1 Samuel 15:26 - La'qaatqa ñi qota'olec Qota'olec & Qota'olec Novita Na Qomyipi

²⁶ —'E', sqai qami' iỹaatac —'naaco' so Samuel—, ma' qami' sqai pacqajñirigui da la'qaatec ñi qara'gaxala'. Ca' nagui ñi'maxare sqai qami' nashi nqai'en quena Israel.

1 Samuel 15:26 Iomraidhean Croise

Génesis 42:38

Qam so Jacob 'naaco': —Ñi ỹaalec sqai queguelo nqaishine' qamiri. Ma' so lqaỹa José tot qaica, ca ñi'maxare qaiñiita no'ueenañi. Ca no'm 'ue ca lo'maxaset quecá'maq 'iỹa'gue nagui, ca' qamiri rasauaxashichii ma'le najo qo'xoicolec quiyim ileu, ỹalauat ca lachicoxo.

2 Samuel 12:9

¿Chi'negue ma' liỹoqoira'piguit da ỹa'qaatec, ca 'viichi' dá'maq se yqo'ta? Ca' lauachi' so Urías so hitita le'ec na' 'ỹaañiro quiyim qaỹalauat queso llaalqaipi so Amón, ca' loqoichiguit añi loua.

2 Samuel 7:15

Qam se lloỹoote'oga da ỹoqouagaxa ma'le queca'maxare, mesqai shine'tegue na'le queso Saúl na' ñaqat, ca' sanagui qami' da lo'ueenataxanaxac.

Hechos 13:22

Ca co'na' ime, ca naqat quiyi loma' so Saúl, ca ỹaanem quiyim nashi so David. Ca' queso'maxare, ca' 'naaco': “Ỹanataxat ñi David, llaalec so Isaí, ñi ỹale maq sa'maxarenta, ma' ỹo'uet ma'le cá'maq sahotaque.”

2 Juan 1:11

Ma' cá'maq niquine'e', ca' ỹalecau'a cá'maq se no'uen ỹo'ueetetac.

1 Samuel 15:23

Ma' ỹaatqajam 'ue ca lasauaxaset cá'maq sqai huelec ñi'maxare, ca 'nejem cá'maq napaxaguintapega cá'maq idaanau'a cá'maq se re'xogui; ca nqouagaxaintacot na nqolaquipi, ca 'nejem ca se na'xaỹaxana ñi'maxare. Ca' qami' ma' se na'xaỹaxañi' quedá'maq qohinac caqami', ca' nagui ñi'maxare ro'yirauec quiyi romachi' quiyim qami' nashi.

1 Samuel 15:31

Ca' so Samuel pila so Saúl, ca' liỹaatac, ca so'maxare nqouagaxainot ñi qara'gaxala'.

1 Samuel 16:1

Ca' ñi qara'gaxala' 'naaco' queso Samuel: —¿Chi laquio' tauec da rachicoxo'e' sauaxat so Saúl? Ma' ỹim tot sa'maxaren quiyim queeta nashi quena Israel. Mo'e', no'xataxachirigui quena aceite aca rocoraxanqachi'i' lasote, ma' sahotaque quirepegue' yi la'a' ñi Isaí quiyi Belén, ma' mashic 'ue ñi ica'acsec quiyim nashi quiyaua llaalqa ñi'maxare.

1 Samuel 28:18

Ma' qami' se na'xaỹaxañita na'le da la'qaatec ñi'maxare, chaqai sqai pacqajñirigui quiyim nomachichiriñi lauachi' na Amalec llaalqaipi. Ca' chaqaida dá'maq 'em ỹo'uet dajo caqami' nagui ñi'maxare.