1 Samuel 1:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca co'na' ime dajo, ca' so Elcana eec, liỹaatac sá'ogue so llaalqaipi, taigue da Silo, ma' ỹahotaque quiyim ipacqajanchigui da la'qaatec quiyim ỹaanot ñi qara'gaxala' aca lachitaxanataxanqate ỹavigaxat quiyim ỹovire'oga ca laloqo' quiyi ñaaxa.

1 Samuel 1:21 Iomraidhean Croise

Génesis 18:19

Ma' ỹim ica'acsec na'maxare, qaiyi 'naapega ca llaalqaipi chaqai ca lauaripi quiyim huelec da ỹapaxaguinataxanaxac, chaqai quiyim ỹo'uet ná'ogue ná'maq ỹa'maqachiguiñi chaqai da no'uen ñicyaxac, qaiyi sepacqajanchigui ná'ogue ná'maq shinac na'le.

Deuteronomio 12:11

ca' quecajo hua'ñi ca lca'acsec quiyim qaimaqachin da leenaxat ñi qara'gaxala', ca' chaqaica cá'maq hua'ñi quiyim 'ỹaañiuo ná'ogue ná'maq selarelgoto qamiri: ná'maq iseripi qaỹavigaxat quena' qoỹaano, chaqai 'oono'lli' quecá'maq diez hueeto'oto qamiri, chaqai aná'maq notaanaxanqate, chaqai ná'ogue ná'maq shi'gue chaxañita quiyim 'ỹaañiỹot ñi qara'gaxala'.

Deuteronomio 12:6

Ca' chaqaica hua'ñi quiyim qaỹavigaxat ca rachitaxanataxanaxachii quiyim qaimaqachin ñi'maxare, chaqai 'ỹaañiuo aca 'oono'lli' caca diez cana hueeto'oto qamiri, chaqai aca rotaanaxanqachii, chaqai aca 'ñiỹac quiyim 'ỹaañiuo, chaqai acá'maq taachigui na qavillii quiyim rachitaxanataxanqachii. Chaqai chaqaida 'ñii'tegue quecá'maq 'auaxaic llaalec ca qalohi huaca loqo'm qagreta.

Josué 24:15

Qam no'm sqai 'maxariñii quiyim quiilec ñi qara'gaxala', ca' nagui, ca' nca'aiua'a cá'maq viitaque quiilec, na nqolaquipi ná'maq imaqachintac na'le so 'auaxaic qataa'illipi na' neetalec da lahi aso lachiugue Eufrates, loqo'm na lqolaquipi na amorreoipi, ná'maq ñiitañigui qamiri nagui. Qam ỹim chaqai na ỹaalqaipi qolaxalec ñi qara'gaxala' qota'olec.

1 Samuel 1:3

Ca naua'que naua ñaxari so Elcana inoxonec quiyi la'a', ca quepegue' yi Silo quiyim nqouagaxaintac chaqai ỹo'ueetetac ana lachitaxanataxanqate ỹavigaxatetac, ca' ỹaanot ñi qara'gaxala' ñí'maq qaica ca lqalanec. Yi'maxare neesa'ñi saua Ofni chaqai so Finees, llaalqa so netaxaỹaxanqajnec quiyim qaretaxaỹa'pegue' ñi qota'olec, leenaxat Elí. Saua'maxare qai'neeta netaxaỹaxanqajanqa.

1 Samuel 2:19

Chaqai co'quena' ỹovirec yi ñaaxa, co'quena' aso late'e quepegue' añi no'ueenaxanaxaqui, liỹaatac so loua, quiyim ỹaando ca lachitaxanataxanaxate' quiyim qaỹavigaxat quena' ỹovirec yi ñaaxa, chaqai qanachaaho qai'neeta aca lachiima qaỹauaaque lo'ueenataxanaxaqui' quiñi no'ueenaxanaxaqui.