1 Samuel 16:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' so Samuel chaqa'ma' icona aso lahi' na locoraxanaxat aceite, ca' iuanchigui so lqaỹaripi quiyim ỹano nashi so ne'nec, leenaxat David. Ca chaqa'ma' so ne'espíritu ñi qara'gaxala' novita so'maxare, ca' ỹo'uet da lquesaxanaxa. Ca co'na' ime, ca' so Samuel niquine'e' so qomyipi, ca' eec taigue da Ramá.

1 Samuel 16:13 Iomraidhean Croise

2 Samuel 12:7

Co'na'le, ca 'naaco' so Natán: —¡Sojo ỹale, chaqaiqami'! Ca' dajo dá'maq la'qaatec ñi qara'gaxala' ñí'maq qota'olec quena Israel: Ỹim ñca'au'a quiyim qami' lashi na llaalqaipi so Israel chaqai ñca'laxatec qami' na'le queso nashi Saúl;

2 Samuel 2:4

Co'na' ime, ca novi'o' so ỹalliripi na'ñi yi Judá, ca' ỹano so David quiyim lashi so llaalqaipi so Judá. Ca co'na' qara'qaataxana so David quiyim chaqaiso so na'ñi yi Jabes huaugui yi 'laua Galaad chaqaiso' só'maq ishinñi na'le so Saúl,

2 Samuel 23:1

Ca' najo ná'maq pa'aatec la'qaatqaipi so David, 'neetasa': Najo David llaalec so Isaí, ná'maq ỹale ná'maq ñi qota'olec ỹo'uet da lemaqachic, ná'maq nashi lca'acsec ñi qota'olec ñí'maq la'gaxala' na'le so Jacob, ná'maq qaica nqai 'nejem lemaqachic quena' ỹo'uen na lo'ueenqaipi taỹaugui na llaalqaipi so Israel, na'maxare 'neetasa' da la'qaatec:

2 Samuel 5:3

Ca' chaqaida 'neeto' na' sá'ogue so qo'xoiquipi quena llaalqaipi so Israel quepegue' so nashi David quiyim retaxaỹa'pegue' neeta'ñi yi Hebrón. Ca so'maxare ỹa'ue quiyim na'maxate'e' so'maxare, qam ỹaatqajam ỹauanchigui nqai'en ñi qara'gaxala'. Ca' so qomyipi ỹano so David quiyim lashi so llaalqaipi so Israel.

Juan 3:34

Ma' cá'maq qaila' quiñi qota'olec, ca ỹa'xat da la'qaatec ñi'maxare, ma' ñi qota'olec se naloqojnañi quiyim ỹaanec so ne'Espíritu.

Hechos 13:22

Ca co'na' ime, ca naqat quiyi loma' so Saúl, ca ỹaanem quiyim nashi so David. Ca' queso'maxare, ca' 'naaco': “Ỹanataxat ñi David, llaalec so Isaí, ñi ỹale maq sa'maxarenta, ma' ỹo'uet ma'le cá'maq sahotaque.”

Hebreos 1:9

Qami' ỹaatqajam rqo'chita dá'maq ỹa'maqachiguiñi, chaqai ỹaatqajam se rqo'chita dá'maq se no'uen. Vichiguiño' ñí'maq qota'a caqami', ñi'maxare ỹocorelec aqami' quedá'maq chalego lecaic netoonaxac, ỹapacauec nqai'en quena nauegaxauachi'.

Hebreos 11:32

Ca ¿negue' quet cá'maq liỹa sa'xat? Ma' mashic qaica ca idaaqa' quiyim sa'xat so Gedeón, so Barac, so Sansón, so Jefté, so David, so Samuel, chaqai queso letaxaỹaxanqajanqaipi ñi qota'a.

Jueces 13:25

Ca 'uo' so na'xa'a na' so Sansón hueete'e yi la'a' viichiguiñiguilo yaua Zora chaqai yi Estaol quiyi 'laua Dan. Ca' so ne'espíritu ñi qara'gaxala' re'xoi' naua lo'ueenataxanaxaco queso'maxare. (14.1—15.20 So Sansón o'ñiguit aso 'aalo Filistea lase na'ñi yi Timnat. Ca na' ncopa, ca' so Sansón loxonec so filisteoipi.)

1 Samuel 1:19

Ca' queso liỹa nete'e, ca' no'teesashiguim. Ca co'na' ime nqouagaxainsacot ñi qara'gaxala', ca' pile' queca la'aate' quiyi Ramá. Co'na' ime, ca' so Elcana lot lapa'ñi' aso loua Ana, ca' ñi qara'gaxala' no'uenta'gue dá'maq lashiilaxanaxac aso'maxare.

1 Samuel 10:1

Co'na'le, ca' so Samuel icona aso locoraxanqate aceite lahi', ca' ỹocorelec na lqahic so Saúl. Ca 'naaco': —Ñi qara'gaxala' ỹoỹoote'oga qami' nagui, qaiyi loqoira'a na llaalqaipi so Israel ná'maq lalamaxareteripi ñi'maxare. Ca' qami' ná'maq loqoira'a ma'le, na'maxare chaqai 'ootaxañirelec chaqai nca'laxachirec ma'le quena npa'guenaxauaripi sqoỹoqaque quena la'a'. Ca' 'eda dá'maq letanec ñí'maq qara'gaxala' quiyim ỹano qami' quiyim qami' lashi ma'le ná'maq lalamaxareteripi ñi'maxare.

1 Samuel 10:6

Ca ma'le, ca' so ne'espíritu ñi qara'gaxala' novita qami' ma'le, ca' se no'viñi', ca 'ñi'sari' ma'le saua'maxare, ca 'ec dalaxaic da no'ueenataxaqui'.

1 Samuel 11:6

Ca' so Saúl co'na' 'xaỹa dajo, ca' so ne'espíritu ñi qota'olec na'ñaxat nqai'en so'maxare. Ca' ỹaatqajam chalego lauel.

1 Samuel 16:18

Ca 'uo' so 'óna quesaua'maxare 'naaco': —'Ue ca seuana quecaua llaalqa ca Isaí na'ñi yi Belén ỹaatqajam ỹa'den ana liviigue, chaqai nalauataxai 'ñaaxaic lauel, chaqai ỹa'den da letaxaỹaxac, chaqai 'maxaraic da no'ueenataxac, chaqai qaỹotauantac quiñi qara'gaxala'.

1 Samuel 18:12

Ca' so Saúl no'cha'a so David, ma' ñi qara'gaxala' ỹotauantac so David, qam ñi qara'gaxala' tot ỹotauan so Saúl.