1 Samuel 16:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' ñi qara'gaxala' 'naaco' queso Samuel: —¿Chi laquio' tauec da rachicoxo'e' sauaxat so Saúl? Ma' ỹim tot sa'maxaren quiyim queeta nashi quena Israel. Mo'e', no'xataxachirigui quena aceite aca rocoraxanqachi'i' lasote, ma' sahotaque quirepegue' yi la'a' ñi Isaí quiyi Belén, ma' mashic 'ue ñi ica'acsec quiyim nashi quiyaua llaalqa ñi'maxare.

1 Samuel 16:1 Iomraidhean Croise

1 Reyes 8:16

Queso na'xa'a na' ñaqata'a na llaalqaipi so Israel quiyi Egipto, saqa'leca ca ñca'au'a quená'ogue na na'aateripi quená'maq neeta'ñi na llaalqaipi so Israel quiyim 'ue quet ca qoỹana'ñi qano'xonshiguim ca qouagaxainaxaqui quiyim hueetaugui quet da ỹeenaxat. Qam ñca'au'a so David, qaiyi reloxoỹa'a na ỹalamaxareteripi llaalqaipi so Israel.

Isaías 11:1

Ca' sojo loỹo chaqaiso so Isaí chicqochigui ma'le aca llaxataxai; ca dalaxai ñaxashiguim chicqochi'ñalo saua lpa'yii.

Isaías 11:10

Ca' quecajo na'xa'a ma'le, ca' cajo llaxataxai ca lpa'a' ma' chaqaiso so Isaí ne'laxashiguim, ca' netanec quená'ogue na qomyipi quena 'laua; ná'ogue na ỹoreta'oguit qomyipi quena 'laua eec idaanaque, qam cá'maq ỹaatqajam hueeta'ñi ma'le ỹaatqajam 'xoic na lauaq. (11.11-16 Ỹaatqajam qaica ca ỹa'paxat quiyim pil só'maq neetalec yi ỹoqa'a 'laua.) (12.1-6 Ro'ueenaxan, ca' ỹaanshiguim da na'aachic.) (13.1-22 Ỹaatqajam qai'neetac yi Babilonia.)

Isaías 55:4

So'maxare sa'ue na'le yi loma', sauaaque ỹa'qaataxanqajnec quena ỹoreta'oguit qomyipi, quiyim nashi chaqai napaxaguinataxanaq quena qomyipi.

Zacarías 4:14

Ca so'maxare 'naac caỹim: Dauajo dauá'maq dos nca'acse' quiyim ro'ueenataxantot ñí'maq qota'olec ỹoiquentac ná'ogue na 'laua.

Romanos 15:12

Qai'neeta so Isaías ỹiriño' na'le da la'qaatec ñi qota'a, 'neetasa': Novi' ma'le ca chigoxougui na llaalqaipi so Isaí, quiyim nachajñi ma' ỹahotaque ỹoiquentac ma'le ná'ogue na qomyipi; ca na'maxare 'ue ma'le ca naquitaxac queca'maxare.

Hebreos 11:32

Ca ¿negue' quet cá'maq liỹa sa'xat? Ma' mashic qaica ca idaaqa' quiyim sa'xat so Gedeón, so Barac, so Sansón, so Jefté, so David, so Samuel, chaqai queso letaxaỹaxanqajanqaipi ñi qota'a.

1 Juan 5:16

Ca no'm 'ue ca iuana ca lqaỹa quiyim 'ue ca lasauaxaset se ỹauequeta'a yi nelauaxa, ca' nqouagaxain. Ca' ñi qota'a ỹaanem da nca'laxa cajo nqaỹa, no'm quená'maq nasauaxaset se ỹaueca'a ca lelauaxa ca qom. Ma' 'ue na nasauaxaset ỹaueca'a ca lelauaxa ca qom, ca quecajo nasauaxaset sqai shinac quiyim qanqouagaxainlec.

1 Samuel 10:1

Co'na'le, ca' so Samuel icona aso locoraxanqate aceite lahi', ca' ỹocorelec na lqahic so Saúl. Ca 'naaco': —Ñi qara'gaxala' ỹoỹoote'oga qami' nagui, qaiyi loqoira'a na llaalqaipi so Israel ná'maq lalamaxareteripi ñi'maxare. Ca' qami' ná'maq loqoira'a ma'le, na'maxare chaqai 'ootaxañirelec chaqai nca'laxachirec ma'le quena npa'guenaxauaripi sqoỹoqaque quena la'a'. Ca' 'eda dá'maq letanec ñí'maq qara'gaxala' quiyim ỹano qami' quiyim qami' lashi ma'le ná'maq lalamaxareteripi ñi'maxare.

1 Samuel 15:11

—Ỹaatqajam chalego da ñitogotaxa quiyim nashi nqaishin ñi Saúl, ma' ñi'maxare ca'e aỹim chaqai se na'xaỹaxana da ilaataxanaxac. Ca' so Samuel ỹaatqajam qaica ca la'maqa', ca' sá'ogue so pe nqouagaxaintacot ñi qara'gaxala'.

1 Samuel 15:23

Ma' ỹaatqajam 'ue ca lasauaxaset cá'maq sqai huelec ñi'maxare, ca 'nejem cá'maq napaxaguintapega cá'maq idaanau'a cá'maq se re'xogui; ca nqouagaxaintacot na nqolaquipi, ca 'nejem ca se na'xaỹaxana ñi'maxare. Ca' qami' ma' se na'xaỹaxañi' quedá'maq qohinac caqami', ca' nagui ñi'maxare ro'yirauec quiyi romachi' quiyim qami' nashi.

1 Samuel 15:26

—'E', sqai qami' iỹaatac —'naaco' so Samuel—, ma' qami' sqai pacqajñirigui da la'qaatec ñi qara'gaxala'. Ca' nagui ñi'maxare sqai qami' nashi nqai'en quena Israel.

1 Samuel 15:35

Ca' so Samuel tot qaica ma' liỹa quet quiyim neuañiguit so Saúl, ca 'eno'm 'xoic da lachicoxo quiyim ñi qara'gaxala' 'ue da netogotaxa quiyim nashi nqai'en so Saúl quiyi Israel.

1 Samuel 16:15

Ca vichiguiño' só'maq lelaatqaipi 'naaco' queso'maxare: —Qami' mashic na'yiiñiralta', qami' qara'gaxala', ma' so ne'ec lecmaxaic chicqo'ot ñi qara'gaxala' ỹahotaque da re'xoriqui'.

1 Samuel 16:23

Ca' chaqaida 'neeta, ca co'quena' so ne'ec lecmaxaic chicqo'ot ñi qota'olec tot ỹa'maxatac so Saúl, ca' so David lotqai icona aso liviigue, ca riviigaxan. Ca co'quena'le, ca' so Saúl lotqai nachinñi, ma' noỹooteco' quen so ne'ec lecmaxaic.

1 Samuel 17:12

Ca 'uo' so ỹale na'ñi yi Belén, leenaxat Isaí, co'na' ñaq nashi so Saúl. Ca so'maxare mashic qo'xoỹom, so'maxare 'vio' saua ocho llaalqa, ca' so 'óna quesaua'maxare chaqaiso' so David.

1 Samuel 9:16

—Ma' nete'e ma' chaqaiyi ñiichi'ñi añi ra'aasa, ca ñila' ca ỹale chicqa'a yi 'laua Benjamín. Ca' chaqaica cá'maq cochirelec ma'le quiyim vite lashi na ỹalamqateripi, ná'maq llaalqaipi so Israel. Ca' chaqaica cá'maq nca'laxatec ma'le queda lelaataxanaxac na filisteoipi. Ma' ỹim ỹaatqajam 'ue da i'xorenataxanaxa na' noviro'ot aỹim da lashiilaxanaxac.