1 Samuel 15:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' so Samuel 'naaco' queso'maxare: —¿Mese na'yiiñiralta'o' quen quiyim qaica ca 'ñitegue na'le? Qam vichira'a quiyim qami' la'gaxala' na doce llaalqaipi so Israel, chaqai ñi qara'gaxala' ỹano qami' quiyim qami' nashi.

1 Samuel 15:17 Iomraidhean Croise

Mateo 18:4

Ca' chaqaida 'neeta, cá'maq paguec lecaic nqohin ma' hueetaugui da lo'ueenataxanaxac ñí'maq neeta'gue da piguim, ca' chaqaica cá'maq nemanachiteta, pilchigui quiyim 'ec noctoqui'.

Jueces 6:15

Qam so Gedeón lotqai 'naac: —Qouaquiric, qami' ỹa'gaxala'. Qam ¿negue' quet cá'maq 'neeta quiyim ñca'laxatec na Israel? Ma' ná'maq sachicqaugui, na'maxare ỹaatqajam paguec 'xoraic quená'ogue na llaalqaipi so Manasés. Chaqai ỹim paguec qaica ca shinegue quena iuo' laseripi.

1 Samuel 10:1

Co'na'le, ca' so Samuel icona aso locoraxanqate aceite lahi', ca' ỹocorelec na lqahic so Saúl. Ca 'naaco': —Ñi qara'gaxala' ỹoỹoote'oga qami' nagui, qaiyi loqoira'a na llaalqaipi so Israel ná'maq lalamaxareteripi ñi'maxare. Ca' qami' ná'maq loqoira'a ma'le, na'maxare chaqai 'ootaxañirelec chaqai nca'laxachirec ma'le quena npa'guenaxauaripi sqoỹoqaque quena la'a'. Ca' 'eda dá'maq letanec ñí'maq qara'gaxala' quiyim ỹano qami' quiyim qami' lashi ma'le ná'maq lalamaxareteripi ñi'maxare.

1 Samuel 10:22

Ca co'na'le, ca' lotqai qainat ñi qara'gaxala', ma' qaỹahotaque quiyim qaỹa'den quiyim ỹalequetaho so Saúl. Ca' ñi qara'gaxala' ỹa'xat quiyim ỹalequetaho so'maxare, qam nqañoxojñi, hueetaugui so ni'ỹaaquipi.

1 Samuel 15:16

Ca' so Samuel 'naaco' queso Saúl: —Ñaq re'maqaite', na'xaỹaxañita dá'maq la'qaatec ñi qara'gaxala' queso pe, ỹahotaque quiyim sa'xatem qami'. Ca' so Saúl 'naaco': —Hua', 'xachi'.

1 Samuel 9:21

Ca' so Saúl 'naaco': —¡Qam ỹim sachigoxougui na llaalqaipi so Benjamín ná'maq paguec sqo vito'olqai' quena llaalqaipi so Israel! Chaqai yaua ita'al ỹaatqajam qaica ca lemaqachigue' quená'ogue na llaalqaipi so Benjamín, sqai 'nejem na liỹaripi. Ca ¿chi'neco' ma' 'xachisac dá'ogue dajo caỹim?