Biblia Todo Logo
Bìoball air-loidhne

- Sanasan -




1 Samuel 15:13 - La'qaatqa ñi qota'olec Qota'olec & Qota'olec Novita Na Qomyipi

13 Ca co'na'le, ca' so Samuel quepegue' so Saúl. Ca so Saúl 'naaco' queso'maxare: —Ñi qara'gaxala' no'ueenaxat ca qayicyaxaqui'. Somachigui dá'maq lelaataxanaxac caỹim ñi qara'gaxala'.

Faic an caibideil Dèan lethbhreac




1 Samuel 15:13
17 Iomraidhean Croise  

Ime, ca' ỹaanem da no'uen llicyaxac so Abram, 'naaco': Ỹaanem qami' ca no'uen qayicyaxaqui' ñí'maq qaica 'nejem qota'olec, lo'ueenatec na piguim chaqai na 'laua;


Ca' so ỹale 'naaco': —Adá'maq 'aalo nañaañi' quiyim ñauegaxaua nañaañim ca la, ca' ỹim sa'ic.


ca' so David ila'o' da la'qaatec, 'naaco': —Ñi qara'gaxala' no'ueenaxat ca qayicyaxaguii, ma' ỹaatqajam 'xoico' na'le da rqouagaxahi queso Saúl só'maq rashii na' shiñiñi.


¡Maqachiñii quená'ogue na qomyipi! ¡'Xachitac dá'ogue dá'maq lo'ueenataxanaxac!


Ca' da 'neeta ma'le caqamiri ma' ỹovita quiyim ime dá'ogue da qailarelgoto qamiri quiñi qota'olec, ca' 'ñiỹac: “Qomi' ma' qomi' nelaatqa, ỹaatqajam qaica ca shinaxague, ma' ná'maq so'ueetqatac chaqainaata ná'maq chi qailaroxolec.”


Ca' so fariseo nachaatetañi, 'ne'teco' quen yí da nqouagaxainaxac: “Qami' qota'olec, qami' saanot da ña'aachic, ma' sqai shinta na liỹaripi, ma' cuataxairipi, hualoxonyipi, chaqai lapaatapi'ñi' aca se loua. Chaqai sqai shinta nataxare' ỹacona'piguit ana nishiuete so nashi quiyi Roma.


Ca' so Booz 'naaco': —¡Ñi qara'gaxala' ỹaanem qami' ma'le ca lqouagaxa! Nagui, ca' re'oq quiyim se napaquiralec repaquisa'pegue' só'maq roua'e' mashic tot qaica. Ma' qami' shichi' quiyim michiraque cá'maq paguec ne'necoqui' caỹim quiyim roua'e', 'eno'm 'xoraic loqo'm nesallaxanec, qam sqai 'ñitetegue dajo.


—Ỹaatqajam chalego da ñitogotaxa quiyim nashi nqaishin ñi Saúl, ma' ñi'maxare ca'e aỹim chaqai se na'xaỹaxana da ilaataxanaxac. Ca' so Samuel ỹaatqajam qaica ca la'maqa', ca' sá'ogue so pe nqouagaxaintacot ñi qara'gaxala'.


Ca' so Saúl 'naaco': —Ỹim ña'xaỹaxane'ta ñi qara'gaxala', chaqai somachichigui dá'maq yilarelec, chaqai ỹoxonec ñi Agag ñí'maq lashi na llaalqaipi so Amalec, chaqai ỹaatqajam ñomachichiguiñi sá'ogue so'maxare.


Qam so Saúl chaqai so nalliripi se ỹalauat so Agag, chaqai nca'laxatetauec aná'maq no'uen qagretaipi, chaqai na toorollipi, chaqai na 'uegaxasaq huaqui llaalqaipi, chaqai na qagreta louaaripi chaqai se iuagaxatac na no'uen nouenqaipi. 'Nesa, ma' iuagaxatac ná'maq qaica ca 'negue chaqai qaica ca lemaqachic.


Qam 'uo' so 'óna quesaua lelaatqa so Nabal quepegue' aso Abigail só'maq loua so Nabal, ca' ra'qaataxana, 'naaco': —Chicqora'a yi 'laua qaica qom saua lelaatqa so David, nelata da liquinaxanaxac so qana'co', qam so'maxare se ỹa'maxata'que saua'maxare.


Lean sinn:

Sanasan


Sanasan