1 Samuel 15:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca na' nete'etam queso liỹa na'xa'a no'teetashiguim, ỹahotaque quiyim natena'guit so Saúl. Qam qaỹa'ue da la'xaỹaxac quiyim so'maxare taigue da Carmel, ca' quiyi, ca' no'xonshiguim so nadenqatec no'leentaxat. Ime, ca' lotqai pil, quepegue' yi Gilgal.

1 Samuel 15:12 Iomraidhean Croise

Génesis 21:14

Ca' queso liỹa na'xa'a na' ñaq nete'etam, ca' so Abraham ỹaanem so pan aso Agar chaqai aso liỹoxoso no'qaatagui queso huaxaỹaq. Ca' illaalgoto naua lallaaco chaqai ỹaanem so llaalec Ismael. Ca' ỹo'daauec aso'maxare. Ca' eec aso'maxare, se ỹa'den ca taigue. Ca' chi namaqategueri' quiyi 'laua qaica qom quiyi 'laua Beerseba.

2 Samuel 18:18

Ca co'na' ñaq nca'leetauec so Absalón, relaataxanlec quiyim qano'xonshiguim so no'leentaxat qa'. So'maxare naalec nqohin yi 'laua leenaxat nashi nca'megue. Ca' illilec dá'maq chaqai leenaxat, ma' so'maxare qaica ca no'ueenañi llaalec, ca' ỹovireta'a nagui quiyim qaỹa'den leenaxat Qa' ỹo'uet quiyim qaỹo'leente so Absalón.

1 Reyes 18:42

Ca' so Acab eec, ca' que'e chaqai ne'et. Qam so Elías quiishi'megue ada qa' ladocai Carmelo. Ca nqa'xanñi, ỹoviraqta'guita naua le'cootal ñi lashic.

1 Samuel 17:20

Ca' queso liỹa nete'e, ca' so David no'teetashiguim, ca ỹa'ue so neloxoỹaq caso qagreta, ca' eec, i'xat sá'ogue só'maq na'ic qoỹaanem queso leta'a Isaí. Ca co'na' ỹovita so co'matqa', ca' so ỹalliripi mashic ỹa'maxañi, eec, ỹaualqatagui quiyim nalauat.

1 Samuel 25:2

'Uo' so ỹale na'ñi yi na'a' Maón, so'maxare ỹaatqajam nesallaxanec. So'maxare ỹovi' tres mil aso lalo qagreta chaqai mil aso quetaq. So'maxare 'ue yi nemeenqa' quiyi na'a' Carmel, ca' chaqaiyi hua'ño' quena' nepetec ana lalo qagreta.