1 Samuel 15:23 - La'qaatqa ñi qota'olec Qota'olec & Qota'olec Novita Na Qomyipi

²³ Ma' ỹaatqajam 'ue ca lasauaxaset cá'maq sqai huelec ñi'maxare, ca 'nejem cá'maq napaxaguintapega cá'maq idaanau'a cá'maq se re'xogui; ca nqouagaxaintacot na nqolaquipi, ca 'nejem ca se na'xaỹaxana ñi'maxare. Ca' qami' ma' se na'xaỹaxañi' quedá'maq qohinac caqami', ca' nagui ñi'maxare ro'yirauec quiyi romachi' quiyim qami' nashi.

1 Samuel 15:23 Iomraidhean Croise

Génesis 31:19

Ca co'na' so Labán ñaqai ỹoqa'a da hueeta'gue repetegaxantac caso lalo qagreta, ca' aso Raquel rocachalo' saua lqolaqa so leta'a.

Génesis 31:34

Ca aso'maxare iconalo' caua nqolaqa, ca illauguilo saua laualate' caso lañaxalate, ca' icanlgoto saua'maxare. Ca' so Labán imitetapougui sá'ogue so lauo' na'daañi, qam se ỹanatalo saua lqolaqa.

2 Samuel 12:9

¿Chi'negue ma' liỹoqoira'piguit da ỹa'qaatec, ca 'viichi' dá'maq se yqo'ta? Ca' lauachi' so Urías so hitita le'ec na' 'ỹaañiro quiyim qaỹalauat queso llaalqaipi so Amón, ca' loqoichiguit añi loua.

2 Samuel 7:15

Qam se lloỹoote'oga da ỹoqouagaxa ma'le queca'maxare, mesqai shine'tegue na'le queso Saúl na' ñaqat, ca' sanagui qami' da lo'ueenataxanaxac.

Salmos 107:11

sauaxat se na'xaỹaxanalo naua lelaataxanaxaco ñi qara'gaxala', ma' se icoñiguit dá'maq ỹahotaque ñi qota'olec paguec lishicshi'ma.

Jeremías 28:16

Vichiguiño' ñi qara'gaxala' 'naac: Ajá'a, selachi', qam quiyim sahotaque sapalaxachirac quena 'laua. Ca' quenajo ñaaxa, ca' rillivi', ma' quenaua ra'qaataxahi', ca 'viichi' quiyim na qomyipi npa'guene'e' aỹim.

Jeremías 29:32

vichiguiño' ỹim na'gaxala' shinac: Souaxan ma'le ñi Semaías chaqai na llaalqaipi. Ca' qaica ma'le ca llaalec ỹalequetaugui na ỹalamaxareteripi, chaqai se ỹalega'a da na'maxa saanem ma'le na ỹalamaxareteripi, ma' quenaua la'qaatqa ỹo'uet quiyim npa'guiñi'e' aỹim. Ỹim na'gaxala' se'taxajñi da ỹa'qaatec. (30.1—31.1 Ñi qara'gaxala' ỹa'xateta'guit da lca'laqataxanaxa ma'le chaqai dá'maq noyac ma'le quiyi qomyipi.)

Oseas 3:4

Ma' mashic shi'gom ma'le da 'neetari' na Israel llaalqaipi qaica ca lashi chaqai ca la'gaxala', qaica ca lachitaxanataxanaxat chaqai ca imaqachin qa', qaica ca looỹac na netaxaỹaxanqajanqaipi chaqai ca lashiilec na ni'iquipi quenaua la'aate'.

Números 14:9

Qam 'neeto' sqai viilec ñi qota'olec chaqai se ro'chiỹa yí'maq qomyipi neetalec yi'maxare. Ma' yi'maxare sqaica sauaqaque ma'le, ma' yi'maxare qaica cá'maq ro'ootaxanlec. Qam quená'maq qomi' 'ue ñí'maq qara'gaxala'. ¡Sqaica ro'chiỹaque!

Hechos 13:22

Ca co'na' ime, ca naqat quiyi loma' so Saúl, ca ỹaanem quiyim nashi so David. Ca' queso'maxare, ca' 'naaco': “Ỹanataxat ñi David, llaalec so Isaí, ñi ỹale maq sa'maxarenta, ma' ỹo'uet ma'le cá'maq sahotaque.”

2 Corintios 6:16

¿Peeta'a ỹa'maqachiguiñi quiyim qoỹanaugui ca nashiilec nqolac ca 'imec qouagaxainaxaqui quiñi qota'a? 'E', ma' qomi' lauooto' ñi qota'a ñí'maq nca'leetauec. Ma' ñí'maq qota'a 'naac: Sentaugui chaqai salequetaugui na'maxare; ca' chaqaỹim ná'maq ỹim qota'olec quena'maxare, chaqai na'maxare, ca ỹalamqateripi.

Gálatas 5:20

chaqai nqouagaxaintacot na nqolaquipi, chaqai 'naxanaxai, chaqai da lauelgaxanaxac, lapetaxanaxac, chaqai da lco'ualaxanaxac, sqo ỹoxo'ña lauel, 'ue da naquitete'e quiyim 'ue ca ỹo'uet, chaqai lapoonta' na qomyipi quiyim ỹoỹoota'chi.

Apocalipsis 21:8

Ca ná'maq qolonqaiquipi, chaqai ná'maq sqai huelgoto naua ỹa'qaatqa, chaqai ná'maq naqaigaxat, lauataxanaxaiquipi, chaqai na nedequenaxairipi, chaqai na 'naxanaxairipi, chaqai na nqouagaxaintacot na nashiilec nqolac, chaqai ná'ogue na 'maatqaiquipi, na'maxare tai'a nqohin quiyim qainaxañigui ca norec lodegaxat lavigaxat na quiquiaxaic. Ca' chaqaica ca co'uaataxanaxaic nelauaxa.

Apocalipsis 22:15

Qam no'ueenauec ma'le ná'maq ỹo'ueeteta'pe naua se no'viiñi, chaqai ná'maq ỹo'ueetetac ana le'naxanaxaqui, chaqai na nedequenaxairipi, chaqai na lauataxanaxairipi, chaqai ná'maq nqouagaxaintacot na nashiilec nqolac, chaqai ná'ogue ná'maq nqo'ta chaqai ỹo'ueetetac da na'maachic.

1 Samuel 16:1

Ca' ñi qara'gaxala' 'naaco' queso Samuel: —¿Chi laquio' tauec da rachicoxo'e' sauaxat so Saúl? Ma' ỹim tot sa'maxaren quiyim queeta nashi quena Israel. Mo'e', no'xataxachirigui quena aceite aca rocoraxanqachi'i' lasote, ma' sahotaque quirepegue' yi la'a' ñi Isaí quiyi Belén, ma' mashic 'ue ñi ica'acsec quiyim nashi quiyaua llaalqa ñi'maxare.

1 Samuel 28:3

Ca' queco'na'le, ca' so Samuel shi'co' ileu, ca sá'oco' so llaalqaipi so Israel noỹenteguelco' so'maxare. Ca co'na' ime, ca' qaishinñi quiyi Ramá yí'maq na'a' chi ne'xaỹoqsoqo'. Qam so Saúl ỹo'daauco' na'le quiyi na'laua ná'maq richaauec nqai'en da 'ueenataxac chaqai na ima'guit quiyim retaxaỹa'pegue' na nqui'i.