxa na ỹalliripi ladocaiquipi só'maq llaalqaipi so Anac. Ca quiyim sauaxaiqate'e' na'maxare, 'ec qomi' piñai, chaqai na'maxare quena ra'iita'alo qomi' qai'neeta 'ec qomi' piñai nqai'ne'.

1 Samuel 17:11

Ca co'na' 'qaa so Saúl chaqai sá'ogue so Israel llaalqaipi, co'na' 'qaachigui da la'qaatec so filisteo, ỹaatqajam chalego da lqolonaxa.

1 Samuel 17:23

Ca co'na' ñaq retaqatecto saua'maxare, ca' so nalauataxai filisteo, leenaxat Goliat, na'ñi yi na'a' Gat, ta'oguiyi, chicqotougui so filisteoipi, ca' lotqai liỹa queu'a so Israel llaalqaipi dá'maq chaqai 'neetari'o' quen. Ca' so David 'xaỹa.

1 Samuel 17:25

Ca' chi retaqatecta', 'naaco': —¿Mashic huañiỹa só'maq ỹale nenoxonec? ¡Da'maxare anac, ma' queetapegueu'a na llaalqaipi so Israel! Ca cá'maq ishit loxonec da'maxare, ca' ñi qarashi ỹaatqajam nesallaxanec nqai'en ca'maxare, chaqai ỹo'naxañiguit añi llaale, chaqai cá'maq lauo' ca'maxare ỹo'uet quiyim se ishiueten aca nishiuetenaxanqate quiñi'maxare.