1 Samuel 11:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' queso liỹa na'xa'a, ca' so Saúl naloqojñi nqai'en so nalliripi tres nqai'ne' saua lomaate'. Ca co'na' saqa' richiguiñi, ca inoxonaugui na lavinñi ca nco'matqa' ca npa'guenaxauaripi. Ca' ỹaatqajam qanalauajñi so Amón llaalqaipi, chi ỹovireta'a so na'xa'a lavinñi. Ca ná'maq ca'laaxaiquipi ỹaatqajam neuagaxatetac, qaicaua caua nauequetecta'.

1 Samuel 11:11 Iomraidhean Croise

Génesis 22:14

Ca na' ime, ca' so Abraham ỹa'uo' da leenaxat yijo 'laua, leenaxato' nqai'en: Ñi qara'gaxala' ỹa'ue cá'maq qaỹouentaque. Vichiguiño' nagui qaiyiita qohinac: Cada quemaralec ladocai ñi qara'gaxala' ỹa'ue cá'maq qaỹouentaque.

2 Samuel 18:2

Ime, ca' ila' so liỹa nalliripi quiyim ỹa'guelec nqai'en so Joab; ca' so liỹa nalliripi, ca' lotqai ỹa'guelec nqai'en so Abisai, llaalec aso Sarvia chaqai lqaỹa so Joab; ca' so liỹa nalliripi, ca' lotqai ỹa'guelec nqai'en so Itai só'maq na'ño' na'le yi Gat. Ca 'naaco' quesá'ogue so nalliripi: —Ỹim ñalecqajantauguilo qamiri ma'le queca lauataxac.

Salmos 46:1

Ñi qota'olec quepaqataxanteguelgoto qomi' chaqai qarquesaxanaxa; chaqai quena' 'ue da qareuogoxo, ca' qarotauan.

Éxodo 14:24

Qam na' na'xa'atac, ca' ñi qara'gaxala' ỹa'ajan so nouaataxanaq nalliripi yi Egipto quesó'maq hueetaugui ỹaviquetaugui naueguelec. Ca' chicqochigui quiyim tot na'maxajta' so'maxare.

Mateo 7:2

Ma' ñi qota'olec imite' qamiri, qam naloqojñi'chiguit cá'maq 'ñii'tegue ca rimiitaxanaxaguii queca riỹahi, ca cá'maq 'ñii'tegue quiyim naloqochiñii ca ỹopilaqtejelgoto qamiri.

Santiago 2:13

Ma' cá'maq se i'xoren ca liỹa, ca' chaqaida qohine'tegue. Ma' qaimit, ca' se qai'xoren. Qam cá'maq 'ue ca le'xorenataxanaxa, ca' qaica ca qohinegue, ma' ỹovita ca na'xa'a quiyim qaimit.

Jueces 4:16

Ca' so Barac queetalec ỹocanta so Sísara nalliripi chaqai so nahoglenaipi, chi ỹovireta'a nqai'en yi Haroset-goim. Ca' quesojo na'xa'a ỹaatqajam qaica ca no'ueenashiguim ca'laaxaic queso nalliripi so Sísara, sá'ogue nimiichiguiñi. (4.11, 17-23 Dá'maq 'neeta da lelauaxa so Sísara.) (5.1-31 Lo'ueenec aso Débora chaqai so Barac.)

Jueces 7:16

Ca chaqa'ma' iuagaxachigui so trescientos nalliripi, tres lapooqote' nqai'en. Ca' ỹaanem ana lpe'te qagreta loua' lasote chaqai ana nehoma 'laua hueetagui na lcoỹeraxanaxat ỹaviquetaugui.

Jueces 7:20

Ca' saua tres lapooqote' sá'ogue neuagaxat chaqai pe'taxan chaqai ỹopoxoỹaxachigui aso lo'qoota'a nehoma 'laua. Chaqai lo'qoota'a queda nemaq ca lcoỹeraxanaxat, ca' ana lpe'te lo'qoota'a queda loic. Ca' ỹaualqatagui, 'neeta'gue: —¡Da lauataxac chicqochigui ñi qara'gaxala' qota'olec chaqai ñi Gedeón!

1 Samuel 11:2

Ca' so Nahas amonita le'ec 'naaco': —Ajá'a, ña'maxachiguita qamiri, qam no'm 'maxariñita quiyim ñaqat añi nqote loicse quiñi 'óna caqamiri, qaiyi so'uet quiyim ỹaatqajam qai'neetac na llaalqaipi so Israel.