1 Samuel 16:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Co'na'le, ca' so ne'espíritu ñi qara'gaxala' noỹootec queso Saúl, ca' so ne'ec lecmaxaic chicqo'ot ñi qara'gaxala' taugui so'maxare, ca' ỹaatqajam qaica ca la'maqa' nqai'en so'maxare.

1 Samuel 16:14 Iomraidhean Croise

2 Samuel 7:15

Qam se lloỹoote'oga da ỹoqouagaxa ma'le queca'maxare, mesqai shine'tegue na'le queso Saúl na' ñaqat, ca' sanagui qami' da lo'ueenataxanaxac.

1 Reyes 22:19

Ca' so Micaías lotqai 'naaco': —Quedá'maq 'ñirac nagui, ca' na'xaỹaxañita dá'maq la'qaatec ñi qara'gaxala': Seuana ñi qota'olec nqa'xantañigui añi nqa'xanaxaqui quiyim nashi, chaqai ná'ogue na lelaatqaipi piguim laseripi ra'iito'ot, hueeta'gue da loic chaqai da nemaq.

1 Reyes 22:22

Ca' so nelaatec piguim le'ec 'naaco' quiyim na'majan nqai'en na netaxaỹaxaquiripi queso nashi. Ca' ñi qara'gaxala' 'naaco' queso'maxare quiyim ỹo'uet da na'maachic. Ca 'naaco' queso'maxare quiyim eec ỹo'uet da'maxare.

Salmos 51:11

Sqai ỹoochire'oga ỹim caqami', chaqai sqai huootaxañira'gue caỹim ñi co'teeta espíritu chicqo'ot qami'.

Jueces 16:20

Ca ỹaualaxalec, 'naaco': —¡Sansón, ñaqai 'ajñi' na filisteoipi nacpegue' qami' quiyim nalauate'e'! Ca' nelouec so Sansón, ca 'neetapego' quiyim qohit 'neete'm saua 'auaxaqa na'xata', ma' se ỹa'den quiyim ñi qara'gaxala' shi'gue ca'e so'maxare.

Jueces 16:29

Ime, ca' ipootapigui saua dos nojnaxal sauá'maq nolliisañi sá'ogue so no'ueenaxanaxaqui, ca ỹacontau'alo saua'maxare.

1 Samuel 11:6

Ca' so Saúl co'na' 'xaỹa dajo, ca' so ne'espíritu ñi qota'olec na'ñaxat nqai'en so'maxare. Ca' ỹaatqajam chalego lauel.

1 Samuel 16:15

Ca vichiguiño' só'maq lelaatqaipi 'naaco' queso'maxare: —Qami' mashic na'yiiñiralta', qami' qara'gaxala', ma' so ne'ec lecmaxaic chicqo'ot ñi qara'gaxala' ỹahotaque da re'xoriqui'.

1 Samuel 16:16

Vichiguiño' qami' nagui vite caua lachi' quiyim qaidaanaque ca ỹa'den iviiguigui aca niviigue, qaiyi ma' ỹovita quiyim tot ỹa'ue ca redaaqachi' so ne'ec lecmaxaic, ca' ca'maxare iviiguigui aca liviigue, ca lotqai ra'maqairiñi.

1 Samuel 16:23

Ca' chaqaida 'neeta, ca co'quena' so ne'ec lecmaxaic chicqo'ot ñi qota'olec tot ỹa'maxatac so Saúl, ca' so David lotqai icona aso liviigue, ca riviigaxan. Ca co'quena'le, ca' so Saúl lotqai nachinñi, ma' noỹooteco' quen so ne'ec lecmaxaic.

1 Samuel 18:10

Ca' queso liỹa nete'e, ca' so ne'ec lecmaxaic chicqo'ot ñi qota'olec ỹoiquentac so Saúl. Ca' so'maxare mashic 'ec lecmaxaic neetaugui so lauo'. Ca' so David iviiquetapigui aso liviigue, ma' chaqai 'neetari'o' quen, qam so Saúl lo'qoota'a aso laqui.

1 Samuel 18:12

Ca' so Saúl no'cha'a so David, ma' ñi qara'gaxala' ỹotauantac so David, qam ñi qara'gaxala' tot ỹotauan so Saúl.

1 Samuel 28:15

Ca' so Samuel 'naaco' queso'maxare: —¿Chi'negue ma' yitaxañi'sac, vi'saque quiyim ñoviro? Ca' so Saúl 'naaco': —Sai'c, 'xoic da ỹachitachic, ma' se yayaxanac na filisteoipi, chaqai ñi qota'olec mashic yalat, tot ỹa'ue ca ỹa'xaỹaxac chicqochigui nqai'en na letaxaỹaxaquiripi, loqo'm ca ne'guemataxac. Vichiguiño' soỹaxane qami', qaiyi choxochi' cá'maq shinta'gue ca so'uet.