1 Samuel 15:11 - La'qaatqa ñi qota'olec Qota'olec & Qota'olec Novita Na Qomyipi

¹¹ —Ỹaatqajam chalego da ñitogotaxa quiyim nashi nqaishin ñi Saúl, ma' ñi'maxare ca'e aỹim chaqai se na'xaỹaxana da ilaataxanaxac. Ca' so Samuel ỹaatqajam qaica ca la'maqa', ca' sá'ogue so pe nqouagaxaintacot ñi qara'gaxala'.

1 Samuel 15:11 Iomraidhean Croise

Génesis 6:6

Ca' ỹaatqajam netocteta'pegue quiyim ỹo'ueeto' na'le na qom, ca ỹaatqajam 'xoic da lqui'ic nqai'en.

Génesis 6:7

Ca 'naaco': Sapalaxat ná'maq ỹo'ueenatec qom quena 'laua, chaqai ná'ogue ná'maq nelo iseripi, chaqai ná'maq nqai'queetegueri', chaqai na ỹoipi. Ỹaatqajam 'xoic da ñitogotaxa, ma' so'ueeto' na'le.

1 Reyes 11:9

Co'na'le, ca' ro'o ñi qara'gaxala', ñi qota'olec quiyi Israel, ro'ỹa so Salomón, ma' rashiiuec nqai'en añi le'taxanata quiñi'maxare. Ca ñi'maxare dos nachaxana na'le so'maxare,

Salmos 110:4

Ñi qara'gaxala' qota'olec ỹaanec da la'qaatec, ca' se netogot: Nagui, ca qami' netaxaỹaxanqajnec sqaica lqodoc ma' qaretaxaỹa'pegue' aỹim, 'ec na'le so Melquisedec.

Salmos 36:3

Se ỹa'machiñi naua la'qaatqa chaqai 'maatqaic, na'laxatañi da la'maqataxanaxac, ca ỹo'uet na se no'uen.

Ezequiel 18:24

Qam no'm cá'maq ỹo'ueetetac ca ỹa'maqachiguiñi, ca' ỹo'uet ná'ogue na se no'uen ná'maq se yqo'ta lo'ueenataxanaxac ca hualoxonaq, ¿'neetapiguio' qavillii quiyim nca'leetauec? 'E', ma' ỹim tot so'leenta'a cá'maq no'uen ỹo'ueetetac, ta'ta'a quiyim ileu sauaxat quiyim se ỹaqamaq chaqai quedá'maq se no'uen ỹo'ueetetac.

Amós 7:3

Ca na'le, ca' ñi qara'gaxala' qaca'guit nqai'en dá'maq sham 'ne'tegue, ca 'naac: —¡'E', dajo sqai 'neeta ma'le!

Jonás 3:10

Ca' ñi qota'a iuana dá'maq 'neetari' yi qomyipi quiyi Nínive quiyim ỹaxañiñi naua loico se no'viiñi. Ca' ñi'maxare se ipaguigui nqai'en da la'qaatec quiyim 'naac nopoxoỹaxajñi yi Nínive.

Jonás 4:2

Co'na'le, ca' nqouagaxainot ñi'maxare, 'naaco': —Ñaqa 'ajñi', qami' ỹa'gaxala', chaqaida dajo dá'maq shinac quen quiyim 'neeta ma'le na' ñaqai senta'gue da ỹa'a'. Vichiguiño' chaqa'ma' sham seet, saigue da Tarsis, ma' ỹim sa'den quiyim qami' 'xorenataxanaxai chaqai 'ñaaxaic qavilli'. Ca' 'xachi' da rouaxanaxanaxaqui', qam lotqai netogochi', ma' paguelec da re'xorenataxanaxa'e'.

Mateo 24:13

Qam cá'maq se nañaxanñi, chi ỹovireta'a ca lqodoc aca lqauaxaqui, ca chaqaica cá'maq qanca'laxatec.

Mateo 5:44

Qam ỹim shinac caqamiri, 'xoriñii ca npa'guenaxauahi, chaqai no'uen cá'maq naxailec cá'maq ishiuenta'pe qamiri, 'maxachii'tegue cá'maq qamiri loquiiqate', nqouagaxaiñitalec cá'maq ishiuenta'pe chaqai se ỹa'maxata'que qamiri.

Lucas 6:12

Ca 'uo' so na'xa'a, ca' so Jesús taashi'megue aso qoỹoqoshi'megue 'laua, ca' nqouagaxain, sá'ogue so 'óna pe nqouagaxaintacot ñi qota'a.

Hebreos 10:38

Qam cá'maq ỹim secoñi'chiguit quiyim chaqaica cá'maq 'maxaraic da no'ueenataxac, ca' da lpi'ỹaxac chicqochigui da lca'laxa. Qam no'm pilec, ca' se ishit quiyim ñitoonta'pegue ca'maxare.

1 Samuel 15:10

Ca co'na' ime, ca' ñi qara'gaxala' 'naaco' queso Samuel:

1 Samuel 15:3

Ca vichiguiño' nagui quirepegue', nalauachire'e'; qam ỹaatqajam nomachichiriñi, liỹa'ñi' nqai'ñi' ná'ogue na lalamaxareteripi; lauachi' na ỹalliripi, 'aallipi, ñaaqaipioqui', vire'ta na chita'gue ne'qaañi, chaqai na toorollipi, qagretaipi, nauaanaxanaxa late'ellipi chaqai na 'ashinyipi.

1 Samuel 15:35

Ca' so Samuel tot qaica ma' liỹa quet quiyim neuañiguit so Saúl, ca 'eno'm 'xoic da lachicoxo quiyim ñi qara'gaxala' 'ue da netogotaxa quiyim nashi nqai'en so Saúl quiyi Israel.

1 Samuel 15:9

Qam so Saúl chaqai so nalliripi se ỹalauat so Agag, chaqai nca'laxatetauec aná'maq no'uen qagretaipi, chaqai na toorollipi, chaqai na 'uegaxasaq huaqui llaalqaipi, chaqai na qagreta louaaripi chaqai se iuagaxatac na no'uen nouenqaipi. 'Nesa, ma' iuagaxatac ná'maq qaica ca 'negue chaqai qaica ca lemaqachic.

1 Samuel 16:1

Ca' ñi qara'gaxala' 'naaco' queso Samuel: —¿Chi laquio' tauec da rachicoxo'e' sauaxat so Saúl? Ma' ỹim tot sa'maxaren quiyim queeta nashi quena Israel. Mo'e', no'xataxachirigui quena aceite aca rocoraxanqachi'i' lasote, ma' sahotaque quirepegue' yi la'a' ñi Isaí quiyi Belén, ma' mashic 'ue ñi ica'acsec quiyim nashi quiyaua llaalqa ñi'maxare.

1 Samuel 8:6

So Samuel se nqo'ta quiyim qaỹashiilatac queca nashi quiyim reloqota'a so llaalqaipi so Israel. Ca' ỹaanot da nqouagaxainaxac ñi qara'gaxala' qota'olec.