1 Samuel 10:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Qam ná'oco' ná'maq shi'gue lauanatec so'maxare, co'na' iuane'ta quiyim ỹalequetaugui so letaxaỹaxaquiripi ñi qota'olec, ca' chi retaqatecta', 'naaco': —¿Nega'ỹo' ca 'neeta da llaalec ñi Cis? ¿Peeta'a qai'neeta da Saúl letaxaỹaxaqui ñi qota'olec?

1 Samuel 10:11 Iomraidhean Croise

Amós 7:14

Qam so Amós 'naaco': —Mesqaỹim netaxaỹaxaqui chaqai se sahotaque quiyim ỹim netaxaỹaxaqui. Ma' ỹim sque'eetapigui dá'maq quiyim seloqota'a ana qagreta chaqai llapoontac ana 'igo neuec,

Amós 7:15

qam ñi qara'gaxala' naqata'a aỹim quiyim seloqota'a ana qagreta. Ca 'naac caỹim: Mo'e', 'xachi' da ỹa'qaatec quiyi qomyipi quiyi Israel.

Juan 7:15

Ca' na judioipi ỹaatqajam 'uo' na le'laxa, ca 'naaco' quen: —¿Negue' cá'maq 'neeto' dá'maq dajo, ma' ỹaatqajam 'ue ná'maq ỹa'den, qam se ỹauanapega napaxaguin?

Hechos 3:10

Ca ỹaatqajam 'xoic na le'laxa chaqai no'daxatetec quedá'maq 'neeta, ma' neuanatec so ỹale quiyim chaqaiso só'maq nqa'xantaño' quen, rashiilaxantac, neeta'ñi ñi no'ueenaxanaxaqui lasom, leenaxat Lo'yaxana.

Hechos 4:13

Co'na' so nashillipi ỹa'den quiyim se no'chiiralec da letaxaỹaxague' so Pedro chaqai so Juan, chaqai retane' quiyim saua ỹale' sqai napaxaguinaxaqa chaqai saua'maxare chaqai qomi', ca 'ue da le'laqa'. Ca' qaỹa'deene' quiyim ỹalequesaugui na nauegaxauaripi so Jesús.

Hechos 9:21

Ca ná'ogue ná'maq na'xaỹaxantapega so'maxare ỹaatqajam 'xoic da le'laxa, ca 'neraco' quen: —¿Mesqaido' dajo ỹale dá'maq rocanaxantapigui na neeta'ñi yi Jerusalén ná'maq ỹouentac da leenaxat so Jesús quena' nqouagaxain? ¿Mesqaido' dá'maq qai'neeta naiquenajo ma' ỹahotaque quiyim coñi' na'maxare, ca ỹauegueu'a yi lashillipi na netaxaỹaxanqajanqaipi?