1 Samuel 16:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Vichiguiño' qami' nagui vite caua lachi' quiyim qaidaanaque ca ỹa'den iviiguigui aca niviigue, qaiyi ma' ỹovita quiyim tot ỹa'ue ca redaaqachi' so ne'ec lecmaxaic, ca' ca'maxare iviiguigui aca liviigue, ca lotqai ra'maqairiñi.

1 Samuel 16:16 Iomraidhean Croise

Génesis 41:46

So José ỹovito'o' saua treinta ñaxari co'na' qaỹauega'a so Faraón nashi quiyi Egipto. Co'na'le, ca' so José niquine'e' so Faraón, ca' eec quigui yá'ogue yi 'laua Egipto.

1 Reyes 10:8

Ca' ¡ỹaatqajam ỹa'maqachiguiñi na rouachi'ipi chaqai netoontac ná'maq relaataxai'ipi, ma' na'maxare naua'que naua na'xata' hueetau'e na rahi'i' na'xaỹaxantapegalo naua la'maqa' naua ra'qaataxahi'!

1 Samuel 10:5

Ca ma'le, ca' viriu'a yi Gabaa, la'a' ñi qota'olec, yí'maq na'ñi yi nouaataxanaq nalliripi na filisteoipi. Ca ma' noxoñiho quiyi na'a', ca nachiñiỹa'guit ma'le so letaxaỹaxaquiripi ñi qota'olec chicqashi'megue ada ncopatoxonaxalate. Ca' queso'maxare 'auetauec ma'le so qomyipi iviiquetapigui ana liviigue, lasaquinata, lpe'te chaqai ana niviigue 'xoic na lequet, leenaxat arpa.

1 Samuel 16:14

Co'na'le, ca' so ne'espíritu ñi qara'gaxala' noỹootec queso Saúl, ca' so ne'ec lecmaxaic chicqo'ot ñi qara'gaxala' taugui so'maxare, ca' ỹaatqajam qaica ca la'maqa' nqai'en so'maxare.

1 Samuel 16:15

Ca vichiguiño' só'maq lelaatqaipi 'naaco' queso'maxare: —Qami' mashic na'yiiñiralta', qami' qara'gaxala', ma' so ne'ec lecmaxaic chicqo'ot ñi qara'gaxala' ỹahotaque da re'xoriqui'.

1 Samuel 16:17

—Cha'regue daañiỹaque cá'maq ỹaatqajam ỹa'den liviigaxanaxac, ca' navigueho quenajo —'naaco' so Saúl.

1 Samuel 18:10

Ca' queso liỹa nete'e, ca' so ne'ec lecmaxaic chicqo'ot ñi qota'olec ỹoiquentac so Saúl. Ca' so'maxare mashic 'ec lecmaxaic neetaugui so lauo'. Ca' so David iviiquetapigui aso liviigue, ma' chaqai 'neetari'o' quen, qam so Saúl lo'qoota'a aso laqui.