1 Samuel 10:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca' so Samuel ỹaatqajam ra'qaataxanem so qomyipi quená'maq leloxoỹaxac da lo'ueenataxanaxac ca nashi, ca ỹiriñi caso lere, ca ỹa'maxat illaugui ñi lauo' ñi qara'gaxala'. Ca co'na' ime dajo, ca' so Samuel 'naapega so qomyipi quiyim pil quenaua la'aate'.

1 Samuel 10:25 Iomraidhean Croise

1 Timoteo 2:2

Sahotaque qai'neeta quiyim qanqouagaxainlec na nashillipi leta'allipi chaqai ná'ogue na lotauaripi, qaiyi qaica canchaqaica coqomi', qaiyi qara'maqachiguiñi, ma' ỹaatqajam ñañaanqot ñi qota'a, qaiyi quená'ogue na qana'ajnaxac qaỹa'maxarenta.

Tito 3:1

No'uenaxanaxañitegue ná'maq mashic icoñiguit da na'qaatec quiyim se napacalec ná'maq nashillipi leta'allipi chaqai na lotauaripi. Ta'ta'a quiyim na'xaỹaxane'ta chaqai quiyim se resalla'ñiguit quiyim ỹo'uet canchaqaica no'uen no'ueenataxanaxac.

1 Samuel 11:14

Ca' so Samuel 'naaco' quesá'ogue so qomyipi: —Qolaq, qolaxapegue' yi Gilgal, qaiyi sa'maqtaxañi ca lo'ueenataxanaxac da Saúl quiyim nashi.

1 Samuel 8:9

Ca 'maxaraic quiyim 'viichi' cá'maq ỹahotaque na'maxare. Qam ỹaatqajam 'xachitem ná'ogue ná'maq louenec ca nashi quiyim reloxoỹa'a na'maxare.