1 Samuel 15:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Co'na'le, ca' so Saúl 'naaco' queso Samuel: —Ajá'a, llic quiyim 'ue da ỹasauaxaset, ma' ỹim se ipaguigui nqaishin da la'qaatec ñi qara'gaxala' chaqai da rapaxaguinataxanaxaqui', ma' yo'cha'a na qomyipi, ca' ña'xaỹaxana quedá'maq ỹahotaque.

1 Samuel 15:24 Iomraidhean Croise

2 Samuel 12:13

Ca' so David 'naaco' queso Natán: —Ỹim ỹaatqajam 'ue da ỹasauaxaset hueeto'ot ñi qara'gaxala'. Ca' so Natán 'naaco' queso'maxare: —Ñi qara'gaxala' se ỹo'uet ca nouaxanaxashichi' quedajo rasauaxashichi' chaqai se rillivi'.

Números 22:34

Ca' so Balaam 'naaco' queso lelaatec ñi qara'gaxala': —'Uo' ca ỹasauaxaset, ca' se sa'den quiyim viisa'ñi yi'maxare qachisa'ñigui na nayic. Ca no'm sqai 'maxariñi' quiyim shic, ca' sopil.

Apocalipsis 21:8

Ca ná'maq qolonqaiquipi, chaqai ná'maq sqai huelgoto naua ỹa'qaatqa, chaqai ná'maq naqaigaxat, lauataxanaxaiquipi, chaqai na nedequenaxairipi, chaqai na 'naxanaxairipi, chaqai na nqouagaxaintacot na nashiilec nqolac, chaqai ná'ogue na 'maatqaiquipi, na'maxare tai'a nqohin quiyim qainaxañigui ca norec lodegaxat lavigaxat na quiquiaxaic. Ca' chaqaica ca co'uaataxanaxaic nelauaxa.

Gálatas 1:10

Ca quena' shinac dajo, ca ¿peeta'a chi sahotaque ỹa'maxarenta ỹim na qomyipi, loqo'm ñi qota'a? Loqo'm ¿sahotaque yiuojonta na qomyipi? Ma' quet ñaq sahotaque quiyim ỹa'maxarenta ỹim na qomyipi, ca sqaỹim lelaatec so Cristo.

Mateo 27:4

Ca 'naaco' quesaua'maxare: —Ỹim 'ue da ỹasauaxaset, ma' saañiguit da lelauaxa so ỹale qaica ca ỹasauaxat. Qam saua'maxare 'neraco': —Dajo coqomi' ¿negue' quet cá'maq 'negue? Ma' ¡dá'maq dajo chi rasauaxashichi'!

Éxodo 23:2

Chaqai sqo quire'uegue ca 'xoic qomyipi ỹahotaque que'uegue cá'maq se no'uen. Ca quiyim ỹovita 'xachi' ca na'qaataxanaxac, ca 'neeto' qoshi'relec cá'maq retañi' quiyim sqai llic, 'eno'm ca 'xoic qomyipi llic nqai'en.

Jeremías 38:5

Ca' so nashi Sedequías 'naaco': —Hua', ỹa'maqachiguiñi 'viiquiñitac quecá'maq sham 'ñiita'gue. Ỹim qaica quet cá'maq shinac caqamiri.

1 Samuel 15:30

Ca' so Saúl 'naaco': —Ỹim 'ue da ỹasauaxaset. Qam nagui qouaquiric iuanchigui nqai'ñi' ná'ogue na qo'xoiquipi chaqai quená'ogue na qomyipi quiyim qaiyiita se napaquirailec quiyim ỹim nashi. Ca' vichiguiño' rapilli' quiyim ñauequeta'pegue' qami', qaiyi ñqouagaxainot ñi ra'gaxalachi' qota'olec.

1 Samuel 15:15

Ca' so Saúl 'naaco': —Qaỹachigoxota'ñi yi Amalec na'maxare. Ma' na qomyipi no'ueenaqtauec aná'maq no'uen qagretaipi chaqai na toorollipi, ma' ỹahotaque quiyim ỹavigaxat, ca' lachitaxanataxanqate quiyim ỹaanot ñi qara'gaxala'. Qam na liỹaripi, ca seuagaxatqac.

1 Samuel 15:9

Qam so Saúl chaqai so nalliripi se ỹalauat so Agag, chaqai nca'laxatetauec aná'maq no'uen qagretaipi, chaqai na toorollipi, chaqai na 'uegaxasaq huaqui llaalqaipi, chaqai na qagreta louaaripi chaqai se iuagaxatac na no'uen nouenqaipi. 'Nesa, ma' iuagaxatac ná'maq qaica ca 'negue chaqai qaica ca lemaqachic.

Éxodo 10:16

Ca' so Faraón chaqa'ma' roỹaxane'ogalo saua Moisés chaqai so Aarón. Ca 'naaco': —Ỹim 'ue da ỹasauaxaset quiñi qota'a ñí'maq ra'gaxalari chaqai caqamiri.

Éxodo 9:27

Ca' so Faraón roỹaxane'ogalo' saua Moisés chaqai so Aarón. Ca 'naaco': —Ñauatalta' quiyim 'ue da so'maqajantac, qam chi ỹasauaxaset chaqai na iuo' laseripi. Mesqaiñi ñi ra'gaxalari.

Génesis 3:17

Chaqai 'naaco' quesó'maq ỹale: —Sauaxat ma' na'xaỹaxañiteto' ada roua'e' co'na' 'qui' aca la ada qo'paq dá'maq shinac quiyim sqa 'qui', ca nagui na 'laua huaalec na se no'uen sauaxat qami'. Ỹaatqajam 'ue da na'ñaaqataxaqui' quiyim 'ueenataxañi', ca' qaigueme 'ue ca qanoqe' quenaua'que naua na'xata' queda nachaalataxaqui'.

Génesis 3:12

Ca' so ỹale 'naaco': —Adá'maq 'aalo nañaañi' quiyim ñauegaxaua nañaañim ca la, ca' ỹim sa'ic.

Salmos 51:4

'Ue da ỹasauaxaset caqami', da'maxare qaqamite' hueeto'ot, na' so'uet na se no'uen, ná'maq se rqo'chita qami'. Vichiguiño' ỹa'maqachiguiñi da ra'xalenataxanaxaqui'; chaqai sqaica imaqa'guita naua ra'qaataxahi'.