1 Samuel 10:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca ma'le, ca' viriu'a yi Gabaa, la'a' ñi qota'olec, yí'maq na'ñi yi nouaataxanaq nalliripi na filisteoipi. Ca ma' noxoñiho quiyi na'a', ca nachiñiỹa'guit ma'le so letaxaỹaxaquiripi ñi qota'olec chicqashi'megue ada ncopatoxonaxalate. Ca' queso'maxare 'auetauec ma'le so qomyipi iviiquetapigui ana liviigue, lasaquinata, lpe'te chaqai ana niviigue 'xoic na lequet, leenaxat arpa.

1 Samuel 10:5 Iomraidhean Croise

1 Reyes 18:29

Qam chi ỹovireta'a quiyim napacalec so na'xa'a lavinñi, qam so qomyipi ñaqai queeta ỹaualqatagui, chaqai nenotetashiguim 'ec hualoxonyipi, chi ỹovireto'o' ca laloqo'o' quen quena' qoỹaano, ca' qaỹavigaxat ca nachitaxanataxanaxat. Qam ¡qaica ca qara'xaỹaque quiyim saachiguit so qomyipi!

2 Reyes 2:15

Ca' so netaxaỹaxaquiripi na'ñi yi Jericó ñaqai hueeta'ta'gue da liỹa lemanaxa. Co'na' ỹauanchigui dajo, ca 'naaco': —¡Ñaqai 'ajñii da lquesaxanaxa so Elías ta'ñigui so Eliseo! Ca co'na'le, ca so qomyipi ca'guit, ca' ỹa'dooto naua le'cootal.

2 Reyes 2:3

Qam só'maq netaxaỹaxaquiripi na'ñi yi Betel naxata'guit so Eliseo, ca qohinapego': —¿Mashic 'yiiñi'o' quiyim ñi qara'gaxala' quiyim nagui quena na'xa'a ỹahotaque ỹaconsop so napaxaguinatqochi'? —Ajá'a, shi'gue sa'den —'naaco' so Eliseo—, qam qamiri qaico' ca 'ñiỹac.

2 Reyes 2:5

Qam so netaxaỹaxaquiripi na'ñi yi Jericó naxata'guit so Eliseo. Ca qohinaco' queso'maxare: —¿Mashic 'yiiñi'o' quiyim ñi qara'gaxala' quena na'xa'a ỹahotaque ỹaconsop so napaxaguinatqochi'? —Ajá'a, shi'gue sa'den —'naaco' so Eliseo—, qam qamiri qaico' ca 'ñiỹac.

2 Reyes 2:7

Qam cincuenta so netaxaỹaxaquiripi eec, co'uajlgoto saua'maxare. Qam ñaqai ỹoxalom saua'maxare, ca' hua'e so qomyipi quiyi nalootere'oga. Ca' so Elías chaqai so Eliseo huere'e, hueeso'ot na lqodoc aso lachiugue Jordán.

2 Reyes 6:1

Ca 'uo' so na'xa'a so letaxaỹaxaquiripi ñi qota'olec 'naaco' queso Eliseo: —'Ajñi', ná'maq qouo' senqataugui ỹaatqajam cocho'qui' coqomi'.

1 Corintios 14:1

Nquipichiỹa'pegue' quiyim 'ue ca re'xorenataxanaxahi, chaqai nauá'maq lo'ueenataxanaxaco so Espíritu Santo chicqoro'ot ñi qota'a, qam paguec la'maxa quiyim qaỹa'xate' naua la'qaatqa ñi'maxare.

1 Samuel 10:10

Ca co'na' so Saúl chaqai so lelaatec ỹovirero quiyi Gabaa, ca' so letaxaỹaxaquiripi ñi qota'olec 'eco' se no'uen, ca'guit so'maxare, rasotetagui. Ca co'na'le, ca' so ne'espíritu ñi qota'olec ta'ñigui so Saúl, ca hua'ñi quiyim so'maxare se no'uen, ca' rasot, ỹalequetaugui so'maxare.

1 Samuel 10:4

Ca ma' riquiñi', ca ỹahotaque ỹaañiraxarom ma'le caua dos paañi'. Ca' coñichiguita ma'le.

1 Samuel 9:12

Ca saua'maxare 'neraco': —Ajá'a, qam paguec lesega yi na'ñi. Qam riỹalahi, ma' ca'maxare nagui nacpegue' najo na'a', ma' nagui 'ue ca qaỹavigaxat nachitaxanataxanaxat huaalec añi ncopatoxonaxalate.