1 Samuel 10:1 - La'qaatqa ñi qota'olec Qota'olec & Qota'olec Novita Na Qomyipi

¹ Co'na'le, ca' so Samuel icona aso locoraxanqate aceite lahi', ca' ỹocorelec na lqahic so Saúl. Ca 'naaco': —Ñi qara'gaxala' ỹoỹoote'oga qami' nagui, qaiyi loqoira'a na llaalqaipi so Israel ná'maq lalamaxareteripi ñi'maxare. Ca' qami' ná'maq loqoira'a ma'le, na'maxare chaqai 'ootaxañirelec chaqai nca'laxachirec ma'le quena npa'guenaxauaripi sqoỹoqaque quena la'a'. Ca' 'eda dá'maq letanec ñí'maq qara'gaxala' quiyim ỹano qami' quiyim qami' lashi ma'le ná'maq lalamaxareteripi ñi'maxare.

1 Samuel 10:1 Iomraidhean Croise

2 Samuel 1:14

—Qam ¿chi'neco' ma' shichi'o' quiyim lauachi' so nashi lca'acsec ñi qara'gaxala'? —'naaco' so David.

2 Samuel 19:39

Ca co'na'le, ca' sá'ogue so qomyipi ỹapacta aso lachiugue Jordán. Ca co'na' mashic ỹapacta so nashi, ca nqo'goq so Barzilai, ca' niquine'e'. Ca co'na'le, ca' so Barzilai pila ca na'ñi ca la'a'.

2 Samuel 5:2

Ma' llic quiyim so Saúl só'maq qarashi na'le, qam qami' ná'maq la'gaxala' na llaalqaipi so Israel quena' 'ue na lauataq. Chaqai ñi qara'gaxala' ỹachaxantac qami' quesom quiyim qami' la'gaxala' na llaalqaipi so Israel.

1 Reyes 1:34

Ca ma' viriỹa yi'maxare, ca' ñi netaxaỹaxanqajnec Sadoc chaqai ñi netaxaỹaxaqui Natán, ca daua'maxare ỹocorerelec ma'le, qaiyi da'maxare qoỹano quiyim lashi na llaalqaipi so Israel. Ca' qaipi'chigui ma'le aca npe'te qagreta loua' lasote, ca' raualaxailec, 'ñiỹac: ¡Chaqaiqami' ná'maq qami' qarashi Salomón!

1 Reyes 19:18

Ca' ỹim ño'ueenaxatañi ma'le quiyi Israel ca siete mil qomyipi se ỹa'dooto naua le'cootal ñi Baal chaqai se nqo'goq.

2 Reyes 20:5

—Pilliro, ca 'ñirapega ñi Ezequías ñí'maq la'gaxala' na ỹalamaxareteripi, ca 'ñiraco': Ñi qara'gaxala', ñí'maq qota'olec queso 'auaxaic qareta'a David 'naacsa': Ỹim ña'xaỹaxana so nqouagaxainaxaqui' chaqai seuanalo saua rachichi', ca ỹim somachirec. Ca quenauajo tres na'xata', ca' shichi' quirepegue' ñi no'ueenaxanaxaqui quiyim qanqouagaxainot aỹim.

Ezequiel 16:13

Ca ná'ogue na no'ueetaxachi' nodaachiguiñi na 'oro chaqai na plata; chaqai na qatooỹaqui' nodaachiguiñi ná'maq no'uen lino chaqai lo'yaxanec naua lashiigo'. Chaqai 'qui'sac ná'maq no'uen pan chaqai rapic li'i chaqai na aceite chicqaugui ana oliva. Ca vichirau'a quiyim ỹaatqajam qami' lo'yaxana, chaqai vichirau'a quiyim qami' nashi na'gaxalate.

Hechos 13:21

Ca' so qomyipi rashiilaxanaque quiñi qota'olec ca lashi quiyim idaaneguelec so'maxare. Ca' ñi qota'olec ỹa'ue quiyim lashi nqai'en so Saúl, llaalec so Cis, chicqaugui so lauo' so Benjamín, ca' nashi cuarenta ñaxari.

1 Tesalonicenses 5:26

Quiñii ná'ogue na qarqaỹaripi, qam nqo'goxohi'e' chaqai 'xoriñii.

Hebreos 2:10

Ma' ñi qota'a lalamaxaret ná'ogue nanchaqaina 'ue, chaqai chaqai chicqo'ot ñi'maxare. Ca' ñi qota'a ỹahotaque quiyim ná'ogue na llaalqaipi nouanau'a da lauaq. Ca vichiguiño' ñi'maxare naloqojonchiguiñi nqai'en da no'ueenataxac so Jesucristo, só'maq lca'laxala' na'maxare, chicqochigui nqai'en da le'xoric.

Apocalipsis 5:8

Ca na' icona aso lere, ca' saua cuatro ise' nca'leesauec chaqai so veinticuatro qo'xoiquipi ỹa'chi'iñi naua le'cootal quiyi reloqota'ñi so qagreta llaalec. Ca' queso qo'xoiquipi nodaachiguiñi 'ue ana liviigue chaqai lo'qoota'a ana 'taxaqui 'oro, no'qaachigui quena nichiinaxanaxat. Ca' najo nichiinaxanaxat chaqaina ná'maq nqouagaxainaxac ná'maq lalamaxareteripi ñi qota'a.

1 Samuel 15:1

Ca 'uo' so na'xa'a, ca so Samuel 'naaco' queso Saúl: —Ñi qara'gaxala' yila' na'le quiyim saanot qami' ñi'maxare quiyim qami' nashi quena llaalqaipi so Israel ná'maq lalamaxareteripi. Vichiguiño' nagui na'xaỹaxañita dá'maq la'qaatec 'naapega qami' ñi qara'gaxala'.

1 Samuel 15:17

Ca' so Samuel 'naaco' queso'maxare: —¿Mese na'yiiñiralta'o' quen quiyim qaica ca 'ñitegue na'le? Qam vichira'a quiyim qami' la'gaxala' na doce llaalqaipi so Israel, chaqai ñi qara'gaxala' ỹano qami' quiyim qami' nashi.

1 Samuel 16:1

Ca' ñi qara'gaxala' 'naaco' queso Samuel: —¿Chi laquio' tauec da rachicoxo'e' sauaxat so Saúl? Ma' ỹim tot sa'maxaren quiyim queeta nashi quena Israel. Mo'e', no'xataxachirigui quena aceite aca rocoraxanqachi'i' lasote, ma' sahotaque quirepegue' yi la'a' ñi Isaí quiyi Belén, ma' mashic 'ue ñi ica'acsec quiyim nashi quiyaua llaalqa ñi'maxare.

1 Samuel 16:13

Ca' so Samuel chaqa'ma' icona aso lahi' na locoraxanaxat aceite, ca' iuanchigui so lqaỹaripi quiyim ỹano nashi so ne'nec, leenaxat David. Ca chaqa'ma' so ne'espíritu ñi qara'gaxala' novita so'maxare, ca' ỹo'uet da lquesaxanaxa. Ca co'na' ime, ca' so Samuel niquine'e' so qomyipi, ca' eec taigue da Ramá.

1 Samuel 2:10

Ñi qara'gaxala' lahiletajlec nqai'en na npa'guenaxauaripi, chicqo'ot nqai'en na piguim aca soxonaxa, ca nouaxañi'ña nqai'en na'maxare. Ñi qara'gaxala' imit ma'le ná'ogue na hueetalec na 'laua; ca' ỹaanem ca lquesaxanaxa cá'maq lca'acsec quiyim nashi, ca nqo'naxatec da lquesaxanaxa.

1 Samuel 24:6

Ca 'naaco' queso nalliripi: —¡Ñi qara'gaxala' yotauan quiyim qaica ca shine'tegue ñi ỹa'gaxala' nashi! Ma' ¡ñi'maxare nashi, ma' ỹaatqajam lca'acsec ñi qara'gaxala'!

1 Samuel 8:19

Qam so qomyipi 'ec sqa 'xaỹa dá'maq 'naac so Samuel. Ca 'naaco': —'Eno'chaqai, qam qomi' sahoqotaque ca qarashi,

1 Samuel 8:9

Ca 'maxaraic quiyim 'viichi' cá'maq ỹahotaque na'maxare. Qam ỹaatqajam 'xachitem ná'ogue ná'maq louenec ca nashi quiyim reloxoỹa'a na'maxare.

1 Samuel 9:16

—Ma' nete'e ma' chaqaiyi ñiichi'ñi añi ra'aasa, ca ñila' ca ỹale chicqa'a yi 'laua Benjamín. Ca' chaqaica cá'maq cochirelec ma'le quiyim vite lashi na ỹalamqateripi, ná'maq llaalqaipi so Israel. Ca' chaqaica cá'maq nca'laxatec ma'le queda lelaataxanaxac na filisteoipi. Ma' ỹim ỹaatqajam 'ue da i'xorenataxanaxa na' noviro'ot aỹim da lashiilaxanaxac.

1 Samuel 9:27

Ca co'na' chicqorashi'ma yi na'a', ca' so Samuel 'naaco' queso Saúl: —'Aueta nqai'ñi' da relaachiqui', ca' qami' qovire'e lecocho'qui', ma' sahotaque quiyim sa'xatem qami' dá'maq 'naac ñi qota'olec caỹim.