1 Samuel 1:3 - La'qaatqa ñi qota'olec Qota'olec & Qota'olec Novita Na Qomyipi

³ Ca naua'que naua ñaxari so Elcana inoxonec quiyi la'a', ca quepegue' yi Silo quiyim nqouagaxaintac chaqai ỹo'ueetetac ana lachitaxanataxanqate ỹavigaxatetac, ca' ỹaanot ñi qara'gaxala' ñí'maq qaica ca lqalanec. Yi'maxare neesa'ñi saua Ofni chaqai so Finees, llaalqa so netaxaỹaxanqajnec quiyim qaretaxaỹa'pegue' ñi qota'olec, leenaxat Elí. Saua'maxare qai'neeta netaxaỹaxanqajanqa.

1 Samuel 1:3 Iomraidhean Croise

Éxodo 23:14

Vite ca nemaqachic, tres yimaqachiñi' quiyi ñaaxa.

Éxodo 23:17

Ná'ogue na ỹalliripi tres ỹovira'a quiyim yimaqachin quiyi ñaaxa. (23.18-33 Dá'maq qohinta'gue cá'maq nachitaxanataxanaxac. So lelaatec ñi qota'olec na'gaxala' queso qomyipi.)

Lucas 2:41

Ca' saua leta'al so Jesús naua'que naua ñaxari taasa'pegue da Jerusalén quena' ỹovire'oga so laloqo' quena' qaỹo'leenta'a so na'xa'a co'na' qoyique'e yi Egipto.

1 Samuel 1:21

Ca co'na' ime dajo, ca' so Elcana eec, liỹaatac sá'ogue so llaalqaipi, taigue da Silo, ma' ỹahotaque quiyim ipacqajanchigui da la'qaatec quiyim ỹaanot ñi qara'gaxala' aca lachitaxanataxanqate ỹavigaxat quiyim ỹovire'oga ca laloqo' quiyi ñaaxa.

1 Samuel 1:9

Ca 'uo' so na'xa'a co'na' hueeta'ñi yi Silo, ca' aso Ana co'na' ỹomat ca lqui'ỹaxac, ca ne'laxashiguim. Ca' so netaxaỹaxanqajnec Elí nqa'xantañi, neeta'ñi yi lahi ñi lasom añi no'ueenaxanaxaqui quena' qanqouagaxainot ñi qara'gaxala'.

1 Samuel 2:19

Chaqai co'quena' ỹovirec yi ñaaxa, co'quena' aso late'e quepegue' añi no'ueenaxanaxaqui, liỹaatac so loua, quiyim ỹaando ca lachitaxanataxanaxate' quiyim qaỹavigaxat quena' ỹovirec yi ñaaxa, chaqai qanachaaho qai'neeta aca lachiima qaỹauaaque lo'ueenataxanaxaqui' quiñi no'ueenaxanaxaqui.

1 Samuel 3:13

Ma' shi'gue shintapega ñi'maxare quiyim sa'ue ma'le ca nouaxanaxaset quedá'maq ỹo'ueetesac se no'uen naua llaalqa, ca ñi'maxare shi'gue ỹa'den. Ma' naua llaalqa se no'uen da ỹa'xate' taalec nqai'ne' aỹim, qam ñi'maxare se quepaxate' quiyim nelaxalo.

1 Samuel 4:11

Chaqai qai'neeta qarouootaxana'gue aso lahi' saua laqataxaco ñi qota'olec, chaqai qaỹalauat so Ofni chaqai so Finees saua dos llaalqa so Elí.

1 Samuel 4:4

Ca' so llaalqaipi so Israel ỹa'ue so ilata yi Silo quiyim qanodori' aso lahi' saua laqataxaco ñi qota'olec, ñí'maq qaica lqalanec, ñí'maq neetalgoto saua dos nadenqatqa piguim lase' 'vii laua'. Ca' so Ofni chaqai so Finees, sauá'maq llaalqa so Elí, liỹa' quetegue aso lahi' saua laqataxaco ñi qota'olec.