1 Samuel 10:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Qam nagui qamiri liỹoxoỹa'piguit ñi qota'olec ñí'maq naqata'alo qamiri quená'ogue nanchaqaina ỹo'ueetetac na re'xoriguii. Ca' qamiri liỹoxoỹa'piguit na' shiilaxañitaque ca rashii quiyim reloqota'alo qamiri. Ca' vichiguiño' nagui naguipegue' ñi qara'gaxala', riỹahitac cá'maq chaqai qachaalaxahipi chaqai ca chi qauori laseripi.

1 Samuel 10:19 Iomraidhean Croise

Miqueas 5:2

Qam caqami' na'a' Belén Efrata, paguec qami' cocho'qui' quená'maq chigoxougui so Judá, chicqotougui qami' ma'le ca nashi ỹoiquentac ma'le na Israel. Ca'maxare chigoxougui so 'auaxaic qomyipi.

Deuteronomio 17:14

Ca no'ma' ỹovita quiyim noxoñiu'a cá'maq 'laua ỹaanema qamiri ñi qara'gaxala' qota'olec caqamiri, ma' ỹaatqajam qadoxoñiguii, ca' ñiỹalec ca'maxare, ca no'm 'ñiỹac: Sahoqotaque quiyim 'ue ca qarashi, qaiyi qara'gaxala', qaiyi shinqatari' ná'ogue na liỹa qomyipi sqoỹoqaque quena senqa'ñi,

Josué 24:1

So Josué lapoonta' sá'ogue so llaalqaipi so Israel quiyi Siquem. Ca' roỹaxana ná'ogue na qo'xoiquipi, na'gaxalateripi, chaqai na imitac na nasauaxaset, chaqai na liỹa nashillipi, ca ná'ogue nachaatou'a nqai'en ñi qara'gaxala'.

1 Samuel 10:20

Co'na' ime, ca' so Samuel 'naapega quiyim nqo'neuo sá'ogue so llaalqaipi so Israel. Ca tajlec quiyim qaỹaconeu'a na llaalqaipi so Benjamín.

1 Samuel 3:21

Ca' ñi qara'gaxala' lotqai liỹa nachaxan hua'ñi yi Silo, ma' chaqaiyi hua'ño' na' nachaxana so Samuel quiyim ỹa'xat da la'qaatec.

1 Samuel 4:1

Ca co'quena' ime, ca' so Samuel ra'qaataxanem ná'ogue na Israel llaalqaipi. Ca' quesauajo na'xata' so filisteoipi lapootecta', ỹahotaque nalauate'e' na Israel llaalqaipi. Ca vichiguiño' so Israel llaalqaipi tauec, quepegue' yi Eben-ezer, qaiyi reloqoguit so qomyipi. Ca na filisteoipi na'ñi yi Afec,

1 Samuel 8:19

Qam so qomyipi 'ec sqa 'xaỹa dá'maq 'naac so Samuel. Ca 'naaco': —'Eno'chaqai, qam qomi' sahoqotaque ca qarashi,

1 Samuel 8:5

ma' ỹahotaco' 'naapega: —Mashic qami' qo'xoỹom, chaqai naua qachaalaxahi' sqai 'neete'm qami'. Vichiguiño' vite quet ca qarashi quiyim reloxoỹa'alo qomi', qaiyi shinqata dá'maq 'neetari' ná'ogue na liỹa qomyipi.