1 Samuel 16:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qam ñi qara'gaxala' 'naaco' queso'maxare: —Mese ra'irigui cá'maq qom chaqai cá'maq ladoqueta, ma' ỹim se secoñiguit. Ma' sqaida dá'maq ra'iitagui ca qom. Ma' na qom ra'iitagui da chi no'ueenataxac ca qom, qam ỹim ya'iitagui añi le'taxanata.

1 Samuel 16:7 Iomraidhean Croise

Génesis 4:5

Qam sqai 'ne'tegue dajo na' ra'ỹa'a so Caín chaqai aso lachitaxanataxanqate. Co'na'le, ca' ỹaatqajam ro'o so Caín, ca' ỹoqa'a na lashic.

2 Samuel 7:20

¿Negue' queto' ca liỹa shinac, qami' ỹa'gaxala', ma' qami' ya'yiiñite' ma' ỹim relaachiqui'?

Job 10:4

Ca' ¿da ra'ajnaxanaxaqui' 'ec nqai'ñi' da la'ajnaxanaxac ca chaqai qom?

Salmos 139:2

qami' 'yiiñi' ná'ogue ná'maq so'uet; chaqai ñaq qoỹoqo'ta aỹim chaqa'ma' 'yiiñi' da ỹa'deenataxanaxac.

Proverbios 24:12

Ca 'eno'm 'taxachisegueñi quiyim sqa 'yiiñi', qam ñí'maq imitac na nasauaxaset qaiyijim retan qami'; qam ỹaatqajam ỹa'deenta ñí'maq ra'ajñisac qota'olec, ñí'maq ipaquichigui nqai'en ca re'xoriqui' cá'maq ro'ueenataxanaxaqui'.

Proverbios 31:30

Da la'maxa ca 'ueenataxac rayinaxan, da noyac imeuo, qam aca 'aalo acá'maq imaqachin ñi qara'gaxala' qota'olec, chaqaca ta'chiguit quiyim qaimaqachin.

Jeremías 20:12

Qami' na'gaxala' sqaica lqalanec, qami' ná'maq huañita cá'maq ỹa'maqachiguiñi, qami' ná'maq richaauec nqai'ñi' na qom, qouaquiric seuanchigui nqai'ñi' cá'maq 'ñi'sa'gue, ma' vite ca nouaxanaxaset najo qomyipi, ma' ñañaañiguilo naua rqai'laqachichi' quiyim 'ootaxañirelec aỹim.

Lucas 16:15

Ca' so Jesús 'naapegalo': —Qamiri ma' nachaxañitac quiyim qamiri huagaxaraqa quena qom, qam ñi qota'olec ỹa'deene' naua re'taxanatahi. Ca' quecá'maq na qomyipi ỹaatqajam 'xoic lecaic nqai'en, ca' cajo ỹamaqa'gue ñi qota'olec.

Juan 7:24

Se ra'iitapigui quiyim michii ca re'qoochigui. Quiyim 'ue ca michii, qam ỹaatqajam 'maxaraic nqai'ñii ca remiitaxanaxaguii.

Juan 8:15

Qamiri quiyim michii na nasauaxaset, qam pacqajñiichigui ná'maq chi la'deenataxanaxac na re'qoochigui qomyipi. Qam aỹim se semit ca nasauaxaset.

Hechos 1:24

Ca' 'neetetegueyi da nqouagaxainaxague': —Qami' qara'gaxala' ma' qami' 'yiiñi' ná'ogue ana ne'taxanata, choxochi' coqomi' cá'maq rca'acshiqui' quenauajo.

2 Corintios 10:10

Ma' qohinaco' quen quiyim naua ỹerecse ilaata se nesatete' chaqai 'xoic da lquesaxanqa', qam quiyim aỹim salequetauo, ca se squesaxan chaqai da itaxaỹaxac sqaica nqo'ta.

2 Corintios 10:7

Qamiri ra'iitapigui na chaqai qom. Ca no'm 'ue ca 'neetapega ỹaatqajam queeta'pegue' so Cristo, ca qai'neeta retanta quiyim qomi' qai'neeta qolqata'pegue' so Cristo.

Hebreos 4:13

Qaica quet cá'maq ishit nañoxotetegueñi quiñi qota'a quená'maq lo'ueenatqaipi ñi'maxare. Ma' ná'ogue na'maxare re'qoota chaqai ỹanetec nqai'en ñí'maq ra'iitalec na'maxare, ñí'maq 'ue ca na'xa'a, ca ñachaataxau'a quiyim sa'xataq ca qaro'ueenataxanaxac.

1 Pedro 2:4

Ca vichiguiño' nqo'ñiu'a so qara'gaxala' Jesús, 'ñiita'gue ca qa' nca'leetauec. Sojo qa' só'maq lañijnec na'le so qomyipi, qam ñi qota'a nca'au'a chaqai 'xoic lovic nqai'en.

1 Pedro 3:4

Ta'ta'a quiyim ỹanñi cá'maq chalego loyac 'ueetaxac quená'maq se re'xogui, viichigui nqai'en añi le'taxanata. Cá'maq no'uen 'ueenataxac 'ue da loyac chaqai da la'maxa, ma' chaqaida dá'maq ỹapacauec nqai'en ñi qota'a.

Apocalipsis 2:23

Chaqai salauat ma'le ná'ogue na llaalqaipi, qaiyi ỹa'den ma'le ná'ogue ná'maq mashic icoñiguit da na'qaatec quiyim ỹim sa'den ná'maq qoỹoqochi'ña na'deenataxanaxac chaqai da namaanaxanqachic, chaqai quiñi 'óna caqamiri icoñiguit ma'le cá'maq laseue' cá'maq ỹo'ueetetac.

1 Samuel 2:3

Qaica ca nemaqajan quiyim retaqa, qaica ma' napacqajan quet ca qom, ma' ñi qara'gaxala' chaqaiñi ñí'maq qota'olec ñí'maq ỹa'den ná'ogue, chaqai ñi'maxare naloqochin chaqai imit cá'maq ỹo'uet ca qom.

1 Samuel 9:2

So'maxare 'uo' so llaalec ne'nec ỹaatqajam lo'yaxanec, leenaxat Saúl. Quena Israel llaalqaipi qaica ca liỹa 'nejem so'maxare, ma' qaica ca 'nejem da ladogaxa.